大埔獨木舟宿營|獨木舟體驗+出海睇日落+BBQ 每位$560起暢游船灣海

大埔獨木舟宿營|獨木舟體驗+出海睇日落+BBQ 每位$560起暢游船灣海

大埔獨木舟宿營|趁住天氣尚未轉涼,不妨和小朋友一起體驗一下特別的水上活動!最近大埔推出一個獨木舟宿營,爸爸媽媽可以同小朋友一齊體驗獨木舟嘅樂趣之餘,仲可以出海玩水。有專業教練而且包住宿,就算小朋友唔識玩獨木舟,都會有專人教授!

圖文授權:韋川 bd|編輯:Billie

大埔獨木舟宿營

今次介紹嘅獨木舟宿營喺大美督舉辦,小朋友可以同爸爸媽媽一齊玩獨木舟,另外仲會包一晚住宿,有專業教練指導同專業嘅裝備。可以趁機同小朋友運動吓,再出海玩吓,欣賞吓自然美景。不過記住要喺活動前8天先進行預約。

大埔獨木舟宿營|試玩獨木舟

在香港獨木舟是一項相對於冷門的活動,不過卻可以在玩水的同時訓練小朋友的平衡力,以及大肌肉力量,在炎熱的天氣之下,更是最好不過的消暑活動。這次介紹的獨木舟宿營在入營當日可以玩一次獨木舟,如果怕獨木舟太難小朋友會好難上手,教練會先教導小朋友基本的爬艇動作,之後才開始出發,有教練在旁不用過分擔心。玩獨木舟可以放電又充滿挑戰,當日所有小朋友都十分開心。

獨木舟
(圖片來源:韋川 bd授權)

(圖片來源:韋川 bd授權)

 

大埔獨木舟宿營|親手接觸海洋生物

唔單止喺玩獨木舟,玩嘅同時仲可以暢游船灣海,時間合適的話更可以欣賞黃昏日落!當日划獨木舟去了一個潮退才可以見到的小灘,小朋友在海邊玩沙玩得十分開心。另外仲會見到大量海星、海藻等各式各樣的海洋生物,俾小朋友有機會見識平時唔見到的生物,嗰日小朋友見到真正嘅海星全部都好興𡚒!不過謹記睇完就要放返落海,唔可以帶走架!

獨木舟
(圖片來源:韋川 bd授權)

大埔獨木舟宿營|農莊自動旋轉BBQ

玩完一輪之後就回程,最後去埋BBQ就更加完滿!雖然宿營Package入面冇包BBQ,不過營地附近都有一個唔錯嘅燒烤農莊。汀角灣燒烤農莊有一般的集體燒烤爐,也有全港首創的360度旋轉燒烤爐。旋轉燒烤爐只要將燒烤串放上去等一陣就食得,小朋友都可以輕鬆處理。食物種類非常多,開爐起計可以燒3.5小時。另外農莊也有很多遊樂設施,有興趣的小朋友可以在BBQ之後去玩。

獨木舟
(圖片來源:韋川 bd授權)

 

大埔獨木舟宿營|YHA 3人獨木舟體驗團

地址:大埔大美督大美督路66號 YHA白普理賽馬會大美督青年旅舍
活動日期:星期五或六(2021年10月至12月)
預約:需要於活動前8天預約
費用:$1,680
年齡:6歲或以上人士
套餐內容:費用包括1晚指定房型住宿、1名教練及最多3名參加者之獨木舟設備租用、救生衣租用和保險

網址:YHA白普理賽馬會大美督青年旅舍

大埔獨木舟宿營|汀角灣燒烤農莊

地址:大埔汀角路17號DD29地段(汀角村對面巴士站旁)
收費:
-旋轉燒烤:$158/位(星期一至五)、$188/位(星期六、日)
-兒童一律$98/位

-公眾假期及前夕另特別收費
-開爐費:$50/爐
燒烤時長:3.5小時

網址:汀角灣燒烤農莊

 

你會帶仔女去嗎?

更多精選內容