【葵芳掃街】美食嘉年華開足9日!免費派菠蘿仔+自備餐具送小食

去年與依莉第一次到葵芳運動瑒掃街,十分好玩,於是得知今個星期一連9日,香港美食嘉年華又再來,當然要再去玩去食啦!

撰文、圖片:大仁生活|編輯:Sundaykiss

去年是首日去的,今年則是第二天(星期日 13:30),嘩!人山人海的程度可能是去年的一倍呀!非常熱鬧!

今次掃街的位置大街就是一條街半,(因為第二條街的另一半已經賣乾貨了),二話不說,我們便四出覓食是也。

天氣實在太熱,我們先去買飲品,依莉看中了一個大大大椰青$30。我問店員:「得返依幾個咋?」

店員:「係呀!要再等有貨運過嚟先再有得揀…」依莉急不及待便已付款選了其中一個椰青,店員便為她遞上一個開殼鑽便說:「好,你大力D啦!」

原來自己椰青自己開,依莉不停叫累不停鑽,結果用了1分鐘才成功開出椰青…不過Raymond說:「酸酸地,又好似有D怪味」(我都話蘿底椰青無得揀唔多可信,可能等返貨之後,仲要叫店員教我揀先安全)

之後,SY見到雪糕便大叫:「我想飲依個」,我問店員:「澳洲活比阿埠係咩嚟呀?」

她答:「是Root Beer做底加雪糕,無酒精,小朋友都飲得」我試了一口:「哦!即係無汽汽水加雪糕,即係黑牛囉!」

SY:「好得意,好飲吖,D味道我又無飲過嘅,不過有雪糕食就得啦!」

全場最多人排隊的一個檔位,就是賣泰國食品的一檔,我們買了泰式撈河粉($35),及牛奶豬肉腸($15)

我:「早知買湯河啦,我以為係船河添」依莉:「我都唔知係好似粉絲,索晒D汁囉,不過好惹味,幾辣,仲有一塊豬潤,唔會「鞋」幾好食喎!」

我:「係呀!我條牛奶豬肉腸都係辣嘅,但一樣好入味,可能泰國人鍾意辣同夠味。」

旁邊有賣韓國魚糕串的檔位,我:「三串個樣唔同喎,有咩分別呢?」店員:「差唔多,不過原來依條就最彈牙!」($15/串、$30/串) ~ 為了可掃其他食品,我當然只買一串原味。

SY:「好食喎! 」依莉:「比較出面街D丸仲彈牙,仲好食喎!」阿太:「係喎,好有魚味,唔錯。」

去年已經試過的黑橋牌腸,今年再來ENCORE,因為好像聽到在熱鍋上的腸在呼喚我。

我:「一定要先食花枝丸,因為花枝丸味道較淡,如果一嚟就先食黑橋牌腸,咁粒花枝丸就無晒味。」

阿太:「我哋買唔買D黑橋牌腸返屋企食?」我:「我哋都唔煮飯,買D腸返去空口食咩?係度食就算囉~」

原來大會會在場免費派發泰國小菠蘿,今日就派出70粒,我們有幸排到尾6,有得吃甜甜甜美小菠蘿! Yeah!

餃子是SY的最愛,但在場暫時發現比較乾淨的就只有素餃,由冬菇、蘿蔔、椰菜作饀的煎素餃子($20/5)

又香又夠皮薄,其實冬菇及蘿蔔切粒粒也可以扮作肉,但吃入口內其實又真的好似欠缺了肉的回味…SY:「唔係吖,都好好食喎!」

依莉:「我就幾鍾意食佢哋個紫豆卷,(紫薯+青豆?係甜定鹹呀?)係紫菜+腐皮呀!幾吸引D味道!」

我們自備餐具,所以素食店送了我們數塊齋片,夠香夠咬口,有酥炸的感覺,似吃豬扒,我說:「反而我覺得佢送畀我哋D齋條仲好食喎!」

我本來想買一口和牛,不過被店員推介說:「美國漢堡扒份量多D,和牛就腍D…」

我忍不住買了大大份的美國漢堡扒,店員說:「分開4份好D喎…」我:「分兩份就得…」結果…

依莉:「哎呀!我個半入面係仲生生哋嘅,你哋嗰邊就全熟喇!」

我:「咁我早知聽大廚講開4份啦,因為我依半係熟,但就煎得好似太耐,好「鞋」, 好似我臉皮咁「鞋」

我想吃芒果糯米飯多時,在場發現有剛才撈粉那泰國檔賣即叫即切芒果的糯米飯$40,又見另一檔有現成包好的選擇$20。

而我最後選了有雪糕的芒果雪糕糯米飯 $30,我問店員:「你D芒果甜唔甜?」店員:「包你甜,我哋芒果香港買唔到嘅。」

略嫌芒果是預先切粒粒,而份量又較$40的一檔為少,但SY愛吃雪糕,所以也沒有辦法 🙂

依莉:「佢D芒果估計大約有一半個芒果份量,係甜,最特別就係有一球雪糕,真係夠晒特別。」

我:「係喎,第一次食有雪糕嘅芒果糯米飯,如果佢D芒果即場切,又唔好切成粒粒,我都覺得依個飯不錯」 SY:「一啖雪糕一啖煙煙韌韌飯先最好食呀!爸爸!」

就這樣又玩攤位遊戲,又抽獎,一行5人又過了一個充實的周日下午!

女第7屆香港美食嘉年華
地點:新界葵芳興芳路223號葵涌運動場(港鐵葵芳站C或D出口)
日期:10月27日至11月4日
開放時間:11:30-21:00(嘉年華於每天結束前30分鐘及最後一天結束前1小時停止售票及入場)
入場費用:$5 (身高1米或以下小童、65歲或以上長者及殘疾人士免費)

大仁生活facebook

你又點睇?

更多精選內容