【親子好去處】佐敦一日遊 帶你食盡特色美食

【親子好去處】佐敦一日遊 帶你食盡特色美食

要香港一日遊其實有很多特色地方選擇,今次就選擇到佐敦。約了Erie去佐敦左逛右逛,吃喝玩樂一個下午,現在就同大家介紹到佐敦的行程,第一站當然要去我最愛,最貼地又有童年味道的波記咖啡。

撰文、圖片來源:大仁生活 |編輯:Sunday Kiss

佐敦一日遊

第一站:波記咖啡

我們先到達波記,我打給Erie,原來還在巴士的她說:「我坐錯巴士,早知坐260X啦,你哋食住先,唔好等我!」

佐敦

我當然不客氣,先點一碟牛肉腸粉…現場即叫即拉,現在已經不是太多地方吃得到,而且價錢也只是$20-$23。

佐敦

Peter師傅以純熟功夫,在大大蒸爐前,四兩撥千斤的接出又滑又晶瑩的腸粉皮,再放到另一邊加入牛肉,捲兩捲便已經完成一碟令人口水流的即拉牛腸!

佐敦

又滑又腍的牛腸絶對超值!

佐敦

佐敦

說時遲那時快,Erie他們終於到逹,而我剛剛為大家點的大包、燒賣、馬拉糕、蝦腸亦到場。

佐敦

Erie:「嘩!呢個大包真係犀利,足足有我個臉咁大,入面又有肉餅,又叉燒,又咸黃, 單單食個包都好好味,因為啲料嘅味入晒個包!」

佐敦

我:「呢度嘅燒賣都好食過出面多多聲,因為好有童年實實在在嘅肉味, 唔似出面粉多個乜…食完真係好滿足!」

佐敦

阿太問店員:「隔離枱阿哥食嘅魚飯有冇得叫㗎?」店員:「有呀!梅菜蒸鯇魚 $40」

佐敦

等了大約15分鐘,用一個傳統鋁飯盒盛著香噴噴的鯇魚腩登場,店員:「嘩!你都幾有品味喎,識食魚飯。」

佐敦

阿太:「正呀!又滑又香,不過唔記叫佢少飯…Erie你食唔食個咸蛋,我想攞嚟送飯。」(結果阿太真係KO晒整個魚飯)

佐敦

當我們嘆完點心,便向第二站出發。SY:「我們去邊?」,Erie:「頭先我們無食甜品,依家去食啦!」

佐敦

第二站:方太糕品舖

阿太:「係邊度嚟?」 我:「好近,行兩個街口上海街搵方太。」阿太:「以前電視教煮餸嘅方太?」

佐敦

方太以家庭式賣芝麻糕、芝麻卷、砵仔糕、紅豆糕 。十年前在佐敦道開店,之後休業,去年才在現址重開。

佐敦

時為下午2時左右,長長的人龍由我們對面過馬路,直至我們購買完成,人數也沒有減過,真的是人氣勁旺!

佐敦

我問:「芝麻卷無得賣?」 店員:「要5點後先有…」今日對菲林無緣了…還想試一試$26巨型菲林。

佐敦

15元3件,我們分別買了龍眼紅棗糕、馬蹄糕、馬豆糕、綠茶糕、綠豆糕、還有白糖糕…

佐敦

現在不酸的白糖糕已經很難找到…方太的簡直正宗又好食!

佐敦

Erie:「但我件馬豆糕得幾粒馬豆嘅?」阿太插咀:「我件馬蹄糕好多馬蹄喎!」

佐敦

我除了推介白糖糕,SY吃的龍眼紅棗一樣味道夠,好食又足料…可能Erie不夠好運,揀了切得不過好的馬豆糕吧!

佐敦

第三站:李圓圓

吃完糕,Erie:「我知道有間新開珍珠奶茶,不如去試下。」 我:「才街都係珍珠奶茶,有咩咁特別?我唔飲大陸嘢㗎!」

佐敦

Erie:「呢間係台灣淡水人氣店,啲黑糖珍珠係用明火煮夠2粒鐘,而且佢有一個10分鐘限定KO奶昔。」

佐敦

我:「吓?咩嚟?」店員話:「10分鐘之內要飲晒…(飲唔晒會點?)建議最好,我就自己覺得之後會變得淡同無咁好飲。」

佐敦

一杯上凍下暖的奶昔,究竟我可不可以十分鐘之內KO它呢?當我一飲…我:「嘩!冰凍呀!」SY:「爸爸,你都未攪勻!」

佐敦

之後兩父子接力…但大大杯又多珍珠,加上我們之前又影相…看看貼在杯上的落單時間,與現在時間已經有20分鐘…失敗!

佐敦

我:「係咪心理作用呢?過咗時真係淡咗咁多呢?」

佐敦

挑戰不成功,我很失落…Erie:「唔好唔開心,我帶你去食法包…」我:「但我飲咗好多珍珠,好似飽飽地,法包好鬼大條㗎喎!」

佐敦

第四站:馬丁王越式法包

Erie:「唔怕!佢呢間有半條之外,仲有迷你版法包$32,我哋5個人Share囉!」(咁又唔同)

佐敦

法包翻熱烘得脆岳岳,一翻開麵包… Raymond:「嘩!咁多蘿蔔絲嘅?」阿太:「下面我見到有扎肉、豬腩肉、青瓜我鍾意…」

佐敦

本來我想請店員幫我切一半, 誰知店員答:「迷你我哋唔切㗎!」於是我就用手撕,我:「啲蘿蔔絲醃得好酸喎,不過佢寫有肝醬…鵝肝醬?係咪Erie妳嗰半邊,我呢邊就無!」

佐敦

Erie:「Raymond你話飽,呢家最啱你,有咁多精胃醃蘿蔔偏酸。」Raymond:「咁酸…我飽仲要我食?」我:「嗱…我哋食晒我呢一半啦…我走先啦…拜拜。」 這樣就過了一個又開心又飽的周末下午。

佐敦

佐敦一日遊行程

1. 波記咖啡

營業: 06:00 – 15:00(星期日休息)

地址: 油麻地新填地街35-39號新填地街熟食小販市場地下1-2號檔

電話: 23324285

 

2. 方太糕品舖

地址: 佐敦上海街196號地下

電話: 98216598 (15蚊3件任揀)

 

3. 李圓圓

地址:佐敦庇利金街38號地下

電話: 64369999

 

4. 馬丁王越式法包

地址 : 佐敦德興街1號B4地舖

電話: 26583800

大仁生活facebook

更多精選內容