夏日親子水上遊 夜釣墨魚好玩又刺激 4小時任釣任食
撰文：大仁生活｜編輯：CH
SY與阿太都怕暈船浪, 所以預先吃了藥, 因為有團友遲到, 所以延遲了開船, SY:「嘩! 原來咁多人一齊去釣墨魚喎。」(四十多人喎)
19:30左右的維港景色也很不錯, 我們在吃到會前先到船頂欣賞一下美麗的夜景吧!
我問子子:「你知唔知我哋去邊度釣墨魚呢? 」子:「黃金海岸。」子子媽:「唔係呀!係去將軍澳海域一帶夜釣墨魚。」
20:00 船家叫道:「你哋可以入去攞㗎撐釣墨魚喇！」 我問船家:「釣墨魚有冇秘訣㗎?」
船家:「釣墨魚無秘訣喎, 都係Chok吓Chok吓, 你將個魚勾放到一半, Chok上嚟又Chok落去, Chok上嚟又Chok落去, Chok吓Chok吓就有㗎啦。」
子子, SY帶著好興奮的心情放下魚勾想釣墨魚, 但還未開始, 阿太已經非常暈，說:「我頂唔順啦, 我要坐低休息一下。」(吓!? 乜你咁水皮)
時間一分一秒的過, 每隔5-10分鐘便會聽到周圍的團友大叫:「釣到墨魚啦！」「終於成功釣墨魚啦」「Yeah! 好嘢！」, 不過, 我們5人(其實得3個, 因為我要拍攝, 另一人在休息)全沒有動靜。
大約45分鐘後, 我問子:「釣墨魚好唔好玩呀?」子:「都唔好玩…我唔想釣啦。」
釣墨魚秘技：魚勾照燈
SY:「爸爸! 我想換去另一邊釣墨魚, 都釣唔到嘅。」 而我就嘗試問一問同船的團友:「其實係點樣釣墨魚呢?」
團友:「你要放深D, 放之前記得要照一照個勾, 咁佢先會夠螢光, 之後你就Chok吓Chok吓, ChokChok吓, 感覺得佢Chok返轉頭, 就釣到㗎啦。」
原來釣墨魚有秘技的！要將個勾照燈，難怪我們第一個小時吃了白果。
運用了秘技釣墨魚, 一小時17分鐘後, 子子媽就釣到她第一條墨魚, 子子媽:「我十年前又係釣唔到, E家終於釣到啦！」
船家:「嘩! 十年你先釣一次，咁我就真係死喇。」(船家心聲真係夠晒坦白，我鍾意)
又過了半小時，今次都SY大叫:「爸爸! 我成功釣墨魚喇！」
我:「嘩! Yeah! 好嘢喎, 你咁勁嘅, 仲好肥大添喎。」好運接二連三, 子子媽又釣到她的第二隻墨魚啦, SY之後又大叫:「我又釣到啦, 點解…係個勾嚟嘅?」
在旁邊另一位小朋友答:「因為你釣到我個勾囉!」我:「哈哈! 原來你唔係釣墨魚, 你釣到隔離小朋友個勾, 哈哈。」
釣墨魚後續 即釣即食超新鮮
與此同時, 船家們很努力的在整理我們的成果。我問:「你哋係度劏咩呀?」船家:「墨魚個膽呀!」
我:「哦! 個膽係唔可以食㗎?」船家:「可以食, 墨汁意粉咁都可以食, 但食完你棚牙會黑色啫, 其實係好食嘅!」
轉眼間2個小時的釣墨魚時間又到, 船家已經煮好墨魚給我們吃。至於好吃與否, 則見仁見智, 但因為我們親自釣上來的, 所以自我評分都會加了一點點的呀!
船家說:「其實, 最早端午節就已經可以釣到墨魚呀! 出年你哋可以早D嚟玩。」一邊釣墨魚, 一邊吹吹海風, 是很不錯的夏日活動, 聞說每年 6 月至 9 月都有墨魚出沒的, 大家要把握這段時間釣墨魚!
