【親子好去處】2020年9大小朋友生日會場地推介波波池瀡滑梯跳彈床任玩大人小孩都啱玩

Sep 7 2020 - 12:00

尋找生日好去處？我們有2020小朋友生日會場地推介！子女生日要搞生日會，最頭痛就是找生日派對場地，尤其係要請好多親戚朋友、同學仔，屋企地方唔夠大就要搵場地，好多時父母都會選擇兒童playhouse生日會，地方夠大之餘，仲要有嘢啱小朋友玩，如果唔係家長就花啲時間安排遊戲，但book場、統計人數、訂食物咁多嘢要安排，已經一頭煙，不如看看我們的小朋友生日會場地推介！

撰文：Sunday Kiss｜攝影：新傳媒資料庫、部分相片取自場地網站或專頁｜編輯：Ruby

9大小朋友生日會場地推介

1.童樂天地＠粉嶺

市區以外，若然出走，住北區的家庭亦有好去處！位於北區粉嶺的童樂天地，擁過千呎面積，場內設置多個區域，有小朋友喜歡的充氣玩樂設施，有放電一流的瀡滑梯，有好玩刺激的兒童碰碰車、特大保齡球，也有大人細路都喜歡的夢幻波波池等等。一系列玩樂設施適合6歲以下小朋友，充滿卡通、可愛公仔的繽紛場地佈置，絕對適合作生日派對、家庭聚會、親子活動、節日派對⋯⋯今次家長可以帶小朋友放電，也可為他們影靚相！

小朋友生日會場地千呎之大，空間闊落，有寬敞地方予小朋友玩樂，還可以一起玩集體遊戲。

童樂天地

地址：粉嶺安樂村安全街33號豐盈工貿中心

查詢： 6111 4638

開放時間：星期一至星期日早上9點至晚上11點

收費：9月前人頭收費，平日$80/位，六、日及假日$120/位（夠5位就可以包場）

2.North Buddies Party 北地派對＠粉嶺

成立於2018年的人氣Party Room，設於北區粉嶺，佔地1500呎。適合作小朋友生日會場地，場內設有多個適合小朋友玩耍的設施，有玩具、彈床、波波池、滑梯和游戲機等等。而大人呢？場內有按摩椅、梳化、音響器材等讓父母唞一唞，也可以與親朋聽吓音樂，傾吓偈，度過愉快的假日或生日。

North Buddies Party 北地派對

地址：粉嶺安樂村樂業路8號豐樂工貿中心5樓2室

查詢： 6998 2018

開放時間：星期一至星期日早上9點至晚上9點

收費：成人$138，12歲以下小童$68（3歲內不收費）金額超過$3300就封頂不再加收。建議最多45人。（任飲任玩3.5小時）大人小朋友40人或以上即可以包場

3. Fun Zone＠港島東

位於西寶城的Fun Zone室內算是全港最大的室內遊戲室之一，足足有一萬呎，賣點除了有基本的玩樂城堡，讓小朋友捐窿捐罅之外，室內場亦設有小型球場、潮爆Dance Floor 及靚爆嘅小朋友生日會場地！小朋友生日會場地約佔總面積的五分一，設有特色主題，搞完生日Party仲可以玩埋場內其他設施，玩足全日都得，絕對是由頭玩到尾。場內更有舒適的Cafe區，家長可以在此休息，仲有免費Wifi 供應，等小朋友慢慢玩。另外，Fun Zone亦不時會舉辦「學前唱遊班」，由專業導師教小朋友英語和普通話，如果撞正時間亦可以即場參加！

FUN ZONE

地址：堅尼地城卑路乍街8 號西寶城 1 樓121號

查詢：2258 9558

收費：小朋友生日派對套餐HK$3,000 (10位小朋友) / HK$3,750 (15位小朋友) / HK$4,500 (20位小朋友)
額外收費：外加小朋友: HK$150 (連同一位大人) / 外加每位大人: HK$80

4. Stage One 舞跆@荃灣

今次介紹的小朋友生日會場地是位於荃灣嘅「舞跆」，超過1800呎建築面積，當中除咗大型玩具設施，好似吹氣城堡、滑梯、波波池等之外，仲有設開放式廚房，啱晒小朋友喺度玩同煮食！此外，個度都有育嬰室及換片區，真係啱晒媽媽們嚟開Party呀！

另外，更有全面嘅醫療級消毒殺菌，確保場地乾淨及衛生，家長就可以放心畀小朋友去玩啦！

Stage One 舞跆

地址：荃灣大河道99號99廣場12樓1201~1204室

查詢：6111 4447

收費：

5. Art [email protected]荔枝角

富有特色嘅派對場地Art Vacation，主打art jamming 特色嘅派對場地，場地逾1500呎，全程自由度好大，派對節目除了大人細路都可以參加嘅art jamming 之外，wine tasting、wedding party 等都可以舉行，繪畫方面有導師叫大家立刻創作一幅油畫，充滿藝術味道嘅派對，感覺都幾有品味！

Art Vacation

地址：荔枝角青山道646A豐華工業大廈2/F A1室

查詢：5611 6048 （星期六，星期日，同公眾假期接受預訂）

套餐：幅畫板、畫畫用具及顏料、迷你遊戲、超過30張畫畫參考圖、畫畫導師示範及指導、回禮禮品（如糖、朱古力、同文具等）

費用：$4998/包場3小時

6. [email protected]觀塘

小朋友鍾意扮公主、醫生、警察？咁不如搞個Cosplay生日派對啦！但為咗生日會買衣服、飾物好浪費，可能只係用得一次咁多，喺Kidztropolis搞生日會就冇呢個煩惱，因為佢哋有多種服飾及道具提供，如華麗公主裙及頭飾、警察制服及玩具槍等，另外場地劃分為多個房間，如跳舞室、Cafe、衣帽間等，最近仲有吹氣滑梯、波波池畀小朋友玩。