四季休閒農莊粉嶺流水響全新營地佔地16萬呎!大草地放電+BBQ+戶外電影

四季休閒農莊粉嶺流水響全新營地佔地16萬呎!大草地放電+BBQ+戶外電影

親子好去處

粉嶺四季休閒農莊|露營友又有新場啦!今次Blogger呀劍萬歲同小朋友去到四季休閒農莊郊外露營,真係好治癒好舒服,就連露營初哥都可以輕鬆去旅行。一睇嚟睇吓佢哋今次嘅經歷啦!

粉嶺四季休閒農莊|佔地160,000呎 大草地放電好去處

四季休閒農莊鄰近流水響水塘,天然風景如畫,總面積達十六萬呎,農莊內有分區,分別為停車場區、燒烤區、露營區,令大家安全又舒適的享受。兒童遊樂設施暫時建設中,疫情期間可能暫停開放。場內有超大片草地,可以玩數字球,啱哂小朋友放電。

四季休閒農莊
(圖片來源:呀劍萬歲)

粉嶺四季休閒農莊|行埋流水響 睇紅葉+天空之鏡

粉嶺流水響水塘又稱為「森林中的天空之鏡」,湖水間倒影出對岸一排的落羽松和白千層,每逢假日都吸引不少家庭在湖邊野餐和拍照。落羽松秋冬會變為紅色,加上流水響的地理位置,可以同時看到天空之鏡和睇紅葉,去露營能順便去埋附近睇景。

路線詳情:粉嶺流水響水塘|行山1.5小時 影天空之鏡+落羽松

粉嶺四季休閒農莊|夢幻蒙古帳 營具租借服務

四季休閒農莊有很大的露營空間,提供多個熱水沖涼間、供營友貯存食材的雪櫃、沖涼液洗頭水、士多,連風筒都有。粉嶺四季休閒農莊在疫情下,每個營帳最多只可4人入住。

四季休閒農莊
(圖片來源:四季休閒農莊)

農莊的蒙古帳十分股歡迎,而場內亦有營具租借服務,露營初哥都唔洗擔心。有煮食用具、營帳、爐具、營具等,當然也歡迎自備。

粉嶺四季休閒農莊|BBQ提早預訂食材

四季休閒農莊還有燒烤場及代購燒烤食材,可以提早預訂食材。夜晚BBQ,一邊燒住嘢食,一邊嘆住咖啡,同朋友有講有笑,大家無拘無束,大人小朋友各有各玩,真正嘅ME TIME!

四季休閒農莊
(圖片來源:呀劍萬歲)

粉嶺四季休閒農莊|戶外電影院 超級Chill

食完嘢小朋友仲有餘興節目~就係睇電影,呀芊呢晚真係玩得好開心好滿足,最後仲話要同幾個閨蜜瞓,Blogger爸爸要自己一個瞓~ 不過仲好,佢自己一個喺營裏面再煲咗陣劇先瞓。

四季休閒農莊
(圖片來源:呀劍萬歲)

粉嶺四季休閒農莊|自助廚房整早餐

到咗第朝起身,煮個餐蛋麵,再嘆杯咖啡,望吓日出,小朋友起身,繼續嘻嘻哈哈,除咗要番去執拾行裝拆番個營好唔捨得,其餘時間都真係好開心~

四季休閒農莊
(圖片來源:呀劍萬歲)
四季休閒農莊
(圖片來源:四季休閒農莊)

粉嶺四季休閒農莊

即睇粉嶺四季休閒農莊詳細地址及聯絡方法

收費:人均$125起,詳情請向四季休閒農莊查詢

事前需要先行預約:按此

交通:於粉嶺港鐵站轉乘52B號小巴,於鶴藪綠田園下車,步行3分鐘

官方網站

常見問題

四季休閒農莊點去?

於粉嶺港鐵站轉乘52B號小巴,於鶴藪綠田園下車,步行3分鐘

四季休閒農莊收費是多少?

人均$125起

資料來源:喬b成長日記 x 車厘媽生活日常、呀劍萬歲、四季休閒農莊圖片來源:喬b成長日記 x 車厘媽生活日常、呀劍萬歲、四季休閒農莊

你會帶仔女去嗎?

更多精選內容