【揀日本青提】達人教路,一眼睇出香印、晴王甜唔甜!

【揀日本青提】香港人近年愈來愈捨得食日本貴價的水果,士多啤梨、桃、蜜瓜都未算貴,神級日本青提(麝香葡萄)如香印、晴王,一般都起碼二、三百蚊一串,果實大粒一點的話,就要五、六百蚊,如果唔甜真係會好傷心,不如又睇下日本電視節目《相葉マナブ》點教大家!

撰文:主場・日本 | 圖片來源:電視截圖

揀日本青提要睇顏色

高級水果老店「銀座千疋屋」的買手表示,揀日本青提的秘訣,係睇顏色!

大家又估下,邊一串青提甜啲?A or B?

兩者的分別,係A的顏色比較濃,B則較明亮。

揀好未?渡部建揀A,相葉雅紀同澤部佑就揀B!

「銀座千疋屋」的買手表示,一般人都會揀A,大家普遍認為水果顏色愈濃愈甜。

而正確答案,其實係… B!

B,「飴色」(即糖果色)的青提比較甜。

原因係,青提愈吸收多太陽光,顏色就愈明亮,甜度更高!

記住喇!青提顏色愈明亮就愈甜愈好食!

你又點睇?

更多精選內容