東洋山芒草行山路線+沿路景點+交通方法+10分鐘登頂睇芒草攻略

東洋山芒草行山路線+沿路景點+交通方法+10分鐘登頂睇芒草攻略

親子好去處

東洋山芒草|一到秋天,天氣轉涼,係行山嘅好時間。每年10月尾11月頭,又到睇芒草嘅季節喇!睇芒草唔一定要去大東山嘅,近飛鵝山嘅東洋山都有得睇!今次去嘅東洋山屬馬鞍山郊野公園一部分,Blogger Angel就選擇係井欄樹出發!

路線+景點+交通一覽

東洋山芒草|景點一:小石澗

由井欄樹出發入口行去大藍湖中途,沿途都係樹蔭,行得好舒服。出發冇幾耐就會見到第一個景點:小石澗。石澗非常清幽,河水清澈,影相都幾靚。之後會經過一座荒廢了既大宅,往下走,到達大藍湖後開始就要行上山了!之後主要以梯級為主,梯級都幾大,如果少行山都會吃力。一路沿著衛奕信徑4段上山,大約要行45分鐘至1小時到頂。

東洋山芒草
由井欄樹行去大藍湖中途,沿途都係樹蔭,行得好舒服。(圖片來源:Travel With Angel)
東洋山芒草
(圖片來源:Travel With Angel)

回到目錄

東洋山芒草|景點二:西貢全景

行到咁上下,記住回頭睇風景!沿路可以望到西貢全景,綠色嘅樹加埋遠處嘅海景,構圖相當唔錯。不過拍攝當日太大霧,能見度好底,如果天清應該會好靚! 整段行山路雖然難度唔高,不過一路上並冇洗手間或者補給的地方,想帶小朋友行山,最好係出發前去定廁所,帶定補給物品。

東洋山芒草
西貢全景(圖片來源:Travel With Angel)

回到目錄

東洋山芒草|景點三:滿山芒草

去到最頂,山頭佈滿芒草,所有行山既人都聚集在此。身處於海拔533米既東洋山頂,記住 要影多幾張相!平日行山,人流唔算多,要避開其他人影相都唔難。如果天氣好,去到飛鵝山道可以行5分鐘去埋飛鵝山觀景台睇日落。聽講東洋山附近嘅黃牛山都有得睇芒草,下次可以早幾個鐘出發,一次過去黃牛山加東洋山!去到飛鵝山道,如果唔call車,可以選擇走車路到清水灣道喺彩虹或走衛奕信徑4段到慈雲山離開。

東洋山芒草
(圖片來源:Travel With Angel)
東洋山芒草
(圖片來源:Travel With Angel)

回到目錄

東洋山芒草|10分鐘懶人登頂攻略

Blogger Angel表示如果唔想行3-4個鐘上東洋山,其實有個終極懶人方法。就係自駕或搭的士去大老坳,經衛奕信徑4段上山,行大約10分鐘就可以去到上面第3個景點睇芒草。係咪好簡單呢!

東洋山芒草
(圖片來源:Travel With Angel)

回到目錄

東洋山芒草|行山小貼士

  1. 保護大自然
  2. 保持大自然清潔,不要在任何地方留下垃圾
  3. 唔好自己喺芒草田開路,只行已經開咗嘅路徑保護植物
  4. 帶一些食物和飲料
  5. 最好穿登山鞋,可以穿運動鞋但請小心
  6. 如夏天出發,記住帶足夠水,不停補充水份,以免中暑
  7. 行山前拉筋,行完山都拉拉筋
東洋山芒草
(圖片來源:freepik)

回到目錄

東洋山芒草|交通方法

路線:由井欄樹出發,經大藍湖上東洋山,係飛鵝山道離開

難度:★★★☆☆

所需時間:約4小時 (包括攝影和休息時間)

距離:約8公里

海拔增加:451米

看芒草月份:10月尾11月頭

途中廁所:沒有

途中補給:沒有

交通:在彩虹站轉乘1號小巴於井欄樹站下車,步行15分鐘左右即可看到入口。

落山:去到飛鵝山道,如果唔call車,可以選擇走車路到清水灣道喺彩虹或走衛奕信徑4段到慈雲山離開。

東洋山芒草
(圖片來源:Travel With Angel)

回到目錄

資料來源:Travel With Angel

 

常見問題:

問:如何去東洋山睇芒草?

答:在彩虹站轉乘1號小巴於井欄樹站下車,步行15分鐘左右即可看到入口。

問:完成東洋山芒草路線需時多久?

答:4小時

問:東洋山芒草路線大約幾長?

答:約8公里

 

如何去東洋山睇芒草?

在彩虹站轉乘1號小巴於井欄樹站下車,步行15分鐘左右即可看到入口。

完成東洋山芒草路線需時多久?

4小時

東洋山芒草路線大約幾長?

約8公里

撰文:Travel with Angel圖片來源:Travel with Angel

你會帶仔女去嗎?

更多精選內容