萬聖節打卡2021|灣仔海濱長廊 五層高巨型南瓜 萬聖節必去免費打卡位!

萬聖節打卡2021|灣仔海濱長廊 五層高巨型南瓜 萬聖節必去免費打卡位!

親子好去處

萬聖節打卡2021|灣仔海濱長廊出現咗個五層樓高嘅巨型南瓜,仲唔快啲去打卡!除咗有矚目嘅南瓜,仲有萬聖節互動裝置,同埋萬聖節親子小遊戲,全部免費仲可以攞小禮物,快啲同小朋友去過一個得意又有趣嘅萬聖節啦!

即睇:萬聖節服裝2021|5大萬聖節服裝店最平$30 多款兒童裝扮任你揀!

萬聖節打卡2021|五層高巨型南瓜

灣仔海濱長廊由即日起會有五層高的超巨型南瓜裝置,同遊人過一個搞怪的萬聖節!每逢節日灣仔海濱長廊都會有不同的大型裝飾和活動,就嚟到萬聖節,海濱長廊亦有新搞作同大家一齊扮鬼扮馬。五層高的吹氣南瓜超吸睛,啱哂大人小朋友係萬聖節打卡,仔細搵仲可以搵到係高空的超大眼球。除此之外,海濱仲有十幾個萬聖節裝置,包括萬聖節造型的可愛兔仔、會飄浮的小鬼等。海濱周圍亦有大大小小不同的鬼仔貼紙,超級得意。

萬聖節打卡
有成五層高。(圖片來源:BookYay)
萬聖節打卡
夜晚超有萬聖節氣氛(圖片來源:BOOKYAY)

萬聖節打卡2021|發光互動裝置 萬聖節兔仔

萬聖節的裝置可以打卡之餘,部分仲有互動功能。互動裝置「哈囉喂見」由四張雲型凳仔包圍一個細少少的南瓜,只要坐係小雲座椅上面,就可以令中間的南瓜變得更加光,相信小朋友一定會好鐘意!另外萬聖節兔仔還會坐在巨型的南瓜裏,南瓜是惡魔造型的非常應節,入面會配上音樂,小朋友可以坐係兔仔隔離,同佢打卡影相。

萬聖節打卡
「哈囉喂見」(圖片來源:A little something by Marina Watt)
萬聖節打卡
惡魔南瓜和萬聖節兔仔。(圖片來源:A little something by Marina Watt)

萬聖節打卡2021|「南瓜大搜尋」 換小禮物

去得海濱長廊當然唔只打卡咁簡單,依家仲有期間限定的免費親子小遊戲「南瓜大搜尋」,只要完成所有任務就可以獲得神秘小禮品一份!由即日起至萬聖節,只要係Bookyay登記,小朋友就會獲發一張地圖,媽媽們需要同小朋友一齊搜刮現場的小小南瓜標記,地圖上面圈出所有標記的位置,就可以攞到禮物啦!活動完全免費,不過要留意返活動時間是13:00至21:00,快啲同小朋友去尋寶啦。

萬聖節打卡
萬聖節兔仔超可愛。(圖片來源:A little something by Marina Watt)
萬聖節打卡
裝置晚上會發光。(圖片來源:A little something by Marina Watt)

萬聖節打卡2021 | 灣仔海濱長廊

地點:灣仔海濱長廊(愛護動物協會對出,灣仔碼頭、灣仔北臨時交通交匯處)(顯示地圖

「南瓜大搜尋」集合地點:灣仔渡輪碼頭畔

交通:從灣仔地鐵站起步約15分鐘,由尖沙咀乘坐渡輪約20分鐘

參考:官方網站

 

常見問題:

問:點去灣仔海濱長廊?

答:從灣仔地鐵站起步約15分鐘,由尖沙咀乘坐渡輪約20分鐘。

問:灣仔北海濱長廊全長多少公里?
答:1公里。

問:灣仔海濱長廊萬聖節活動甚麼時候完結?

答:萬聖節當天

資料來源:A little something by Marina Watt、相關機構圖片來源:A little something by Marina Watt、相關機構

你會帶仔女去嗎?

更多精選內容