白石充氣彈床嘉年華

白石充氣彈床嘉年華 10套充氣彈床+N級方程式車 全日任玩$250

親子好去處

白石充氣彈床嘉年華|白石燒烤場一向都很受歡迎,白石每年都會舉辦充氣彈床嘉年華,有10套大型充氣彈床任玩。逢星期六、日及公眾假期都會開放,唔燒烤都可以入去玩。仲有大量攤位遊戲同N級方程式車,放電之餘想過一個悠閒假期的話,可以去埋燒烤,邊燒邊玩充氣彈床超正!

白石充氣彈床嘉年華|10套得意可愛充氣彈床

白石充氣彈床嘉年華有多款造型的充氣彈床,包括大象、雞仔、小木偶等,小朋友見到超級興奮。開放時間為下午2時至晚上8時,75分鐘一節。成人進場並不收費, 不過大人不可以上彈床。場偶每小時會設15分鐘消毒場地, 家長可以放心俾小朋友玩。收費分為單節,以及全日任玩套票。一齊睇吓有咩款式嘅彈床啦!

白石充氣彈床嘉年華Facebook
(圖片來源:白石充氣彈床嘉年華Facebook)

白石充氣彈床嘉年華|大量攤位遊戲+N級方程式車

除咗10套充氣彈床之外,白石充氣彈床嘉年華聖誕及新年假期期間仲有勞作區,有得串珠仔整手鏈、DIY帆布袋、DIY面具等。唔只咁,還有大量攤位遊戲同N級方程式車玩,小朋友可以在充氣水池入面釣魚。

白石充氣彈床嘉年華
(圖片來源:白石充氣彈床嘉年華Facebook)
收費:
攤位遊戲及勞作區($20-$40/局)
N級方程式($30/10分鐘)(聖誕及新年期間不開放)

白石充氣彈床嘉年華|燒烤場:吐露港獨立屋BBQ

去開玩充氣彈床,不妨去埋燒烤場燒嘢食啦~燒烤場分為海景燒烤爐BBQ和海邊獨立屋BBQ,面向着吐露港海景,景色怡人。而場內更設約30間冷氣獨立屋,一班人燒到熱辣辣隨時可以入冷氣房裡歎食物燒完一輪再出去繼續玩歎到爆!人數由10個到40個都照顧得到,都有適合你的海邊獨立BBQ屋。

雖然不是任食BBQ,但燒烤場的食物款式眾多,可選散點或不同人數的套餐,包括各式海鮮、丸、肉、腸、蔬菜類,可選擇散叫。而獨立屋套餐已包括食物,除了一般丸、扒類,亦有海蝦、青口、帶子等少量海鮮。

白石充氣彈床嘉年華

地點:白石燒烤場
地址:馬鞍山白石第1950 號
收費:單節$120、全日任玩$250(80厘米以上需要收費;80厘米以下不建議參與;成人不可上彈床)
開放日期:公眾假期及星期六日(舉辦至2月)
時間:下午2時至下午8時
詳情:75分鐘一節
交通:馬鞍山新港城四期乘免費穿梭巴士,或從烏溪沙港鐵站步行約20分鐘
參考:官方專頁/官方網站
白石充氣彈床嘉年華
(圖片來源:白石充氣彈床嘉年華Facebook)

常見問題

白石充氣彈床嘉年華點去?

馬鞍山新港城四期乘免費穿梭巴士,或從烏溪沙港鐵站步行約20分鐘

白石充氣彈床嘉年華在哪兒舉行?

白石燒烤場

撰文:白石充氣彈床嘉年華Facebook圖片來源:白石充氣彈床嘉年華Facebook

你會帶仔女去嗎?

更多精選內容