大棠有機生態園$60全日任玩 騎馬+大型繩網陣+餵羊+鴕鳥

大棠有機生態園$60全日任玩 騎馬+大型繩網陣+餵羊+鴕鳥

親子好去處

大棠有機生態園又稱「大棠荔枝山莊」,園內新增好玩的遊樂設施,還有動物園、騎馬活動、DIY手作坊等。Blogger「和牛B的成長日記」趁著好天氣,出遊元朗大棠有機生態園,入場費都只是$60。

大棠有機生態園

園內有戶外兒童遊樂場、大型繩網陣、馬房、動物園區有羊、兔、孔雀、鴕鳥、魚池等,亦有空間讓小朋友遊玩奔走,仲可以騎馬、玩充氣彈床、兒童遊戲車、DIY手作坊。進入生態園,都需要購買入場券。

「大棠有機生態園」地圖

我哋咁耐冇去,場地嘅設施都已經唔少少同咗了。多咗戶外兒童遊樂設施,仲可以玩家庭式單車。大棠有機生態園參觀馬房、餵馬及騎馬。對上一次嚟,我哋都有參觀馬房。

今次嚟到,我哋再試咗騎馬!和牛B超期待,亦係第一次騎馬!佢好興奮好緊張!

和牛B超期待,因為係佢第一次騎馬!
和牛B超期待,因為係佢第一次騎馬!(圖片來源:和牛B的成長日記)

不過,一到上馬佢就好緊張,有啲驚⋯⋯最後馬仔行咗兩步,就嚷住要落馬了。唔緊要,嘗試過就好了,遲啲再試過啦!

和牛B上馬
和牛B上馬(圖片來源:和牛B的成長日記)

大棠有機生態園巨型繩網陣

大人都可以入去玩,巨型繩網陣目測都有成2-3層樓咁高。真係好刺激,大人仲可以陪住好動嘅小朋友上去玩。

大棠有機生態園
(圖片來源:和牛B的成長日記)

大棠有機生態園戶外兒童遊樂場

遊戲大多都係繩網為主,幼兒未必玩到。不過草皮超大,可讓小朋友盡情放電!!

大棠有機生態園
戶外兒童遊樂場(圖片來源:和牛B的成長日記)

大棠有機生態園家庭單車

園內仲有家庭車,可用遊戲票換,每次可玩15分鐘。

家庭車
家庭車(圖片來源:和牛B的成長日記)
可用遊戲票換,每次可玩15分鐘
可用遊戲票換,每次可玩15分鐘(圖片來源:和牛B的成長日記)

大棠有機生態園動物村

動物村,呢到集齊多種野生動物。有羊、豬、野豬、孔雀、火雞、兔仔等。

大棠有機生態園動物村
大棠有機生態園動物村(圖片來源:和牛B的成長日記)

如果想親親小動物,餵動物的話,仲可以用遊戲票換糧餵佢哋食。不過嗯個園區超多烏英,所以我哋好快就轉地方了。

呢到仲有香港好少見嘅鴕鳥同埋鴯鶓,佢哋嘅位置係喺近出/入口嘅位置。

大棠有機生態園特式單車、充氣彈床遊戲

特式單車、充氣彈床遊戲 (需要遊戲票或購買任玩手帶),單車款式可以自由選擇。

大棠有機生態園
充氣彈床遊戲(圖片來源:和牛B的成長日記)

大棠有機生態園DIY手作坊

大棠有機生態園
付費嘅手作坊(圖片來源:和牛B的成長日記)

影相位

好似去咗侏羅紀公園咁!吼!
好似去咗侏羅紀公園咁!吼!(圖片來源:和牛B的成長日記)

大棠有機生態園魚塘

魚塘仲有好多錦鯉、仲有好少見嘅黑天鵝。

大棠有機生態園入場費用

大棠有機生態園
(圖片來源:和牛B的成長日記)

基本入場費成人$80、小童$60 ,套票$80/4格套票,套票主要是玩付費的遊戲。
另外亦有套票+全日玩手帶 (只限兒童遊戲車及彈跳王國)$130

場內設施

入口位置對出,有流動廁所。當日去廁所都算乾淨企理。

廁所
廁所(圖片來源:和牛B的成長日記)

前往方法

交通工具
1.朗屏西鐵站B出口,乘搭K66巴士
2.大棠道千色廣場對側紅棉圍乘搭大棠專線小巴
於大棠道路口步行若15分鐘左右便到達。
自駕人士:
駕車的話可依照下面官方地圖前往,園區設有露天停車場,但留意他們只設有日泊$80,並不設時租服務。

交通工具
交通工具(圖片來源:和牛B的成長日記)

如果需要的士電召服務,場內都有張貼資料。

的士電召服務
的士電召服務(圖片來源:和牛B的成長日記)

戶外活動小貼士

疲情期間,雖然地方空曠但都係公眾地方,大家記得要戴好口罩,保護自己保護其他人,及勤用消毒搓手液/ 洗手。

戶外地方比較空曠,除了會帶帽子外,亦建議出發前半小時為小朋友塗上防曬,謹記後頸位置都要塗,以及定時補塗防曬乳哦。另外,防蚊措施都要準備好。一般我會帶上蚊夾、蚊貼及蚊怕水。最後,照顧小朋友嘅防曬、防蚊之餘,大人都要為自己做好準備哦~

元朗@大棠有機生態園 (又名:大棠荔枝山莊)

即睇大棠有機生態園詳細地址及聯絡方法

開放時間:9am-6pm
網址:官方專頁

常見問題

大棠有機生態園的開放時間是?

9am-6pm

有咩一定要帶?

蚊夾、蚊貼、蚊怕水、防曬、防蚊之等

資料來源:和牛B的成長日記圖片來源:和牛B的成長日記

你會帶仔女去嗎?

更多精選內容