嘉道理農場暨植物園一日遊-與大自然零距離接觸

嘉道理農場暨植物園一日遊-與大自然零距離接觸

嘉道理農場暨植物園參觀遊記|揚揚爸爸和媽媽好鐘意同小羊們去郊外玩,因為平日能夠接觸大自然嘅機會唔多。今次介紹呢個地方,我覺得係超讚,1日都玩唔晒。可以嚟呢度親親大自然、睇動物、花、行山、野餐一次過做晒!邊度咁正?就係「嘉道理農場暨植物園」。我哋4個人,揚細佬未夠5歲係免費,連觀光巴士約$100就玩足一日,係一個唔錯嘅親子好去處

撰文及圖片來源:揚揚媽媽·育兒日誌嘉道理農場暨植物園|編輯:Sunday Kiss

嘉道理農場

猛禽園區
猛禽園區

嘉道理農場

嘉道理農場暨植物園

我哋入園後參加了2個導賞團——「猛禽知多D」和「哺乳類動物知多D」,導賞員非常專業講解有關動物嘅資料和特色,每一團都係小班教學15-20人。例如「猛禽知多D」飼養員帶咗一隻貓頭鷹比我哋睇,超近距離接觸,團內嘅小朋友們都超專心咁聽,真係難得一見。其實仲有好多不同導賞團,全部都係免費,要參加就早啲掛隊報名。

超近距離睇貓頭鷹講解。
超近距離睇貓頭鷹講解。

嘉道理農場

嘉道理農場

紅鶴
紅鶴
小鹿
小鹿
豹貓
豹貓

我哋買咗觀光巴士票,可以舒舒服服咁上到山頂,其實園內的山路都幾斜,所以有年幼小朋友又想上山頂都係坐觀光巴士較好。觀光巴士有7個站,你可按自己想去睇嘅圜區落車。我哋坐到上山頂,風景十分優美,又有小草地可以野餐,旁邊有一條「超小秘道」,小朋友入去真係有探險嘅感覺,見到不少小朋友來回玩咗5-6次。

嘉道理農場

小羊好比心機行上斜路,加油⋯揚媽媽表示真係好斜。
小羊好比心機行上斜路,加油⋯揚媽媽表示真係好斜。
小型秘道,好似探險。
小型秘道,好似探險。
山上風景,好美!
山上風景,好美!

嘉道理農場有新鮮雞蛋、有機菜賣,啱晒鍾意shopping 媽媽嘅需要!

不知不覺已接近5點快關門,其實仲有好多地方未去,下次真係要再早啲來!

嘉道理農場

後記:據導賞員講,嘉道理農場內所有動物都唔係購買,係有人棄養/係郊野被發現,經檢定後被認為不適合野放(有不少係傷殘),佢哋會喺園內住直到終老。令人反思,人類確係做咗好多傷害大自然嘅事(食野味、製作皮草而擸殺動物、果子狸咖啡係由餵佢哋食不能消化嘅咖啡豆得來,原本野生嘅果子狸被迫變成飼養,加上飼養環境惡劣⋯⋯),我哋真係要保護環境,呢個都係愛護我哋下一代嘅責任。

兩棲及爬行動物屋,見唔見到蜥蝪?
兩棲及爬行動物屋,見唔見到蜥蝪?

溫韾提示:
嘉道理農場嘅地圖係要比$5買,如果想了解有咩地方行,可以門口影低、上網Download定先(見圖)

園內山路、斜路、樓梯都比較多,推BB車嘅話都好吃力,有啲地方仲要抬BB車
園內有野餐區,想玩一日嘅話,就最好自備食物,因為園區只有一個素食亭,係門口旁邊(無食過唔知好無食)
冬天上山都幾寒涼,記得帶件外套

嘉道理農場前往方法:
大埔墟或太和站轉乘64K巴士往元朗西方向,於嘉道理農場暨植物園門前的巴士站下車。
錦上路站轉乘64K巴士往大埔方向,於嘉道理農場暨植物園的巴士站下車。

嘉道理農場

嘉道理農場暨植物園 Kadoorie Farm and Botanic Garden

開放時間: ‪9:30am – 5pm‬
地址: ‪香港新界大埔林錦公路‬

入場費: 12-59歲 $30 / 5-11歲 $15 /5歲以下、60歲或以上長者及合資格殘疾人士免費

更多精選內容