初夏賞樹熱點 鳳凰木 、藍花楹、樹頭菜
其實 鳳凰木 每年都會於香港盛開，無論係屋邨、學校、各大公園同埋河邊都見到。今年點解開得特別靚？原來同天氣有關！今年比較少大風雨，再加上夏季特別早來臨，啱啱食正 鳳凰木 開花期，所以先有咁誇張嘅紅海睇咋！而 鳳凰木 原產地為馬達加斯加，在台灣、海南、廣東等地均有被引入。既然 鳳凰木 周圍都有得睇，咁帶住小朋友去邊度睇最好呢？除咗 鳳凰木 ，最近仲有咩花睇呢？等我哋同你介紹下啦！
維多利亞公園
Blogger「呀劍萬帥」帶咗囡囡去維園賞鳳凰木，原來一入維園，離遠已經見到一大棵鳳凰木企咗喺公厠旁邊，另外近銅鑼灣的維園入口嗰邊仲開得多！而且全部集中喺在同一個位置，離遠望過去已經見到一堆紅色樹郁郁下！
維多利亞公園
地址：香港島銅鑼灣興發街一號
交通：從港鐵銅鑼灣站E出口，沿記利佐治街步行前往。
下頁：將軍澳區邊度睇紅樹呢？
將軍澳 常寧遊樂場
常寧遊樂場位於坑口站，有「橋底公園」之稱，公園有唔少已經開花的鳳凰木，最正中呢棵開得特別靚！唔止有鳳凰木睇，呢個公園仲有唔少兒童遊樂設施，仲有緩跑徑、長者健體設施等，由3至80歲都有嘢啱玩啊！
常寧遊樂場
地址：新界將軍澳常寧路
交通：港鐵將軍澳坑口站A出口
下頁：其他賞鳳凰木點
麗閣邨
大埔
根據搜集返嚟嘅靚相，記者發現新界係最多鳳凰木嘅地方，當中以大埔區最為密集，一到五月中，成個大埔都好似染上咗紅色嘅顏料！
中環
下頁：藍花楹
除咗紅色的鳳凰木，每年春末夏初，市區內都會出現一棵棵紫色的花，花名藍花楹，係咪好靚啊？咁邊度有得睇呢？
維多利亞公園
維多利亞公園除了有鳳凰木，還有藍花楹，而且花比木多，非常漂亮。
嘉道理農場
嘉道理的藍花楹樹長得又高又大棵，最呃like！
灣仔星街
星街的藍花楹只有一棵，生於斜坡上，有一種孤獨美。
香港大學
平時去開西環，不妨入去香港大學睇下藍花楹啦！
沙田中央公園
沙田中央公園的藍花楹數目最多，而且比較集中，可以說是最適合賞花之地。
下頁：樹頭菜
樹頭菜又名為魚木，每年開多次花，其中一次為春末。剛開花時是白色的，慢慢會變成黃色，再轉為淡色，根據康文署網頁，香港有多處賞樹點，包括文東路路旁市容地帶、摩士公園、太子道西行道樹、西邨路行道樹、大埔海濱公園、天水圍公園。
麗閣邨
大角嘴
太子道西行道樹
撰文：Fiona Fong
