保良局賽馬會北潭涌度假營 射箭+繩網+飛索 一家$480一晚

保良局賽馬會北潭涌度假營 射箭+繩網+飛索 一家$480一晚

保良局賽馬會北潭涌度假營|Staycation 以外嘅選擇,宿營原來好好玩!保良局賽馬會北潭涌度假營設室內外活動,包括射箭、繩網、飛索、單車等,適合大人小朋友使用。同時,度假營有住宿4至8人家庭營價錢$480-$1552,如果大家不想過夜可參加日營、下午營或黃昏營,即睇有咩玩!

撰文、圖片來源:熊貓媽與熊貓仔 PandamaMason |編輯:TLY

保良局賽馬會北潭涌度假營

保良局賽馬會北潭涌度假營設下午3點入營,先辦理入營手續,買齊遊戲劵,最便宜為$300元15張,其他球類活動及分組活動如射箭、彈床、兒童繩網等不用收費。參考每日分組活動時間表,計劃好就去玩啦!

第1站:射箭(8歲以上 )

度假營
去到發現熊貓仔太細冇得玩,最後我地大人玩得好開心,熊貓仔就同朋友仔係隔離球場跑跑跳跳執樹葉。(圖片來源:熊貓媽與熊貓仔 PandamaMason)

 

第2站:飛索體驗 Zipline(8歲以上 )

度假營
飛索收費活動3張遊戲券約$60。(圖片來源:熊貓媽與熊貓仔 PandamaMason)
飛索體驗 Zipline(8歲以上 )(圖片來源:熊貓媽與熊貓仔 PandamaMason)
飛索體驗 Zipline(8歲以上 )(圖片來源:熊貓媽與熊貓仔 PandamaMason)

第3站:兒童繩網

兒童繩網位於戶外球場,設有高高低低唔同款式嘅繩網。

熊貓仔當然蜘蛛俠上身爬嚟爬去啦!(圖片來源:熊貓媽與熊貓仔 PandamaMason)
熊貓仔當然蜘蛛俠上身爬嚟爬去啦!(圖片來源:熊貓媽與熊貓仔 PandamaMason)

第4站: 吹氣彈床

位於室內體育館吹氣城堡彈床,每次限5個小朋友進入,呢個係收費活動,1張遊戲券約$20。

1張遊戲券約(圖片來源:熊貓媽與熊貓仔 PandamaMason)
1張遊戲券約$20(圖片來源:熊貓媽與熊貓仔 PandamaMason)

第5站:蹦極彈網

室內體育館內bungeetrampoline,小朋友見到呢個遊戲,都兩眼發光衝去玩,教練仲教佢打關斗㖭!變身Spiderman成功。呢個係收費活動,3張遊戲券約$60。

3張遊戲券約。(圖片來源:熊貓媽與熊貓仔 PandamaMason)
3張遊戲券約$60。(圖片來源:熊貓媽與熊貓仔 PandamaMason)

(圖片來源:熊貓媽與熊貓仔 PandamaMason)
(圖片來源:熊貓媽與熊貓仔 PandamaMason)

其他設施

體育館內亦有小量兒童遊戲設施、攀石牆、康樂棋、球類活動、小手工等等。而戶外活動有游水、獨木舟、單車、雪屐等等。原本我地計劃租單車、雪屐,可惜單車比較舊,而雪屐尺寸又太大。然後玩吓公園,公園都算大幾好玩。黃昏就去湖邊BBQ喇!露天燒烤場位於湖邊,小朋友可以玩吓石仔、睇風景。

 

度假營宿營時段由下午3:15至第二日下午1:45,為左小朋友可以玩耐點,可以延伸加埋日營,食完午餐一直玩到下點4點離開。總括宿營初體驗係好玩嘅,不妨帶小朋友體驗一下!

保良局賽馬會北潭涌度假營

營地收費:
住宿4至8人家庭營價錢$480-$1552,視乎日子及房間數量,另有團體營。如不過夜可參加日營、下午營、黃昏營。

膳食安排:
需預訂有早、午、晚三餐、糖水及BBQ,價錢$13-$56/位。我地選擇咗中菜午餐及BBQ晚餐,BBQ嘅燒烤包都幾大份,自備食物亦可。另有Canteen提供簡單食物、飲品及雪糕。

交通:
度假營位於西貢,可於鑽石山乘搭巴士;於西乘搭小巴或巴士;烏溪沙西乘搭新界的士。注意西貢小巴約30分鐘一班,等候時間比較長。

溫馨提示:

  • 房間內有基本電器及設備,另有乾淨床單但需自行鋪設。
  • 需自備拖鞋、毛巾、牙膏牙刷。
  • 建議帶備泳衣,除游水外部份上活動會濕身。
  • 戶外活動記得做好防曬及防蚊措施。
  • 每日活動時間表不同,活動分收費和免費,建議計劃好玩咩活動再買遊戲券。

詳細資料

撰文、圖片來源:熊貓媽與熊貓仔 PandamaMason

常見問題:
問:有甚麼物品需要自備嗎?
答:需自備拖鞋、毛巾、牙膏牙刷。

問:其他注意事項?
答:每日活動時間表不同,活動分收費和免費,建議計劃好玩甚麼活動才買遊戲券。

你會帶仔女去嗎?

更多精選內容