萬聖節服裝2021|5大萬聖節服裝店最平$30 多款兒童裝扮任你揀!

萬聖節服裝2021|5大萬聖節服裝店最平$30 多款兒童裝扮任你揀!

親子好去處

萬聖節服裝2021|萬聖節就到啦!小朋友的學校會不會搞萬聖節派對,家長們不妨為小朋友選最靚最型嘅服裝去參加Party啦!除咗網購,其實香港都有好多地方可以買到萬聖節服裝,價錢又抵款式又靚。今次記者為大家搜羅咗5間賣萬聖節服裝嘅店鋪,最平$30就有啦!等各位媽媽可以買到平價又啱心水嘅萬聖節服裝!

圖文授權:[email protected]跟著莫莉過生活、新傳媒集團資料庫|編輯:Billie

即睇:萬聖節打卡2021|灣仔海濱長廊 五層高巨型南瓜 萬聖節必去免費打卡位!

5大萬聖節服裝店

萬聖節服裝2021|1. 深水埗福榮街

深水埗福榮街有另一個名叫玩具街,相信大家都唔陌生。福榮街仲有個特色,就係每到節日就會有大量同節日有關的精品賣,超多萬聖節商品擺出嚟,掛埋喺店鋪上方,場面超級壯觀。福榮街兩邊有好多文具店都有萬聖節服飾賣,路邊仲有好多地攤,小朋友服飾平均$60一套,最平$30都有,款式勁多總有一款會啱你。除咗衫之外,仲有好多超真實的萬聖節道具,包括斷手、南瓜、恐怖畫作等,可以營造超正的萬聖節氣氛。

萬聖節服裝2021
(圖片來源:新傳媒集團資料庫)
萬聖節服裝2021
(圖片來源:新傳媒集團資料庫)

萬聖節服裝2021 | 1. 深水埗福榮街

地址:深水埗福榮街30D到60

交通:深水埗站B2出口沿北河街直行第一個路口轉右,看到藍色帳篷即到。

回到目錄

萬聖節服裝2021|2. 灣仔太原街

灣仔太原街市集,是遊客必去的地方,可以說是港島版的玩具街。太原街市集衣服的價格比福榮街貴,價格大約落在$100至$200,但款式較多較為精緻,有木乃伊、胡迪、會發光的骷髏骨、南瓜裝等。而且老闆超級熱情,會好仔細咁幫大家介紹啱小朋友年紀的服飾。仔細搵也有$40套的,不過比較簡單,路邊攤以外,兩邊一些文具鋪也有很多款式,有時間的話可以逐間睇睇,格吓價搵最啱小朋友的款式。

(圖片來源:新傳媒集團資料庫)
(圖片來源:新傳媒集團資料庫)
萬聖節服裝2021
(圖片來源:新傳媒集團資料庫)

萬聖節服裝2021 | 2. 灣仔太原街

地址:灣仔太原街

交通:灣仔站A3出口直行過馬路就會見到太原街市集的入口。

回到目錄

萬聖節服裝2021|3. 中環祖兒家

祖兒家在中環,有超多小朋友扮嘢服飾,男男女女款都好多,嬰兒至到中童都有!而且件件質地細節位都很好,還配備頭飾造型配件。價位由$1xx-$2xx俱多,雖然不及淘寶幾十蚊便宜,但勝在這裡可以看實物、可以摸、可以試、更可以換!即買即走!家中有小中大寶的,也可以一次過在這裡買齊萬聖節服裝喔!

萬聖節服裝2021
(圖片來源:跟著莫莉過生活)
萬聖節服裝2021
(圖片來源:跟著莫莉過生活)

萬聖節服裝2021 | 3. 中環祖兒家

地址:中環利源東街1號地下

電話:2801 4988

回到目錄

萬聖節服裝2021|4. Donki

Donki只有一個較小的萬聖節專區,服飾價格也比較昂貴,最平都要$329一套。不過勝在港九新界都有分店,總有一間喺附近。當日見到小朋友服飾有小魔女、監犯、太空人、吸血鬼、狗狗等全部都超級得意。另外仲有一啲搞怪面具,同埋大人的服飾,大人小朋友可以一齊扮鬼扮馬。

萬聖節服裝2021
Donki有萬聖節用品專區。(圖片來源:新傳媒集團資料庫)
萬聖節服裝2021
小朋友服飾有好多款。(圖片來源:新傳媒集團資料庫)

 

萬聖節服裝2021 | 4. Donki

地址:全線Donki

營業時間:24小時營業

參考:官方專頁

回到目錄

萬聖節服裝2021|5. Living PlAZA by AEON$12店

今次記者去咗兩間$12店,每家店售賣的款式各有不同,建議可以去比較大間的,會有較多的款式。$12店的萬聖節服飾以可愛風格為主,當日見到有獨角獸、兔仔等,另外也有為大人而設的披肩、裙仔等。服裝的價格會比其他產品稍貴,大約$35一套。除咗一整套的服飾之外,還有各種配件可以購買,例如頭飾、掃把、萬聖節帽、假髮等,全部着上身超有萬聖節氣氛。仲有好多裝飾品、萬聖節專用餐具,可以買返去裝飾屋企。

萬聖節服裝2021
(圖片來源:新傳媒集團資料庫)
萬聖節服裝2021
(圖片來源:新傳媒集團資料庫)

萬聖節服裝2021 | 5. Living PlAZA by AEON $12店

地址:全線AEON Living Plaza $12店

營業時間:每間不同大部分為10:00-22:00

參考:官方網站

回到目錄

 

常見問題:

問:深水埗福榮街點去?

答:深水埗站B2出口沿北河街直行第一個路口轉右,看到藍色帳篷就是了。

問:灣仔太原街點去?

答:灣仔站A3出口直行過馬路就會見到太原街市集的入口。

你會帶仔女去嗎?

更多精選內容