粉嶺芒草行山路線|超高芒草/壁畫村打卡/杉樹林 粉嶺賞芒一日遊

粉嶺芒草行山路線|超高芒草/壁畫村打卡/杉樹林 粉嶺賞芒一日遊

親子好去處

粉嶺芒草行山路線|想睇芒草唔一定要去大東山,粉嶺打鼓嶺坪輋都有好多芒草,而且交通方便,距離市區只要30分鐘,生得仲高仲靚,啱哂大小朋友打卡。以下就由Blogger媽媽為我哋分享佢同小朋友去玩嘅行程啦!

圖文授權:皮皮。生活日誌|編輯:Billie

粉嶺芒草行山路線|市區下車30分鐘到達

就算沒有去到大東山,都有機會可以看到芒草。粉嶺打鼓嶺坪輋係另一個易行打卡又靚嘅賞芒草地點,市區下車30分鐘就到達,在粉嶺坐小巴就能到達。落車沿住士多左邊一直走入村大約十五分鐘,會見到有壁畫村,旁邊亦設有士多可以係出發前補給飲料。壁畫村入面有好多村莊的卡通圖案、兒時玩的跳飛機,好值得行入去裡面打卡。不過今次回程的時候小朋友已經好累,所以沒有影好多相,有興趣的朋友可以順便去壁畫村看看。

粉嶺芒草行山路線
(圖片來源:皮皮。生活日誌)
粉嶺芒草行山路線
(圖片來源:新傳媒集團資料庫)

 

粉嶺芒草行山路線|比孩子還要高的芒草

沿馬路一直行入啲,你會見到公園仔,旁邊有公廁,向前行會見到鄉公所,記得向右上斜,就會到達村口,走過涼亭身後就係一大片芒草平原。這處生長的是低地芒,身高比起以往在大東山看到的更大株、更茂盛!芒草比孩子還要高,Blogger媽媽同小朋友走到芒草堆前面,瞬間就遮蓋他們! 平日去行人流會較少,可以於早上11點多出發,一起欣賞這草原美景。

粉嶺芒草行山路線
(圖片來源:皮皮。生活日誌)
粉嶺芒草行山路線
(圖片來源:皮皮。生活日誌)

 

 

粉嶺芒草行山路線|神秘聖誕樹之鄉

回程會經過步徑,就會發覺自己好似身處異國過聖誕咁!被不同的杉樹、泊樹、松樹包圍,有温暖的感覺,很有聖誕氣氛,12月也可以去粉嶺打卡,小巴只要搭多一個站還有超便宜的草莓園:老徐農場,啱哂同小朋友去玩。雖然來到效外,口罩還是要戴好,拍照完就要戴上口罩,儘量避開人流。提提大家,路邊的野花不要採,芒草也是,媽媽拿着拍照的是在路上執到的,曾有行山客背囊插滿一把芒草,這個行為真的不太好,傷害了大自然。

粉嶺芒草行山路線
(圖片來源:皮皮。生活日誌)
法蘭蒂產量最多,多汁,甜中帶酸。/磅
法蘭蒂產量最多,多汁,甜中帶酸。$60/磅(圖片來源:新傳媒集團資料庫)

 

粉嶺芒草行山路線

交通 : 粉嶺站A3出口坐52K小巴到「九記士多」落車

時間:4小時

難度:★★☆☆☆

 

常見問題:

問:如何去粉嶺睇芒草?

答:粉嶺站A3出口坐52K小巴到「九記士多」落車

問:完成粉嶺芒草路線需時多久?

答:4小時

 

你會帶仔女去嗎?

更多精選內容