一風堂 × 幪面超人  $98龍蝦豚骨拉麵

一風堂 × 幪面超人 $98龍蝦豚骨拉麵

一風堂 × 幪面超人 $98龍蝦豚骨拉麵

幪面超人同龍蝦拉麵有乜嘢關係?去到「一風堂」就知,原來係打怪獸!話說龍蝦怪肆虐,幪面超人一號仗義出手,擊退龍蝦怪,更將龍蝦變成龍蝦拉麵!
搞咁多嘢,都係為了慶祝一風堂麵店四周年。主角其實係全新推出的龍蝦豚骨拉麵,一風堂招牌豬骨湯底混合龍蝦湯加上秘製的海老香油,伴原隻龍蝦、鮮蝦雲吞和半熟蛋,代替傳統叉燒,好矜貴!麵條是極太,即幼麵,能充份吸汁,啖啖都有龍蝦鮮味,每碗賣$98,有驚喜!龍蝦拉麵即日起至9月30日,一風堂於全線分店供應。同時推出十多款全新小食,包括來自日本、悉尼和倫敦各分店的特色名菜,推介必食芝士天婦羅、和風炸廣島蠔及大阪串揚拼盤等。

一風堂
龍蝦豚骨拉麵$98:龍蝦濃湯汁混合豬骨湯底,加上海老香油和原隻龍蝦,鮮味濃郁 期間限定,即日供應至九月底。
一風堂
和風炸廣島蠔$65:脆炸原隻廣島蠔,上碟時配以特色和風他他醬。
一風堂
芝士天婦羅$45:來自悉尼店的原創小食,天婦羅炸醬包著幼滑芝士,再裹上紫蘇葉及紫菜,外脆內軟。
一風堂
丸煮$98:倫敦店原創小食,燜煮過的日式叉燒,以火槍炙燒表面,形成焦糖脆皮,上碟時加上滑溜溫泉蛋及枝豆醬。
一風堂
店內到處都見到幪面超人,包括餐牌、員工制服、紙扇等。
一風堂
筷子套可以摺成龍蝦,值得留念。
一風堂
地址:旺角亞皆老街8號朗豪坊4A樓5舖
電話:3514 9380
營業時間:星期一至日11:30am-10:30pm
付款方式:現金及一般信用卡,另收加一
前往方法:港鐵旺角站B出口
每人平均消費:$150
備註:龍蝦拉麵於全線分店供應

撰文:Fiona

如您欣賞本文章 , 懇請讚好我們的FB專頁 , 鼓勵我們做得更好 。
網址 : www.facebook.com/SundayKiss

更多精選內容