觀塘小爬行星 親自餵食/零距離接觸/認識爬蟲動物特性 二人同行95折優惠

觀塘小爬行星 親自餵食/零距離接觸/認識爬蟲動物特性 二人同行95折優惠

親子好去處

觀塘小爬行星|爬蟲動物因為佢哋有型嘅外表同鱗片,係小朋友之間超受歡迎。想同爬蟲動物零距離接觸,認識佢哋嘅習性,可去觀塘小爬行星參加工作坊,可以畫畫之餘,仲可以摸摸爬蟲動物,將佢哋放係自己個頭上面。

圖文授權:護士Vi媽三小火、部分圖片來源:相關機構|編輯:Billie

爬蟲動物零距離|觀塘小爬行星

近年爬蟲動物在小朋友之間越來越有人氣,外表超型的蜥蜴和烏龜,在小朋友之間非常受歡迎。小爬行星是位於觀塘的藝術工作坊,小朋友可以在裏面接觸到不同種類的爬蟲動物。只要報名參加工作坊,就可以獲得同爬蟲類零距離接觸的機會!現時有推廣優惠,二人同行可以享有九五折優惠,仲唔快啲同小朋友去玩!

爬蟲動物
在小爬行星可以見到不同種類的爬蟲動物。(圖片來源:護士Vi媽三小火)

爬蟲動物零距離|親手觸摸 放到頭上

大人和小朋友都可以近距離接觸不同品種的爬蟲動物,不只可以用眼睛觀察,也可以用雙手抱抱。爬蟲動物的種類很多,包括龜、蛇、蜥蜴、蛙、變色龍、壁虎等。小朋友可以摸摸牠們的身體,牠們的觸感和其他動物不同,冰冰冷冷的小朋友都十分驚訝。除了用手摸,也可以戴上帽子把牠們放到自己的頭上,或者放在手上爬來爬去。

爬蟲動物
蜥蝪爬上膊頭度,仔仔一啲都唔怕。(圖片來源:護士Vi媽三小火)
爬蟲動物
小朋友爭相伸隻手出嚟摸爬蟲動物。(圖片來源:護士Vi媽三小火)

爬蟲動物零距離|認識品種特性喜好

唔只咁,仲可以親自餵飼爬蟲動物。導師會教育小朋友認識品種特性和喜好,學習尊重不同動物和生命,可以了解到牠們的外表、生活習性、食物。Blogger媽媽表示,小朋友從今次體驗知道,原來蜥蝪都會便便的,要食蔬菜和葉葉。真實體驗更勝書本知識,Blogger笑言依家終於知道點分鬆獅蜥、鬣蜥同守宮,就算係蜥蝪都會同小朋友一樣揀飲擇食非常可愛!

爬蟲動物零距離|主題藝術工作坊

每位小朋友都會參與藝術工作坊,可以親自為自己的變色龍配上獨特的色彩。除咗填色之外,仲有其他工作坊可以選擇,包括木制立體肥尾守宮、木制立體球蠎、小爬膠貼畫。只要參加工作坊就可以零距離接觸爬蟲動物。店內仲有一隻店長鬣蜥,會放牧咁在店內巡視業務,好鐘意喺露台晒太陽非常有個性,小朋友玩得超開心。

爬蟲動物
變色龍創作。(圖片來源:護士Vi媽三小火)

觀塘小爬行星

即睇觀塘小爬行星詳細地址及聯絡方法

年齡:2歲半或以上

收費:$400/位,二人同行可以享有九五折優惠

時間:約2小時/場

報名:於網站上報名

參考:官方網站

常見問題:

問:小爬行星係邊?
答:觀塘巧明街114號迅達工業大廈4樓B室

問:工作坊時長幾耐?
答:約2小時/場

你會帶仔女去嗎?

更多精選內容