大東山芒草行山路線+交通+裝備一覽

大東山芒草行山路線+交通+裝備一覽

親子好去處

大東山芒草|秋天又到,大東山係熱門的芒草打卡點。由伯公坳出發,一路行上去,除了滿滿的芒草之外,仲有懸浮石、SUNSET PEAK、爛頭營等多個打卡點。以下為大家整理咗大東山行山嘅路線、要帶嘅裝備,同埋交通方法,等爸爸媽媽同小朋友輕輕鬆鬆睇芒草!

圖文授權:鯨魚‧蝦子媽咪親子blog、高比足跡|編輯:Billie

路線+交通+裝備一覽

大東山芒草|第一站:伯公坳

大東山睇芒草的旅程由伯公坳開始,只要在東涌坐大嶼山巴山於伯公坳落車便可以了。伯公坳位於鳳凰山和大東山之間,可以遠眺東涌和長沙的景觀,小朋友只要沿住鳳凰徑向上行,就可以到達大東山。由於這是上坡路,小朋友可能會較為辛苦,不過這段路可以欣賞到第二高的鳳凰山的景緻,前段的芒草數量較少,要堅持到上山才可以看到。

大東山芒草
可以見到鳳凰山。(圖片來源:高比足跡)
大東山芒草
(圖片來源:鯨魚‧蝦子媽咪親子blog)

回到目錄

大東山芒草|第二站:大東山芒草集中地

由伯公坳一路向前行,很快就到達大東山。山上有很多芒草,係第一次行呢度,見到整個山頭都係芒草,小朋友都大叫好靚。小朋友又可以近距離睇住牛牛食草,好enjoy今次大東山的行山之旅。係大東山除咗有超靚的芒草可以打卡,貝澳海灘亦一覽無遺,絕美的海景配合高高的芒草叢,隨風搖曳的芒草十分唯美,大人小朋友都超級鐘意。

大東山芒草
主路兩旁間中會有小支路,影相最佳靚位(圖片來源:高比足跡)

回到目錄

大東山芒草|第三站:懸浮石+SUNSET PEAK

再向前一點便看到大東山的著名打卡景點懸浮石和SUNSET PEAK。懸浮石事實上十分安全,下面是有石頂住的並非真的懸空,小朋友可以和爸爸媽媽一起影到超型的懸空照片,好像漂在半空中一樣。再走上一點就是SUNSET PEAK的位置,白色圓柱的位置就是了,會有一塊木牌標示。因為呢個位置影日落係最佳的,所以才會叫SUNSET PEAK,有時間可以係呢個位置影埋日落。

大東山芒草
(圖片來源:鯨魚‧蝦子媽咪親子blog)
大東山芒草
懸浮石(圖片來源:高比足跡)

回到目錄

大東山芒草|第四站:爛頭營

SUNSET PEAK的木牌背後就係爛頭營了,爛頭營令人有萬里長城的感覺,雖然沒有長城這麼壯觀,在山上有屋有不可思義的感覺。被俗稱爛頭營的這些石屋群,原本是外籍傳教士們建的渡假屋,時至今日部份仍然是私人所有的。爛頭營大大小小有21間石屋,小朋友可以來一個石屋探秘,小石屋配上芒草和山野景色,可以說是絕佳的影相地點,不過這個位置的芒草就較少了。大東山和蓮花山及二東山相連,同小朋友行埋上去,可以睇到更多風景。之後有兩個方向可以落山,包括往南山營地的方向,以及往東涌方向的黃龍坑郊遊徑,2.5小時左右就可以下山。

大東山芒草
(圖片來源:鯨魚‧蝦子媽咪親子blog)

回到目錄

大東山芒草|裝備小貼士

  1. 外套:秋天去行山會比較大風,出發前可以幫小朋友帶定一件外套,以備不時之需。
  2. 飲用水:行山必備的是飲用水,運動的時候要時刻保持身體有充足的水份,不過記住要帶走自己的垃圾。
  3. 小食:小朋友行到一半可能會肚餓,最好帶定一啲小食俾小朋友,有必要時可以補充能量。
  4. 行山枚:如果爸爸媽媽本身係行山初哥,仲要帶埋小朋友行山,可以帶備行山枚。可以支撐上山、落山,行山枚最平數十元就有交易,不妨去買一支。
大東山芒草
(圖片來源:freepik)

回到目錄

大東山芒草|交通方法

路線:伯公坳 → 大東山 → 懸浮石 → 爛頭營 → 蓮花山/二東山 → 東涌

交通:大嶼山巴士,伯公坳站下車,記得同司機講伯公坳下車,有分段乘車優惠

落山:兩個方向可以落山,往南山營地的方向,以及往東涌方向的黃龍坑郊遊徑,2.5小時左右就可以下山。

時長:5小時

難度:★★☆☆☆

大東山芒草
(圖片來源:高比足跡)

回到目錄
常見問題:

問:如何去大東山睇芒草?

答:大嶼山巴士,伯公坳站下車

 

問:完成大東山芒草路線需時多久?

答:5小時

 

資料來源:鯨魚‧蝦子媽咪親子log、高比足跡、freepik

你會帶仔女去嗎?

更多精選內容