新春家族旅行攻略!日韓台泰免費2日漫遊數據卡@Parent婷

新年假人人都放假,絕對係家族旅行嘅好時機。避年之餘,又可以帶小朋友見識外地文化,但一家大細洗費都唔少,梗係樣樣都要慳!今時今日旅行無得上網又唔得,但一人一SIM又好貴。今次我 Parent婷介紹張 SIM 卡畀大家,不但有 2日免費漫遊數據,仲要免簽約,安坐家中 3個步驟就拎到,非常方便,一人一張就唔使爭數據用啦!

身為媽媽,去旅行前點都要做足準備,特別要買定上網卡,好讓一出機場就可以搵到地圖同搭車時間表。但最擔心去深水埗鴨寮街買 SIM卡都驚中伏,始終細鋪冇咩信譽可言。萬一去到外地發現張卡用唔到真係唔知點算。到底有冇更好嘅漫遊數據卡呢?

Trip 最啱用 2日免費漫遊

最近真係畀我Parent婷發現到可以喺亞太地區免費上網嘅方法!話說HKT推出咗個Club SIM 服務,只要喺佢個網站做返啲簡單嘅登記步驟,就可以唔使錢攞到張SIM卡!而呢張SIM卡仲可以享用2日旅遊數據服務,啱晒新年短trip用啦!就連一家大細最適合去嘅日本、南韓、台灣、新加坡同泰國都用得!真係慳返唔少!

靚太一定識 sim 3步曲

你可能會問邊有「咁大隻咁大隻蛤乸隨街跳」?免費嘢係咪好難拎?但我Parent婷試又覺得又好簡單,街都唔使出, 3個步驟就搞掂!就等我呢個過來人手把手咁教下大家點開卡啦!

Step 1|登記/登入The Club會籍

要申請Club SIM你係要成為The Club嘅會員,不過唔使驚,因為都係咁register,亦唔會收你錢,只要click入呢個網站https://goo.gl/Pz8sqi ,就會喺最頂見到「按此免費申請Club SIM」嘅按鈕。順帶一提,如果家用電話同網絡服務係用 PCCW 或者網上行,仲可以用 The Club 儲分換禮物㗎!

點擊按鈕後要再撳「註冊」鍵,如果你係現有The Club會員,直接入返啲資料就得,唔係嘅話就要先申請 The Club會籍。提提你,如果唔係HKT用戶(見下圖)就要先download 同啟動Tap & Go先申請到。

Step 2加快流程 裝定個App

如果知自己唔係HKT用戶,就可以先Download Tap & Go,啟動完再上去申請,就唔使兩頭走!註冊成功後 Club SIM 就會喺 3-5日內寄到府上,收到張卡之前,你可以先喺AppStore/Google Play download定個Club SIM app(其實登記The Club會籍嘅步驟喺呢個app同樣做到)。

Step 3|插卡 code 即刻

收到卡、插咗入卡槽之後就可以開app啟動啦!撳番app主頁右上角嘅「+」號按鈕,輸入帳戶資料,登入後,再掃一掃卡套上嘅QR code,就activate到張Club SIM啦!如果你收到張Club SIM卡套上得電話號碼無QR code,就要輸入電話號碼喇!

唔外遊仲有咩用? 香港一樣用得著

新春唔打算外遊,呢張卡做有咩用?原來張卡本身己經有本地流動數據500MB,而家佢做推廣,登記即送各項優惠試用組合,係香港一樣用得著。當中最得我心嘅數據組合就係唔限速,自動幫你張卡升級做 5 GB data, 3個月內點玩都得。咁新年就可以煲劇煲餐飽啦!

選擇1 :本地5GB上網 媽媽煲劇煲餐飽

Club SIM本身就已經自帶 500MB 本地流量,依家更推出限時優惠,送多3個月 5GB 流動數據,啱晒一眾靚太們出去拜年搭車嗰陣喪睇片、喪煲劇,唔怕去到緊張情節嗰時突然窒機,條氣chok住chok住。

選擇2Long-D拜年一樣掂 1,000分鐘海外通話

除咗上網,Club SIM仲包通話組合,本地1個月無限打之餘,仲送1,000分鐘海外通話,打去大陸、美加都得。打電話畀遠方嘅姨媽、表叔拜年,順便煲長途粥都無問題!

選擇3:多個娛樂組合 滿足一家大細需求

當然仲有多個娛樂組合選擇,滿足一家大細不同要求。爸爸想睇波可以擇體育組合,本地數據任睇《Now668》,可以隨時隨地緊貼刺激體育賽事。家姐想聽歌,可以選擇音樂組合,下載《MOOV》、《hmvPLAY》,聽盡玩盡龐大歌庫同功能音樂,亦可以選擇《eGAzines》雜誌組合,多本電子雜誌任睇!

對於慳家嘅Parent婷嚟講,Club SIM真係神一樣嘅存在,雖然漫遊玩得兩日,但都夠一家人嚟個周末短遊,去台灣掃街、去日本主題公園一樣夠!就算留喺香港一樣可以用 5GB 數據煲劇、打機,又可以選擇聽歌、睇波、睇雜誌,成家人都啱用。最方便係喺電腦入啲基本資料同郵寄地址,張卡就送到上門,咁簡單快捷! (申請網頁:https://goo.gl/Pz8sqi )

額外驚喜送禮畀親戚朋友

對於靚太嚟講,新年另一個煩惱就係要諗賀禮送畀親戚,估唔到 HKT 幫我諗埋。而家申請Club SIM除咗益自己仲可以益街坊,由而家開始直至2月28日,只要係Club SIM 用戶,就可以免費送份新年賀禮畀親戚朋友。只要對方啟動咗Club SIM就可以喺六份禮物入面揀其中一份,自己揀就一定啱用啦!

送禮物步驟同樣簡單:
1. 點擊https://goo.gl/nZwA6a並登入The Club 帳戶
2. 揀一張電子新年賀咭send畀親友
3. 親友收到賀咭後,就可以喺下面六份禮物入面揀其中一份 (要喺2月28日或之前換禮物)

– Häagen-Dazs 愛情號雪糕
– Venchi薄片朱古力禮盒
– hmv 50蚊現金券
– 額外Club SIM 2日環球數據24小時通行證(區域A/B)
– 額外Club SIM 5GB本地數據組合
– Club SIM 3個月通話組合

有娛樂又可以送禮物俾朋友,大家都可以開心過一個肥年啦!

你會帶仔女去嗎?

更多精選內容