工程師媽媽推薦!自製STEAM遊戲停課不停學:3D投影器+消化系統

工程師媽媽推薦!自製STEAM遊戲停課不停學:3D投影器+消化系統

親子好去處

STEAM遊戲|疫情下留在家中,可以同小朋友玩咩?在家中可以學到科學原理嗎?Sundaykiss找來工程師媽媽為我們推薦6個在家可以自製STEAM遊戲,讓小朋友在家都可以玩到神奇有趣的科學小遊戲!有私人影院、自製白雪、自製雪糕、朱古力小科學、消化系統的學習等。

STEAM遊戲|1. 私人3D影院投影器

疫情下冇得去戲院睇戲,屋企又無錢無可能有個私人影院,工程師媽媽教你整一個極低成本,自我打做立體影院的做法,成本只需一元。

材料:

.剪刀

.手機

.膠片

.膠紙

做法:

  1. 膠片根據紙樣剪出,再摺成金字塔模樣,用膠紙黐實, 立體投影器已完全。
  2. YouTube搜尋 hologram vedio,把做好的立體投影器放在影片的正中央。
  3. 從側身平視,就可以看到神奇的立體圖像。
STEAM遊戲
(圖片來源:工程師媽媽學堂)

科學原理:

利用四張不同的膠片,把反射的影像集中到膠片中心,製造出立體的懸浮影像。

小貼士:

1.投影時,電話螢幕光度要調較到最高。

2.黑暗環境下投影效果會更佳。

STEAM遊戲
(圖片來源:工程師媽媽學堂)

全息投影紙樣:按此

STEAM遊戲|2. 自製白雪在家玩

香港睇唔到雪, 今次工程師媽媽就教大家係屋企DIY自製白雪,步驟同材料都好簡單!乾冰有四種玩法,仲可以入埋氣球,以下有其中一款雪嘅步驟:

材料:

.乾冰

.油

.水

.洗潔精

STEAM遊戲
(圖片來源:工程師媽媽學堂)

乾冰雪步驟:

  1. 乾冰放入容器中,然後掃上洗潔精。
  2. 加入溫水。
  3. 啲雪就會衝出嚟!

其他乾冰玩法:按此

STEAM遊戲|3. 消化系統

如何同小朋友解釋消化系統,看不見如何教是好,用條圍裙再貼上毛公仔內臟?但這只是有形無實,要做就要做一個真真正正走得通的模型。工程師媽媽教大家係屋企自製模型,同小朋友上科學堂!材料非常簡單,週街都買到,價錢十分便宜,而且好環保物盡其用。

材料:

Bath Dropz

食道=電線軟喉

胃=膠水樽

大腸=膠水喉

小腸=奶泵軟喉

STEAM遊戲
STEP 1(圖片來源:工程師媽媽學堂)

步驟:

  1. 上網印出消化系統的結構。
  2. 把物件放在相應的位置。
  3. 把有顏色的Bath Dropz放進水裏。
  4. 水倒進消化系統。
  5. 可觀察當中的變化及流向。

小貼士:

以上材料可以在五金店及金魚檔買到,成本只需幾元。

示範影片

STEAM遊戲|4. 10分鐘自家製軟雪糕

疫情下唔敢出去買軟雪糕,為咗滿足自己的慾望,小宇宙就會爆發!可以為小朋友製作最好食嘅雪糕!

材料:

.冰

.鹽

.牛奶

.雲呢拿

.蜂蜜漿

.鮮奶油

.厚身密實袋

步驟:

  1. 將100ml全脂奶,100ml鮮奶油,50g 糖,幾滴雲呢拿精,少量蜂蜜,加入厚身細密實洗袋,再包袋中袋,以防有咩滲漏都仲有多個袋頂住。
  2. 之後將冰放入厚身大密實袋,份量大約1/3袋,再加鹽
  3. 將細密實袋放入大密實袋,再加冰&鹽,封袋。
  4. 不停shake佢十分鐘完成

需時:10分鐘

食後感:好似富豪軟雪糕車的味道

科學原理:

在冰上加鹽,冰和鹽間的反應,因鹽的吸熱作用,使得冰的融化速度加快,且下降至零度以下,如果冰鹽3:1的標準比例調配精確,溫度甚至可達零下20度以下。

鹽的主要成份為氯化鈉(NaCl)在食鹽中含量約為99%,固體變液體的過程需要熔解熱而產生吸熱作用,氯化鈉熔解點高達攝氏800度,故需要有充分的熱量才可讓鹽熔解成液態。

STEAM遊戲
(圖片來源:工程師媽媽學堂)

小貼士:

  1. 小朋友一定要帶手套,個冰袋可以降到-20°C超凍會凍傷。
  2. 一定要用厚身密實袋,我用ikea果啲,工程師媽媽之前試過用普通密實袋,結果爆袋……淋到工程師爸爸一身都係。
  3. 完成品要立刻享用,溶得好快。

STEAM遊戲|5.朱古力小科學

這是一個非常簡單的糖果漂浮實驗,讓小朋友明白不同密度的東西,在水中的狀態也會有所不同,表格形式請參考下方圖片。

材料:

.水

.筆

.紙

.多款朱古力

STEAM遊戲
(圖片來源:工程師媽媽學堂)

步驟:

  1. 製作簡單的圖表,讓小朋友可以寫下不同的現象。
  2. 先讓孩子預測結果,並在表格中寫上。
  3. 完成預測後,可在表格中畫上結果。
  4. 最後如果想獎勵小朋友可以請佢哋食糖~

科學原理:

任何比水密度大的東西(如糖)都會下沉,而密度比水小的東西會漂浮。

參考:按此

STEAM遊戲|6. 令病毒現形的魔法

病毒看不見,但在生化水彩下無所遁形

材料:

.畫紙

.水彩

.白色蠟筆

.油掃

.水

STEAM遊戲
(圖片來源:工程師媽媽學堂)

步驟:

  1. 用白色蠟筆在畫紙上畫病毒上去,睇落唔覺眼。
  2. 讓孩子在紙上用油水彩上上色。
  3. 白色蠟筆畫咗嘅位置就上唔到色。
  4. 讓小朋友自由創作。

科學原理:

用白色蠟筆畫,睇落唔覺眼,而蠟筆係防水嘅, 再油水彩上色,白色蠟筆畫咗嘅位置就上唔到色。理解油性和水性物料的不同。

小貼士:白色蠟筆圖案唔好畫太幼身,要畫粗啲。

常見問題

STEAM遊戲成本會很高嗎?

不會的,最平一蚊都可以玩到

在家也可以學到不同的科學原理嗎?會危險嗎?

可以的,十分簡單不會危險,做足安全措施就可

資料來源:工程師媽媽學堂圖片來源:工程師媽媽學堂

你會帶仔女去嗎?

更多精選內容