【暑期活動2019】長洲踩單車入西園 野童生態導賞 張保仔洞探險 自製直火竹筒飯

長洲租單車至西園 $40玩一日

上次入西園, 我們在碼頭坐$10的舢舨, 今次魚子媽說:「不如租單車！」

因為我們入到長洲已經接近一時, 所以租單車計, 如果租至5時, 只是$40, 租至7時也只不過多付$10.

SY與阿太一直都想踏單車, 所以今日來長洲竟然可以完成了他們的心願，我:「嘩! 我部車連啲紙皮都未開, 真係好新喎！」

大小同價, 蕭記單車老闆:「你都見到我哋啲車係新㗎啦, 千幾蚊一部㗎, 真係好抵玩。」

由天后宮前- 長洲家樂徑的單車店, 轉左沿大興堤路一直踏至西園, 慢慢走也不用15分鐘。

即使33度炎炎夏日, 迎著風, 望著海景, 由大興堤路連接著長洲西堤道直直走, 一霎眼已經到逹西園了。

野童長洲生態深度遊

而今日的重點 野童長洲生態深度遊亦準備正式開始了。 (名符其實, 今次的主角是各位參與導賞的小朋友, 大叔只是隨團的Blogger而已)

煜哥哥就是今日小朋友的導賞員, 我們由長洲家樂徑向左行, 首先便經過西灣天后廟。

煜:「外國海神就係宙斯個兄弟波塞頓, 咁中國海神就係天后啦。.」其實, 阿煜還不停說故事, 但老仁家已經忘記了，不好意思。

長洲張保仔洞探險

之後我們隊伍繼續向前行, 繞過張保仔洞郊遊區公園, 不用15分鐘便己經到逹張保仔洞的入口.
SY:「嘩! 原來張保仔洞咁窄㗎喎！」

手持穩定器的大叔沒有走入洞, 只是在出口位置等待隊員出場，原來完成一次張保仔洞大約需時9分鐘。

我問SY:「張保洞係米好黑好驚呀?」; SY:「子子同哥哥都有燈一啲都唔黑, 亦都唔驚, 不過都無金銀寶物嘅？」(有都幾十年前被人攞晒啦)

長洲家樂徑美景

離開張保仔洞, 沿石級向前行, 世界又好像變了另一小森林的景象, 魚子媽說:「呢個就是一線天啦。」

我:「真係千里姻緣一線牽喎。」 魚子媽:「係一線天, 唔係牽！」

同行的長洲攝影師說:「呢度我細個就成日嚟玩, 但點解我聽都未聽過有呢個名呢?」

穿過兩副大大的石壁, 又重返通往鯆魚灣的長洲家樂徑, 很美的天連海, 而更刺激的考驗就在前面不遠處.

因為, 我們將要攀上大約5呎的石牆, 手捉緊鐵絲網, 走到對面的大石上。

原因, 當然是地面較低窪, 假若你穿了防水鞋, 或不怕弄濕鞋襪, 絶對是可以不上鐵絲網, 從沙泥水澗間向前走。

沿鐵絲網走上大石上, 我們便要從大石攀下來, 繼而又要多攀一次大石頭, 便可繼續向前走了。SY:「又上又落好攰, 呃人嘅。」

魚子媽:「你都可以走沙泥路, 只係畀多一個選擇你啫, 唔係呃你！」

沿路再向前行3-4分鐘, 五行石出現了。煜:「有冇小朋友五行欠打先?」我:「點解叫五行石呢?」

長洲奇石：鰻魚石

煜:「因為剛剛好有5舊, 所以就叫五行石囉, 好啦…我哋再行前少少, 仲會有一個鰻魚石。」

我:「吓鰻魚石? 邊度有呀?」煜指一指前方:「係咪好似鰻魚呢? 所以就叫鰻魚石囉！」 我其實覺得似隻龜多啲喎!

除了鰻魚石，還有坦克石、花瓶石同人頭石等等，所以當地又叫長洲趣石林。

而今日的長洲深度遊又差不多完美終結。但不少得就是重返西園前, 一定要光顧婆婆自家製涼茶, 分別是足料羅漢果, 及天然五花茶 ($13/各)。

大熱天, 又跑又爬又捐窿捐罅, 汗流狹背, 現在來一支清涼解暑涼茶, 簡直人生一大快事, 羅漢果味道夠晒, 好好飲。

長洲西園竹筒飯教室

回到西園, 稍作休息, 小朋友們又繼續學習, 今次是由宇宙火食豹哥親自教授「 野外直火竹筒飯」。

豹哥已為每個小朋友預備了每人一個竹筒, 前面整頓了十數款不同顏色的食材, 豹哥:「因為做竹筒飯愈多顏色就愈靚呀」

食材多不勝數, 蝦米, 冬菇粒, 南瓜粒, 栗子, 紅蘿蔔粒, 紫薯粒, 臘腸粒 雞肉, 豬肉等等。

豹哥:「竹筒飯其實好簡單, 只要先係筒底塗上食油, 之後舖上大約1/4的米。」

豹哥為我們預備了日本米, 泰國米, 及糯米。子子:「可唔可以溝埋一齊?」

各小朋友為白飯加上食鹽後, 便各自案自己的愛好, 放米放材料, 多數小朋友也是雜亂無章, 只有子子的竹筒飯竟然舖得井井有條。

我問:「點解你舖得咁靚 , 但係咁齋, 一舊肉都無嘅?」; 子子想也不想答我:「因為我都唔鍾意食囉。」

最後加水, 便可以拿過去由露營達人David打造的野外火爐中慢慢燒煮, 大約45分鐘, 香噴噴的竹筒便差不多完成。

豹哥:「靚靚地, 每個都要灑上少少蔥花㗎」(現場睇專家灑蔥也功架十足的呀!)

竹筒揭幕儀式, 當然也要交回小廚神們的。

竹筒蓋一被打開, 香到不得了！

我沒有看過SY如此喜歡吃正餐, 不停說:「好味, 好食。」 結果他可以一個人KO掉大半個竹筒飯。

阿太:「加咗臘腸真係無得頂, 好食到停唔到口！」

今天實在太充實, 轉眼間又到了18:45, 因為我們要預留10分鐘還單車, 所以, 沒有清潔碗碟便要先行離去, 抱歉！抱歉！

多謝David, 多謝豹哥熱情款待…感激! 感謝!

結果, 我們順利在7點前歸還了單車。 (其實, 我遲了一分鐘…不過老闆無收多我$10~嘻嘻)

長洲西園【野童再生夏令營】🏕️
🔷【 戶外歷奇活動 】
🔷【 深度生態導賞 】
🔷【 基礎野活技能 】
🔷【 野外直火料理 】

日期:
🔷 8月5日至8月7日 (星期一至星期三) /
🔷 8月19至8月21日 (星期一至星期三)

對象:
年齡為8-12歲 (小學3-6年級學童)
八月份「野童再生夏令營」詳情：
https://rebrand.ly/SY_SCampI

GreenLation 綠農計劃 https://www.facebook.com/GreenLationHK/
宇宙火食 https://www.facebook.com/foodfirestars/

大仁生活facebook