【暑假活動2019】Sunday Kiss X 海洋公園夏水戰親子遊樂團等我哋都來探下海賊王先

Aug 13 2019 - 13:30

前星期天（8月4日）炎炎夏日，我帶住孖寶參加了SundayKiss X 海洋公園嘅「海賊王親子遊樂團」活動，一齊挑戰有One Piece一齊玩嘅夏水戰。今年場內設有海賊王玩水專區同仲夏水花狂舞派對等活動，仲有特別為小朋友而設嘅玩水同泡泡派對。而我哋今次入園，更有海洋公園大使親自帶領我哋穿梭夏水戰場地四圍玩！
撰文／圖片：荔枝與孖寶｜編輯：Angela

小朋友必去！小海賊玩水及泡泡派對

夏水戰有咩好玩？今次總共有7個海賊王景點同濕身專區，實有一個啱你玩。
而我哋最鍾意嘅當然係威威天地嘅海賊王玩水專區，有小海賊水花大亂鬥，仲有小海賊泡泡派對，係可以俾小朋友大玩特玩嘅時間呀！

孖寶都表示最喜歡呢度嘅水戰和泡泡派對，因為小朋友可以有機會同其他小戰士一齊展開連場水槍大戰。呢個童樂區設有噴泉迷陣等玩水設施，到處你都可以睇到Cute版「海賊王」角色佈置，度度都係影相位。

除咗小朋友專區之外，家長同大朋友可以挑戰更加刺激嘅「水戰激鬥」，化身成「海賊王」一員去參與一場最經典戰役「頂峰戰爭」。穿過神秘瀑布同水簾隧道，再攞起水槍同各海賊王一齊並肩作戰，四方八面嘅水炮機關瘋狂濕身突襲，真係由頭濕到落腳呀！玩完一場激烈嘅水戰，仲可以匯合路飛、烏索普、索帕等夥伴來個大合照。

大家記得要搵下四周圍嘅經典場景影相位同打卡位，好似「海賊通緝令」、「巨型路飛草帽」、「烈陽號船頭」等。

今個暑假咁多個海賊王經典場景，陪你走過一個熱到溶又涼透心的顛峰水戰，齊齊過一個動感盛夏！

大家仲有機會同一眾海賊王角色見面同影相。把握機會同各角色喺海濱樂園廣場盡情合照啦！

大家留意番見面會每日時間都唔同！

海濱樂園廣場舞林高手表演

記住唔好miss咗一眾舞林高手嘅表演呀，佢地會定時現身海濱樂園廣場，即烈陽號旁邊展開仲夏水花狂舞派對，係強勁嘅音樂中，都唔好忘記要打醒12分精神，小心隨時比人用水槍突襲，睇show 都隨時濕哂身呀。

另外海賊王粉絲都唔好錯過「索柏造型爆谷套裝」呀！兩個見到都好興奮！

好啦，見你兩兄弟下星期就快到4歲生日，今次就送比你地開心下，要好好珍惜索柏呀！

享受海賊王主題美食

今次我哋真係玩到太肚餓啦，一玩完水就去咗嵐灣茶座食「海賊王航海歷險仲夏大餐」，嵐灣茶座位置好易搵，一出上山方向嘅cable car，左手邊就係餐廳啦。

呢set海賊王主題食物，真係睇得出落咗好多心思，頭盤「Soul King布魯克」整得好精緻，當然味道仲好ok啦，酥香炸蝦餅係大人嘅至愛，而跳躍音符形狀嘅蔬菜當然係小朋友嘅焦點所在。