小小職業大聯盟體驗+親子手作工作坊  強化小朋友感官專注@Parent婷

小小職業大聯盟體驗+親子手作工作坊 強化小朋友感官專注@Parent婷

「大個咗想做咩職業呀?」相信做咗父母嘅都會為小朋友未來著手思考,而呢個更加係我同阿仔阿女之間嘅親子話題。依家終於有機會比兩個小朋友親身體驗心目中理想職業係點喇!最近馬鞍山中心搖身一變成「 小小職業大聯盟」,免費比小朋友體驗夢想職業外,仲有DIY感官專注瓶工作坊、Lego製作工作坊,同埋不同精彩舞台表演,而星期六(26/5)仲有周家蔚同仔仔TJ到場同大家大玩遊戲派禮品添,今個週末節目夠晒豐富呀!

text: Parent婷 (presented by MOS Mall)

小小職業大聯盟 免費體驗夢想樂趣

畫家、舞蹈家、歌手、警察、醫生定想做廚師呀?我兩個小朋友對每樣職業都十分好奇好有憧憬,今次喺馬鞍山中心嘅小小職業樂園,就有機會比佢哋親身體驗喇。場內各個角落仲出現六個可愛職業造型嘅插畫公仔,原來係出自本地著名插畫師Bulbble Inc.手筆,阿女見到一定即擺post瘋狂打卡呀!

小小職業大聯盟
打卡靚位:得意又巨型3D Bubble 畢業公仔
齊齊動動手製作美味Cup cake
著住警察制服大家好神氣啊!

親子工作坊+精彩舞台表演

體驗完仲未滿足?場內仲有DIY感官專注瓶工作坊同Lego製作工作坊,分別啱晒女仔同男仔參與,齊齊做小手工又可以將製成品帶返屋企,好有意思!參加完工作坊,仲可以睇埋舞蹈、樂器等表演,拎埋靚靚禮品,咁就盡興而歸啦~

Lego製作工作坊
得意 MOS Centre x Bulbble Inc. 記事本及文件夾

星級媽媽周家蔚做嘉賓

喺星期六(26/5)仲有周家蔚帶埋囝囝TJ到場,一齊DIY製作感官專注瓶,同埋分享同囝囝相處點滴,仲有平時點樣強化小朋友感官系統,奠定學習基礎添。

詳情:

「MOS CentrexBulbble Inc.-小小職業大聯盟」

地點:馬鞍山鞍駿街1號(馬鐵馬鞍山站A出口)

日期:2018年5月26日至27日

時間:下午1時開始

電話 : 3598 2975

更多精選內容