行山兼野餐！香港5大最易行靚景遠足徑

香港5大最易行靚景行山徑

最易行山徑1. 城門水塘

要數又有靚景，又易行的，城門水塘一定是其中一條啦！城門水塘周邊的遠足路線繁多，主線是一道平坦的環塘行山路徑，平坦易行，上落不多，全程約 8.5 公里，途中有濃密樹木遮蔭及不少休憩點可供休息。城門水塘塘畔廣植白千層，在塘水滿溢時，白千層倒影處處，不少電視劇也來這裏取景，靚景靚樹吸引不少遊人前來遊覽！不過要注意的是，當你欣賞靚景時，可能會有猴子相伴，所以要小心「食材」不可露眼！

復活節活動2019 — 白千層夾道亦是必到景點，等到深秋到來時，遍地落葉，漫步其中也頗浪漫！

沿著遠足徑而走，會經過大城石澗，綠草如茵，是最佳的拍照景點！城門水塘是有名的生態樂園，秋冬最多雀鳥及蝴蝶，大批候鳥前來過冬。城門水塘菠蘿壩為起點，附近有小食亭及公廁，上樓梯便到達平坦易行的菠蘿壩自然教育徑，行約10分鐘便看到蝴蝶園，園內種植了多種植物，吸引多種蝴蝶繁殖！

順帶一提，每年11月中正是紅葉綻放的日子，從起點行約5分鐘，已可以看到「楓香樹」，楓香為香港原生樹種，當天氣轉冷時，綠色的樹葉便會轉為紅色，除了元朗大棠外，城門郊野公園也是觀賞紅葉的最佳地點！

延伸閱讀：3.5小時bb級行山遠眺超靚維港景色

城門郊野公園遊客中心

起點左邊的樓梯拾級而上，不消幾分鐘就到公園的遊客中心，免費開放兼有冷氣歎，仲有展覽睇！遊客中心內有多項關於城門水塘內的生態展覽，亦有3D 立體遊戲玩！

野餐勝地

行到攰，要食啲嘢充電，點可以錯過呢個靚景野餐勝地呢？背樹面湖，一大片綠草同新鮮空氣陪住你，啲嘢自然特別好食啦！

全程需時：4小時

交通：荃灣兆和街乘 82 號小巴至城門水塘菠蘿壩小巴站下車

最易行山徑2.西貢赤徑

赤徑是西貢著名旅遊景點，家樂徑全長1.5公里，是一條小環迴徑。今次推介的是赤徑至黃石行山徑！黃石路徑較短，但風景非常優美，走到高處，仲可以飽覽山海景色啊！途中會經過全港十大濕地之一的土瓜坪，可以見到招潮蟹、彈塗魚等，行山兼上埋生態課！另外，香港共有8種紅樹林，而在赤徑已能找到其中7種，如有木欖、海漆、老鼠勒、桐花樹、白骨壤、水筆仔等。

全程需時：3小時

交通：於西貢碼頭乘94號巴士前往北譚坳站下車，到對面馬路就有路牌指示往赤徑的路線！

最易行山徑3. 大潭水塘

老少咸宜的「大潭水務文物徑」是大潭水塘的其中一段路，由陽明山莊起步，直至大潭郊野公園大潭道出口完畢。途經三個大潭水塘口，路徑集山水湖光山色於一身；同時亦有不少歷史遺跡，包括開埠時期的石碑、英式石橋、水壩工程及二戰時期的兵房等，都一一陳列，加上路勢平坦易行，全長只約兩公里，啱晒大家大細一齊行啦！

全程需時：2小時

交通：可於銅鑼灣（摩頓臺）巴士總站乘76號城巴於黃泥涌水塘道站下車，前往起點陽明山莊落車。

最易行山徑4. 香港仔灣仔峽

灣仔峽至香港仔是港島市區熱門路線之一，屬最初級路段。想行呢段路的話，可以先乘巴士到灣仔峽道，參觀1976年成立的警隊博物館，前身為灣仔峽警署，逾700件展品在五個廳展出，包括歷史展覽廳、三合會及毒品展覽廳亭等珍品，值得一看。之後往香港仔水塘道行，沿路是寬闊石屎路，約半小時便看到香港仔水塘，由下向上望非常壯觀，其後沿健身徑走到傷健樂園，設有樹木廊及奇趣徑參觀展覽，認識附近生態，附近更有燒烤場，一家人享受燒烤樂，最後沿香港仔水塘道下山。

全程需時：1.5小時

前往方法：中環碼頭或金鐘港鐵站乘15號巴士，灣仔峽道下車。

延伸閱讀：親子行山有感如何過生活你有得揀

最易行山徑5.烏蛟騰去荔枝窩古鄉生態旅

烏蛟騰去荔枝窩，路面平坦易行，上落不多，中途有很多自然環境生態，包括紅樹林、火成岩等，有流水小溪，是一條好適合小朋友行山的路線，路程雖長但易走，小朋友行山不會覺得辛苦，是個遠離城市郊遊的好去處。搭東鐵去到大埔墟站，再坐小巴20R去烏蛟騰。因為那天是星期日，太多行山人士等這小巴，班次又不算多，我們等了超過45分鐘，所以建議如果小巴多人，去烏蛟騰直接乘搭的士好了，免得浪費時間。