龍B潮殺到 教局推全港一人一位?


報讀幼稚園(K1)的熱潮又將展開!猶記得去年雙非壓境,北區幼稚園間間現人龍,於是教育局急急在北區及大埔區推出「一人一位」政策,以消除造成學額不足的假象。今年適逢龍年效應,為免加劇學額競爭,以及人龍重現,教育局已落實將「一人一位」推及全港,有關政策到底有會對幼稚園收生帶來甚麼轉變?對家長的部署會有何影響?有甚麼需要注意?各位龍媽,務必細看!

「一人一位」不保證人人有位

雖然新的收生安排叫「一人一位」,但家長要搞清楚「一人一位」的意思,並不是一人派一個學位,而是每個申請人只可以在一間幼稚園註冊,教育局並不保證每個學童都能被分配一個學位。此政策將除適用於全港參加「學券計劃」的幼稚園外,亦有部分私立獨立幼稚園會參加,而有關幼稚園名單,6月初將會於教育局網站(www.edb.gov.hk/tc/index.html)公布,家長務必留意。

三大轉變
1.無限派表
為杜絕排隊人潮,教育局要求所有幼稚園,在合理及足夠的時段內實施無限派表, 但派表形式則由幼稚園自行決定,可於網上下載, 亦可到校索取。以上安排亦適用於收表, 幼稚園應預先通知家長有關安排。

2.用學券註冊
以往學券是申領學費補助的文件,在現行政策下,學券將同時變成註冊文件,學童不論獲多少間幼稚園取錄,亦只能持學券選定一間註冊。若家長不申請學券,並欲報讀參與計劃的私立獨立幼稚園,則須於11月向教育局申請註冊信,代替學券作為註冊文件。

3.提高註冊費
為防家長一人霸多位,今年開始幼稚園的報名費及註冊費皆會上調,報名費由30元增加至40元,加幅33%;半日制及全日制幼園註冊費上限分別增至970元及1,570元,加幅達47%及37%。

2015-16學年 K1收生安排流程

7月至8月:家長須提早於2014年7月至8月申請學券。「2015/16學券計劃資格評估」會於本年7月開始接受申請,屆時學生資助辦事處(www.sfaa.gov.hk)將公布申請細則,並會在網頁上載詳情。

11月:合資格申請人將獲發學券
12月底:家長將收到幼稚園的申請結果通知
2015年1月22至24日:於統一註冊日選定一間幼稚園註冊,並繳交註冊費。
2月初:教育局將於網上公布參與「一人一位」計劃幼稚園所提供的空缺資訊,家長亦可直接向幼稚園查詢是否仍有空缺。
統一註冊日後至9月(叩門期):如學童在「統一註冊日」後獲取錄,仍須以學券註冊。如學童在一所幼稚園註冊後想轉校,須到原先註冊的幼稚園取回學券,而該幼稚園即不會再為學童保留學位;原先所繳交的註冊費亦不會退還。取回學券後,家長可與其他未有學位者,一同競爭其他學券或私立獨立幼稚園的剩餘學位,但不會獲得優先入學機會。

家長簡介會
為讓家長更了解是次新安排的詳情,教育局特地設立查詢熱線,及舉辦多場簡介會,有關細節如下:
日期 時間 地點 報名情況
6月14日(星期六) 09:00至10:00 大埔官立小學 接受報名
6月14日(星期六) 10:30至11:30 大埔官立小學 接受報名
6月14日(星期六) 14:00至15:00 大埔官立小學 接受報名
6月14日(星期六) 15:30至16:30 大埔官立小學 接受報名
6月15日(星期日) 14:00至15:00 沙田官立中學 已額滿

6月15日(星期日) 15:30至16:30 沙田官立中學 已額滿
6月21日(星期六) 09:00至10:00 元朗商會中學 接受報名
6月21日(星期六) 10:30至11:30 元朗商會中學 接受報名
6月21日(星期六) 14:00至15:00 元朗商會中學 接受報名
6月21日(星期六) 15:30至16:30 元朗商會中學 接受報名
6月22日(星期日) 14:00至15:00 順德聯誼總會譚伯羽中學(屯門)接受報名
6月22日(星期日) 15:30至16:30 順德聯誼總會譚伯羽中學(屯門)接受報名

* 報名情況以6月3日截稿日為準。
* 如有興趣參加簡介會的家長,可於教育局網站下載報名表格,填妥後透過電郵或傳真方式遞交,獲安排出席的家長,須自行列印及攜帶教育局發出的確認電郵出席簡介會。

查詢電話
港島區域教育服務處 2863 4646
九龍區域教育服務處 3698 4108
新界東區域教育服務處 2639 4876
新界西區域教育服務處 2437 7272
幼稚園及幼兒中心聯合辦事處 3107 2197
教育局熱線 2891 0088

龍媽策略
Christy & 囡囡:「本身住屯門,區內幼稚園都多雙非爭,暫時打算報番區內嘅學券幼稚園,大概報4至5間,最緊要近屋企,同埋會揀啲規模大啲嘅辦學團體,資源會好啲。新制未正式實行,成效係點都未知,我6月會去聽簡介會了解多啲詳情先,現階段都唔係太擔心,因為囡囡係細B,如果今年唔得,都可以等多一年。」

鄧太&囝囝:「我哋住葵青區,雙非競爭唔算大,不過龍年咁多BB 出世,阿仔又係11月出世嘅細B,都有少少擔心,萬一唔得,就唯有等多一年啦。雖然政府而家話會無限派表,但係邊間學校會點樣派都唔知,又唔一定間間都係網上派表,最擔心到時一樣要排隊。我唔想阿仔讀得咁辛苦,想揀啲輕鬆啲嘅幼稚園,打算報番區內,10間以內都冇走雞。」

樊太& 囝囝:「我之前係做幼稚園教師,知道龍年效應競爭係會大啲,不過都唔係太擔心,始終幼稚園又唔係強制教育,都係學啲基本嘅自理能力,同俾小朋友學吓過群體生活,所以最緊要係近,小朋友唔需要咁辛苦。新安排聽落都OK,以前好多人鍾意間間都交留位費霸住個位,依家應該可以杜絕呢啲情況。」

趙sir提提你
面試形式或改變
「教局要求無限量派表,又要求幼稚園在收生時做到公平公正,盡量面見每個申請人,最大影響就係面試形式。以前可以揀人嚟見,依家表派多咗,又硬性規定12月底就要放榜,變相學校少咗時間做嘢,所以為節省時間,或會改為小組面試形式。家長亦要有心理準備,如果打算報10間8間,面試好可能會撞期。」

冇得慢慢諗
「以前幼稚園收生各自為政,依家參加新計劃嘅幼稚園,就要配合教育局訂好嘅流程行事,12月放榜,1月註冊,即係家長唔可以再死霸學位唔放,亦都少咗時間考慮,所以家長應該及早做足功課,搵定心儀學校嘅資料。」

私立一樣爭崩頭
「今次新安排只係涉及學券幼稚園, 同部分參加計劃嘅私立獨立幼稚園,但冇參與計劃嘅就不受影響。呢類幼稚園大部分都係歷史悠久,年年都有幾千人報名嘅,如果家長想報呢類幼稚園,就一樣要面對有人周圍交留位費霸住學位,咁就要等到9月開學,有人放番啲位出嚟,先可以再碰運氣。」

選校勿盲從
「所謂『好學校』,唔係人人都話好嘅學校,係要適合你小朋友讀嘅學校,先叫『好學校』。例如佢性格係鍾意玩嘅,就唔適合讀催谷型嘅學校;佢有語言天分,就應該讀啲重語文發展嘅學校。我以下推薦嘅學校,都係經教育局評核為『以孩子為中心』嘅學校,呢類學校適合大部分小朋友,而且唔係太出名,應該會容易啲入。」

趙sir推介 十八區平靚正幼稚園

中西區:明愛凌月仙幼稚園 2517 8785
薄扶林道54號地下至2樓 lyskg.caritas.org.hk

東區 浸信會培理幼稚園 2567 3289
西灣河街175號 www.puili.edu.hk/main.htm

灣仔區 愛群道浸信會呂郭碧鳳幼稚園 2893 2715
灣仔愛群道36號地下及三至五樓 www.lkpfkg.edu.hk/home.php

南區 基督教宣道會海怡幼兒學校 2873 3026 鴨脷洲怡南路海怡半島第4期29座高層地面 www.southhorizons.cmasshk.edu.hk

九龍城區 保良局陳黎惠蓮幼稚園 2364 7170
九龍城馬頭圍道188-194號康年閣地下1樓及2樓 www.poleungkuk.org.hk

油尖旺區 救世軍海富幼兒學校 2148 2477 旺角西海富苑海寧閣B及C翼地下 ccs.salvation.org.hk/directory.files/HFN/index.htm

觀塘區 救世軍平田幼稚園 2775 5332 藍田平田邨平誠樓地下 www.salvation.org.hk/kindy/pt/ptkg.htm

黃大仙區 基督教中國佈道會恩恩創意幼稚園 2997 5299

慈雲山慈康邨 www.ecfbck.edu.hk

深水埗區 香港基督教服務處大坑東幼兒學校 2777 8020
大坑東棠蔭街大坑東社區中心4樓及天台 www.hkcschild.edu.hk/thtns

西貢區 香港保護兒童會維景灣幼兒學校 2709 0307
調景嶺澳景路88號維景灣畔第三期LG2 www.hkspc.org

北區 救世軍天平幼兒學校 2671 9972
上水天平邨天賀樓B座地下106-110室 pses.salvation.org.hk

沙田區 馬鞍山靈糧幼稚園 2881 7848

鞍山頌安邨頌德樓地下 www.lingliang.org.hk

大埔區 東華三院方麗明幼兒園 2653 2393
大埔鄉事會街大埔社區中心6樓 www.tungwah.org.hk

離島區 保良局張潘美意幼稚園 2109 0033
東涌富東廣場一樓 www.kids-club.net/edu/cpmykg

葵青區 基督教香港信義會天恩幼兒學校 2429 8181
葵涌葵盛圍346號馮鎰社會服務大樓地下 www.elchk.org.hk

屯門區 佳寶幼稚園(屯門分校) 2451 6080
屯門兆安苑定賢閣地下 www.guideposts.edu.hk

中華基督教會屯門堂何福堂幼稚園 2467 5078
屯門蝴蝶邨蝶舞樓8座G樓 hftk.ccc.edu.hk

荃灣區 荃灣浸信會幼稚園 2413 3819
荃灣青山道99號地下及2樓 www.tsuenwanbckg.edu.hk

元朗區 香港基督教服務處天恒幼兒學校 2486 5007
天水圍天恒邨恒貴樓地下B 及C 翼 www.hkcschild.edu.hk/thns

撰文:Joanne
攝影:Clay Lam(部分相片由受訪機構提供)
模特兒:Miranda Wong & Ophelia So @Pure Model

關鍵詞
kiss vol.163

你有獨家湊BB心得嗎?

更多精選內容