DIY純天然芒果百香果果醬

今次選擇百香果做自家製嘅果醬,糖份可自己調較,無防腐劑、無添加先係最天然嘅~

百香果營養豐富,含有豐富嘅蛋白質、膳食纖維、維生素ABC及鐵質等營養成分。百香果仲有排毒養顏同增強免疫力嘅功效,仲可以幫助消化。果醬除咗可以塗麵包用,其實仲有好多用途架~例如伴乳酪,窩夫,沙律等等…… 有咁多用途,唔試就走寶喇!

TEXT:Zareen

 

材料:

芒果3個

 

百香果4個

 

糖50克

 

青檸(汁)半個

 

1.將芒果切成大粒; 拿出百香果果籽及汁液。

2.將芒果放入攪拌機攪成芒果蓉。

3.將芒果蓉放入鍋內。 加入百香果及糖,以細火慢煮,煮時攪拌避免煮燶,煮大約35分鐘。 加入青檸汁,再煮 5 分鐘,熄火。

4.把玻璃瓶消毒。 趁熱放入玻璃瓶後蓋上;

5.倒轉瓶蓋向下。這樣做可令瓶內多餘的空氣排出,成密封狀。放涼後就可以放入雪櫃。

小貼士:
*玻璃瓶要清潔乾爽,果醬先能保存得耐,唔會發霉
*冷卻的果醬會比熱嘅時候黏
*密封的果醬可放半年《玻璃瓶處理》
1. 先洗淨玻璃瓶
2. 放入滾水煲大概 5 分鐘消毒。拿出風乾(亦可以用焗爐70度烘乾)

下一頁:健脾利水 木瓜生魚花生湯


你又點睇?

更多精選內容