大埔生活農莊|落手種菜+柴火pizza+圍爐燒烤 月租$360體驗耕種樂

大埔生活農莊|落手種菜+柴火pizza+圍爐燒烤 月租$360體驗耕種樂

大埔生活農莊|在香港生活一向十分擠逼,在都市之中想好好感受一下大自然的美,幾乎是不可能的事,莫講話想要種菜。大埔生活農莊就出租他們的農地,讓爸爸媽媽們可以同小朋友一齊,體驗耕種的樂趣,農莊設備完善,收成之後仲可以帶走蔬果,俾小朋友體驗吓不一樣的樂趣!
圖文授權:[email protected]、部分圖片來源:相關機構|編輯:Billie

大埔生活農莊

大埔生活農莊位於郊區,位置陽光充足,非常適合耕種,可以和小朋友一起享受大自然。農莊會為小朋友提供耕作工具、時令種子、泥土和有機肥料,每格田為 3 × 1.2 米,農莊入面有灌溉設備、圍網和共用休憩空間,設備相當齊全。明白香港人平日上班十分忙碌,只可以做假日農夫,工作人員平日也會幫忙淋水,不用擔心一段時間沒去就全部枯菱。

大埔生活農莊
(圖片來源:相關機構)

耕種:新手入門 園主親自教授

趁住假日租田種菜,不只可以讓小朋友享受大自然,更可以教導小朋友珍惜食物。落手落腳種過菜之後,小朋友就可以明白農夫叔叔有幾辛苦。第一次做小小農夫,天氣不算太熱,小朋友們玩得好開心。雖然是第一次,不過不用太過擔心,因為見到初次種植的小朋友,園主會主動教授有關種植的知識,包括土壤、育田、施肥等,種菜的同時可以學會和蔬菜有關的小知識,新手只要跟住做就可以。

 

各式工作坊:落手整pizza 做小手工

租田之外,大埔生活農莊入面仲有各式各樣的工作坊,不少人都會參加薄餅製作工作坊,食pizza做午餐。薄餅是用柴火烤的,小朋友可以同大人一齊整。我們從麵團和材料開始製作,再放入烤爐。最欣賞的是他們的柴火烤爐,很有風味又十分漂亮,pizza放進去之後,只要3至4分鐘,就變得脆卜卜。不只pizza,更可以做小手工,和小朋友一起做些特別的紀念品。

晚餐:圍爐燒烤 仲有海鮮套餐

如果有興趣,大埔生活農莊入面更可以一家大細一齊圍爐燒烤,大家圍埋一齊傾計氣氛超好。大埔生活農莊有幾款不同的燒烤套餐,標準套餐裏面有牛仔骨、雞翼等應有盡有,每位小童收費$100,成人每位$180;海鮮套餐就多了龍蝦焗飯和虎蝦,小童每位$100,成人每位收費$300。燒烤設有最低消費$2,000,用餐時間最長4小時,如果想食記住要3日前預訂。

 

大埔生活農莊

租田收費:一格田 $2,280 / 6個月、$4,320 / 12 個月
參考:官方網站

即睇大埔生活農莊詳細地址及聯絡方法

常見問題

問:點樣去?

答:從太和港鐵站乘坐綠色小巴25A於泰亨豪園下車

問:除咗種菜仲有咩玩?

答:仲有各式工作坊,包括整Pizza。

你會帶仔女去嗎?

更多精選內容