深水埗OneSky啟育中心 免費任玩木製遊樂場+彈床放電區+兩層高歷奇樂園

深水埗OneSky啟育中心 免費任玩木製遊樂場+彈床放電區+兩層高歷奇樂園

親子好去處

深水埗OneSky啟育中心|住深水埗嘅小朋友有福啦!深水埗OneSky為小朋友提供室內遊樂設施,有大自然主題的遊樂區、彈床放電區、Wet Room和兩層高的歷奇樂園,費用全免!中心仲有好多教養活動,千祈唔好錯過!

深水埗OneSky 4大玩樂區

深水埗OneSky啟育中心|為區內兒童提供安全遊樂場

位於深水埗的OneSky啟育中心為慈善機構,主要幫助區內0至6歲弱勢兒童,為小朋友提供室內遊樂設施,有大自然主題的遊樂區、彈床放電區、Wet Room和歷奇區域,只要做咗會員就可以免費任玩!遊樂設施適合六歲以下嘅小朋友,由於中心希望幫助小朋友發展潛能,玩嘅過程中每5個家庭就會有一個訓練員從旁協,教爸爸媽媽育兒技巧。

OneSky
(圖片來源:深水埗李伯忠一片天國際啟育中心)

深水埗區內現時只有3個小型公共遊樂場,保養不宜亦靠近馬路,唔太適合兒童使用。而OneSky正正係睇到多年來區內居民對室內安全的遊樂場嘅需求,才會開設。除咗玩之外,亦會為家庭提供諮詢和轉介服務、教導家長育兒技巧。希望透過以實證為本的「回應式照顧」啟育法,幫助6歲以下的弱勢兒童全面發展潛能。

回到目錄

深水埗OneSky啟育中心|木製室內遊樂場

遊樂設施可以分為4大部分,第一部分是木製的室內遊樂場,加入了大自然元素,就算係市區入面小朋友都可以親親大自然。忠意保險一直都有同OneSky合作,致力為幫手籌款和提供義工服務,而呢個室內遊樂場就係由佢哋贊助。內有木製的小車、多款滑梯隧道、小斜坡等,其中隧道型長滑梯最吸引小朋友,小朋友捐窿捐罅超級開心。

onesky
(圖片來源:歌c拉。3年抱3。1湊3)

回到目錄

深水埗OneSky啟育中心|彈床放電區

OneSky仲有彈床放電區,全個區域都鋪滿軟墊,有大大小小唔同款嘅網床同彈床,仲有大型嘅搖擺隧道,小朋友可以放心咁跳嚟跳去。呢個區域會定期更換主題,每次去都有唔同設施。小朋友可以自由發揮,創造自己的玩法,爸爸媽媽也可以參考牆上照片的玩法。玩嘅時候小朋友有時會鬧交,中心亦放咗好多小道具教佢哋處理情緒。

onesky
(圖片來源:Sundaykiss編輯部)
onesky
(圖片來源:Sundaykiss編輯部)

回到目錄

深水埗OneSky啟育中心|Wet Room玩水

小朋友最鐘意就係玩水,係OneSky小朋友仲可以入Wet Room玩,房入面加入咗STEM的元素。小朋友可以運用不同的用具探索,有不同長度的水管、兵乓球、水壺、用冰做的顏色等,玩嘅過程中可以了解到水的原理。中心會提供圍裙,想玩wet room的話記住要帶衫呀! Wet Room會定期更換主題,冬天仲試過做雪人主題,成間房都係雪!

onesky
(圖片來源:Sundaykiss編輯部)
onesky
(圖片來源:Sundaykiss編輯部)

回到目錄

深水埗OneSky啟育中心|兩層高歷奇樂園

中心內仲有兩層高的歷奇樂園!有木製「彈床」、超多條木隧道、繩網,可以盡情跑跳,爬上爬落超開心。小朋友最愛木製「彈床」,可以係上面搖嚟搖去跳嚟跳去!下面一層平日主要用來舉辦活動,滿六歲的小朋友中心會視他們為畢業,並為他們辦結業禮。之前便曾在歷奇樂園舉辦蝴蝶尋寶遊戲,讓他們可以開心探索。

onesky
(圖片來源:歌c拉。3年抱3。1湊3)
onesky
(圖片來源:歌c拉。3年抱3。1湊3)

回到目錄
深水埗李伯忠一片天國際啟育中心

年齡:6歲以下

收費:全部免費,需要註冊會員,只限深水埗區居民

交通:深水埗站D2出口步行4分鐘

參考:https://hkcentre.onesky.org/?lang=zh-hant

即睇深水埗李伯忠一片天國際啟育中心詳細地址及聯絡方法

常見問題

問:深水埗OneSky點去?

答:深水埗站D2出口步行4分鐘

問:深水埗OneSky的收費是多少?

答:全部免費。

深水埗OneSky點去?

深水埗站D2出口步行4分鐘

深水埗OneSky的收費是多少?

全部免費。

資料來源:深水埗李伯忠一片天國際啟育中心圖片來源:深水埗李伯忠一片天國際啟育中心、Sundaykiss編輯部、歌c拉。3年抱3。1湊3

你會帶仔女去嗎?

更多精選內容