8大搶手自助餐 海鮮大閘蟹當道

10月多節慶,美食也特別豐富,歎自助餐就可以一次過食勻晒。蟹、生蠔和海鮮是秋季自助餐主打,潮食海鮮塔之外,還有任食大閘蟹,有酒店更送出6両重大蟹,蟹迷不容錯過。

豪華海鮮自助餐 送6両大閘蟹及蛋糕

大閘蟹季到,雅苑座10月份的海鮮buffet,上周末開始大加碼兼改名為極品大閘蟹自助晚餐,皆因每位可獲贈一隻6両重的清蒸大閘蟹,很可能是自助餐中上送出最重手的大閘蟹,市價至少百多元一隻,唔使計都知抵!

大閘蟹之外,海鮮陣容亦好強勁,凍海鮮必食加拿大蟹腳、洋蔥煙肉燒蠔、即切魚生 大板燒壽司 還有海鮮熱盤,包括雞油花雕龍蝦蒸豆腐、龍蝦海皇焗飯、椒鹽三文魚、金銀蒜蒸星斑等。

多個現場即煮counter又有蟹粉龍蝦賽螃蟹多士、爐端燒、烚海鮮、烤肉車、燒味、燉湯等中西日式美食輪流上場。壓軸甜品有朱古力噴泉、即制班戟、Haagen Dazs雪糕及十多款特製甜品任食,凡於星期日至四,8位或以上惠顧,更可獲贈一磅雜果拿破崙蛋糕。自助餐期間限定,由即日至10月31日止。

雅苑座(帝苑酒店)
價錢:星期一至四成人$548、小童$448,星期五至日、假期及前夕成人$628、小童$478
供應時間:即日至10月31日,星期一至三、星期日及假期6:30pm-10pm、星期四至六及假期前夕6:30pm-9:45pm
地址:尖東麼地道69號3樓
電話:2733 2030
備註:送蛋糕優惠不可與生日優惠同時使用,須一天前預訂。

下頁有:任食大閘蟹鮑魚

任食大閘蟹 鮑魚花膠蟹饌

JW咖啡室近年都有推出任食大閘蟹自助餐,大受歡迎,今年繼續,大閘蟹源源不絕供應,不過自助餐亦因此加價,星期一至四每位成人$718,比之前貴了$100,所以食得快好世界,仲要食多幾隻先回到本!同時要留意,任食大閘蟹只供應至10月31日,訂位趁早。

大閘蟹之外,還有各類鮮蟹菜式,包括加菲凍蟹、雪蟹、紅蟹及加拿大蟹,惹味的避風塘炒蟹、白汁焗釀蟹蓋及咖喱炒辣蟹等。另外,中式熱葷特別多而且矜貴,必 食 上湯燴花膠、炆原隻鮑魚、蒸龍躉、焗釀蟹蓋、片皮鴨等,還有燒乳鴿和叉燒等中式燒味。最後不容錯過甜品,數十款個裝蛋糕和小件裝甜品,招牌必食香港歌劇院 蛋糕和即製蛋卷,每晚必備。

JW咖啡室(JW萬豪酒店)
價錢:成人星期一至四$718、小童$498,星期五至日及假期成人$788、小童$548
供應時間:即日至10月31日6pm-10pm
地址:金鐘金鐘道88號太古廣場7樓
電話:2810 8366

下頁有:即製龍蝦喇沙卷物

6個開放式廚房 即製龍蝦喇沙卷物

時下自助餐都流行明檔即煮,貪佢新鮮熱辣。Cafe Kool就有6個開放式廚房,每個廚房都有招牌菜式,多達14款,推介菜式包括龍蝦喇沙、印式烤羊腿、香烤加拿大認證高級有骨西冷及心太軟、砵酒藍芝士、泰式蒸粉卷和自家醃製及煙燻三文魚等。

食勻十四款菜式,都已經飽了大半,但記得要留位食凍海鮮,包括有空運生蠔、阿拉斯加蟹腳、波士頓龍蝦、玻璃蝦、青口及蟶子等。食飽後,每位更可獲贈一個小禮盒,可用小盒裝滿自選糖果帶回家。

自家醃製三文魚:三文魚以綠茶、咖啡、芥末、印式炭火燒及豆瓣醬等醃製一整日,此外有蘇格蘭櫟木煙三文魚。

Cafe Kool(九龍香格里拉大酒店)
價錢:星期一至四成人$578、小童$458,星期五六及假期成人$628、小童$488,星期日成人$578、小童$458
供應時間:星期一至四6:30pm-9:45pm、星期五六及假期6pm-9:30pm
地址:尖東麼地道62號閣樓
電話:2733 8988

下頁有:龍蝦蟹宴送大閘蟹
鮮味龍蝦蟹宴 送大閘蟹

沙田2+2 cafe都趁蟹季送大閘蟹,即日至11月15日食,海鮮龍皇自助晚餐,每位成人或長者可免費獲贈大閘蟹一隻,每隻3至4両,蟹迷可以過下蟹癮。

食完蟹,海鮮至係戲肉,亮點是任食龍蝦及生蠔。當中龍蝦菜式有凍有熱,如冰鎮波士頓龍蝦、龍蝦海龍皇湯、避風塘即炒龍蝦鉗、星洲酸辣龍蝦海鮮椰菜沙律、龍蝦百合炒時蔬等。自助餐內還有兩個即叫即煮專櫃,分別有白灼和炒海鮮,任客人自選海鮮再廚師即煮。

自助餐收費方面亦有彈性,3種時段選擇,客人可自選食足4小時(全時段),或速食兩小時(第一及第二優惠時段),食得快的話,當然係食兩小時最抵。

2+2 cafe(帝都酒店)
價錢:成人$588、小童$308、長者$408(全時段6pm-10pm)、成人$408、小童$238、長者$288(第一及第二優惠時段5:45pm-7:45pm、8pm-10pm)
供應時間:即日至11月15日5:45pm-10pm
地址:沙田白鶴汀街8號3樓
電話:2694 3886

下頁有:$500食勻七款法國生蠔
$500食勻7款法國生蠔 和牛黑毛豬火腿

除了大閘蟹之外,秋季亦係嚐肥美生蠔的最佳時侯。薈景將於10月26日開始,推出期間限定法國生蠔之旅,每晚有7款法國生蠔輪流上場,包括貴價的Gillardeau、Belon 000,還有新品種La Lune,以及Fines de Claire、St Vaast等,嚐蠔期至11月14日止,生蠔迷不要錯過。

此外,自助餐還有席前燒和牛片、36個月西班牙黑毛豬火腿、海龍皇湯等矜貴美食;還 有一系列環保海鮮如黃鰭拖羅刺身、紐西蘭黑鮑魚、雪場蟹腳、以及有機種植及低碳蔬菜沙律,加上即場烹製的中印法式佳餚,種類過百款,只怕你胃唔夠大!埋單仲有折扣優惠,1至18位食自助晚餐可享85折,折後成人約$500一位。

薈景
價錢:星期日至四成人$588、小童及長者$328、星期五六、假期及前夕成人$638、小童及長者$358
供應時間:10月26日至11月14日6:30pm-10pm
地址:灣仔港灣道1號會展中心4樓(或經由會展廣場六樓進入)
電話:2582 7250
折扣優惠:1至18位惠顧自助晚餐可享85折,另收原價加一

下頁有:潮食海鮮塔

潮食海鮮塔 逾50款甜品

韓式海鮮塔大熱就連自助餐都到,儷廊咖啡室10月起推出中法Fusion海鮮雙子塔自助晚餐,兩座海鮮塔十多層舖滿十多款時令海鮮,必食梭子蟹、波士頓龍蝦鉗、松葉蟹腳和麵包蟹。蒸煮過程中,海鮮精華流至底層,炮製成鮮味十足的濃湯,包括有避風塘家鄉番茄薯仔湯及法式海龍皇湯,識飲一定要飲。

至於冰鎮海鮮,除了蝦、蟶子和長腳蟹之外,不要錯過荷蘭鮮青口、黃金螺和大虎蝦。其他還有刺身壽司、串燒、即煎鵝肝等。甜品區設有49呎超長甜品桌,放滿50多款甜品,種類繁多,必食大熱紫薯甜品紫薯杯子蛋糕和杏仁紫薯批等。

儷廊咖啡室(富豪東方酒店)
價錢:星期日至四及假期成人$428、小童$288,星期五六及假期前夕成人$458、小童$308
供應時間:6:30pm-10pm
地址:九龍城沙浦道30-38號地下1樓
電話:2132 3502

下頁有:$299蟹宴搶大閘蟹

破底價$299蟹宴 搶大閘蟹

LIS Cafe繼早前買二送一優惠,最近再下一城,成人減到低至$299一位,是原價的68折,肯定係全城最抵食!雖然價錢平,但自助晚餐美食陣容絕不輸蝕,10 月份以蟹做主打,必食菜式有煙三文魚卷阿拉斯加皇后蟹肉、雪花蟹腳柚子咯嗲;熱葷推介松露野菌焗蟹蓋、九層塔泰國咖喱青肉蟹、意式鮮茄茸布朗蟹、薑蔥三點 蟹、避風塘炒蟹等,每晚更會有清蒸大閘蟹出籠一次,手快就有!

其他美食還有挪威煙三文魚、爐端燒、秘製咖喱、北海道全脂牛奶布甸、紅桑子意大利芝士杯、即點即製梳乎厘、窩夫、movenpick雪糕等超過六十款。

LIS Cafe(如心南灣海景酒店)
優惠價錢:星期一至四成人$299、小童$159、星期五至日、假期及前夕成人$329、小童$179
供應時間:即日至10月30日6:30pm-9:30pm
地址:香港仔黃竹坑道55號P3 (正門位於塘邊徑)
電話:3968 8833
備註:優惠價錢適用於每次每?最多18位使用,另收原價加一。

下頁有:$448任擦大閘蟹

$448任擦大閘蟹 大頭蝦芝士黑松露飯

愈多愈多任食大閘蟹餐出現,沙田萬怡酒店MoMo Cafe的自助餐今年都加入戰團,自助晚餐時段無限量供應太湖大閘蟹,每位成人收$448,價錢同平時差不多,可能係全港最平的大閘蟹自助餐。大閘蟹每隻蟹重約3.5両,雖然係細蟹,但係密食當三番,食多幾隻已經回本。

另一推介係即煎越南大頭蝦,蝦頭膏多又香軟,實在不比大閘蟹膏遜色。其他有瑞士烤芝士、原個芝士燴黑松露意大利飯、燒肉眼扒和朱古力心太軟等,供應期由即日至11月30日。

MoMo Cafe(沙田萬怡酒店)
價錢:星期一至四成人$448、小童$268、星期五至日及假期成人$498、小童$298
供應時間:即日至11月30日6pm-10pm
地址:沙田安平街1號(港鐵石門站C出口)
電話:3940 8788

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

你又點睇?

更多精選內容