將軍澳單車公園

將軍澳單車公園翻新!變迷你交通安全城:多條路線+交通標誌

親子好去處

將軍澳單車公園|鍾意踩單車嘅小朋友有福啦~位於將軍澳的香港單車公園翻新之後,館外嘅室外區域早幾日終於重新開放!單車公園嘅地面多咗好多不同的路線同交通標誌,好玩咗好多,又多一個免費嘅遊樂場,一齊睇吓有咩唔同啦!

將軍澳單車公園|單車園地重開

將軍澳單車公園係小朋友經常去玩嘅地方,以前將軍澳單車公園有一個「單車園地」,唔少小朋友都由細玩到大。後來疫情初期,公園封咗去翻新,小朋友就暫時少咗一個踩單車嘅好去處。前排單車園地終於重新開放,Blogger「有個過度活躍媽」就帶小朋友去玩!

將軍澳單車公園
(圖片來源:有個過度活躍媽)

將軍澳單車公園|迷你交通安全城

全新嘅單車園地地下油左路線,又放咗交通標誌,好似迷你版交通安全城~重新開放當然約埋啲兄弟去踩下,聖誕假期Blogger去踩過,非常多人。如果平日放學黃昏時間去,會比較少人,推薦可以平日同小朋友去。

將軍澳單車公園
(圖片來源:有個過度活躍媽)

將軍澳單車公園|室外大草坪+免費公園

踩完單車仲可以去公園玩下,既然去得香港單車館,當然不能錯過館外的公園。只要穿過香港單車館,就會見到公園的入口,中央有個大草坪可以野餐,左邊是小朋友最愛的兒童遊樂場,有繩網、滑梯等,附近仲有滑板場和運動攀登練習場。

將軍澳單車公園 174312
(圖片來源:康文署、我們的快樂時光網誌)

將軍澳單車公園|室內兒童遊戲室

另外單車館內亦有兒童遊戲室,以極限運動為主題,雖說是極限,但小朋友玩得,極限得有限啦!一入遊戲室眼有一架模型車,是小男生最喜歡逗留的地方,場內的模型車、車呔、滑梯等所有設施均包有軟膠,小朋友點跑點撞都沒問題。

香港單車公園單車園地

地址: 將軍澳寶康路105-107號
交通:坑口站B2出口/將軍澳站A1出口
查詢:2878 8622

更多免費室內遊樂場:11個康文署室內遊樂場推介 $0入場 免費玩全日

參考:官方網站

常見問題

將軍澳香港單車公園點去?

坑口站B2出口/將軍澳站A1出口

將軍澳香港單車公園的單車園地是免費的嗎?

是完全免費的

撰文:有個過度活躍媽、康文署、我們的快樂時光網誌圖片來源:有個過度活躍媽、康文署、我們的快樂時光網誌

你會帶仔女去嗎?

更多精選內容