下白泥

下白泥天空之鏡 流浮山睇日落+招潮蟹+特色士多打卡

親子好去處

下白泥|香港有唔少影日落的好地方,而下白泥更有天空之鏡的美稱, 是影日落的好去處!可以俾小朋友親親大自然放鬆一下,更可以見到泥灘上的美景和小生物,深入認識生態環境。想知下白泥點去,Sundaykiss為大家整理咗路線同交通方法!

下白泥睇日落

交通 ★☆☆☆☆
難度 ★☆☆☆☆
靚景指數 ★★★★☆

下白泥|下白泥天空之鏡

下白泥呢度人稱「天空之鏡」,可以同小朋友影到絕美的倒影照片。相信香港人對下白泥都唔陌生,呢度係新界最西面嘅地方之一,所以出咗名可以睇到靚日落!有體力嘅話,仲可以由屯門良田坳行入去,路程大約2小時,沿途風景都好靚!不過可惜Blogger媽媽 今次去潮漲無咁靚同有煙霞睇唔到日落,去之前記得留意天氣預報!

下白泥係新界最西面嘅地方,出名可以睇到靚日落!
下白泥係新界最西面嘅地方,出名可以睇到靚日落!(圖片來源:新傳媒資料庫)

下白泥|鴨仔杭士多 特色木屋

如果玩到攰攰地,附近仲有個特色士多「鴨仔杭士多」可以食野飲野都唔錯,鴨仔杭士多為木屋造型,影相非常好睇,如果揸車呢度仲有日泊$30。 在鴨仔坑士多落車,只要沿着指示牌就可以去到號稱睇日落最靚的地方!其實呢個位未算係下白泥,只可以算係中白泥,不過就係睇日落最靚的地方。

下白泥
(圖片來源:My Double Rainbow)

下白泥|招潮蟹+彈塗魚

這片泥灘下生機蓬勃,細心看,仲可發現招潮蟹、彈塗魚等生物。可以帶小朋友認識一吓生態環境。

下白泥
(圖片來源:My Double Rainbow)

下白泥|小巴班次較疏

周末日落下白泥睇完日落,記得留低等埋Magic Moment!不過下白泥靚就靚喇,交通就比較唔方便,目前只得一架33號小巴來往元朗同下白泥。日落之後,排隊等小巴嘅人龍絕對會嚇親你,而且20分鐘先一班車,記者試過足足等咗兩個鐘先上到車呀!嗚嗚!

流浮山下白泥

地點:元朗流浮山上百泥283A(鴨仔坑士多側)

交通:元朗泰豐街搭33號小巴鴨仔坑士多落車

鴨仔坑士多專頁

常見問題

下白泥點去?

元朗泰豐街搭33號小巴鴨仔坑士多落車

下白泥睇日落的位置在哪兒?

在鴨仔坑士多附近

撰文:My Double Rainbow、Billie圖片來源:My Double Rainbow、新傳媒集團資料庫

你會帶仔女去嗎?

更多精選內容