【親子好去處】大型戶外運動競技場進駐樂富

【親子好去處】大型戶外運動競技場進駐樂富

小朋友一向都活潑好動,相信唔少家長都想佢哋多做運動,健康之餘仲可以享受下當中嘅快樂。依家就有一個大型戶外運動競技場進駐樂富,場地內除咗設有6大挑戰區畀小朋友玩之外,仲有得即場玩4個本地新興運動,真係啱晒畀小朋友盡情放電!

撰文:Kammy|攝影:Morris

大型戶外運動競技場進駐樂富

大型戶外運動競技場「Oh!林匹克運動會」,將於3月24日至4月22日登陸領展樂富廣場,整個競技場以具特色之貨櫃為主,每個貨櫃中都有唔同嘅挑戰項目,每項挑戰均限時一分鐘,畀家長同小朋友一齊大顯身手,挑戰自己嘅體能!

6大挑戰區

1.投籃王
難度:★★★☆☆

籃球呢項運動好多人都鐘意玩,而呢個「投籃王」遊戲就需要根據地面1-6嘅地面開始順序射籃,成功入球後先可以移到下一數字位置,要喺限時一分鐘內爭取最高分數!而活動中亦會喺螢光幕上顯示分數同剩餘時間,會根據射中總球數得分。

運動

其實要一分鐘內入球都唔易,大多數參實者都只係去到「3」、「4」(1最易,6最難)嘅位,真係好有難度!

小Model試玩當日,喺短短一分數內就已經玩到出晒汗!

不過各位家長留意啦,因為未必個個小朋友都有足夠嘅力去投射藍球,所以小朋友玩呢個遊戲嘅時候就盡力以為,小心整到啦!

2.繩網陣

難度:★★☆☆☆

玩呢個繩網陣最考參加者嘅身手,因為需要喺縱橫交錯嘅繩網陣內穿越,期間唔可以掂到任何繩。不過,如果參加者觸碰繩,就會即時發出聲響及閃燈,觸碰第3次就會終止遊戲㗎啦,大家記得小心啲啦!

繩網陣內唔同位置代表唔同分數,而最高可以得300分。
如果參加者觸碰繩,就會即時發出聲響及閃燈,觸碰第3次就會終止遊戲㗎啦

不過留意啦,每條路線每次最多1人玩。小Model試玩嘅時候一直都好小心,最終都可以喺限時內完成,所以對於小朋友嚟講都唔太難!

3.摩打手拍拍機

難度:★★☆☆☆

呢個拍拍機最考參加者嘅雙手速度,大家要喺限時內不斷極速拍下按鈕,拍得逾多就分數逾高。不過要注意啦,因為每拍2下先得1分,真係要出盡力拍!

呢個拍拍機每次最多4人玩,啱晒一家大細一齊玩!

 

小Model玩完之後即刻話拍到好攰!

4.極速跑步機

難度:★★☆☆☆

跑步呢項運動人人都啱做,而呢部跑步機就係要利用雙腳,以深蹲姿勢快速左右踏步,限時內踏出逾多步就分數逾高。但呢個跑步機同拍拍機一樣,就係每2步得1分。難度就唔高啦,但真係好考大家嘅毅力同體力!

 

5. My Body訓練站

難度:★★★★★

呢個My Body 訓練站,顧名思意就係要用盡全身嘅力去玩,大家要喺限時1分鐘內,要同手或腳去按下隨機亮著嘅圓點,真係大考反應力!而場地內有四個區域,可以一家人比賽鬥高分!另外,場內仲有個大螢光幕會顯示分數及剩餘時間,唔洗怕唔知自己攞幾多分啦!

 

6.單車賽

難度:★★★☆☆

呢部單車機考險體能及毅力,參加者需喺限時一分鐘內快速踏單車,每前進2米得1分。不過留意啦,由於單車機嘅座位設定冇得調較,所以適合較大嘅小朋友或大人玩。

小朋友玩明顯比較吃力

 

大人玩就啱晒啦
螢光幕上仲會顯示自己踩咗幾多米

手帶入分換獎品

其實每玩完一個遊戲都有得入返分落自己條手帶度㗎,累積到一定分數仲可以換獎品添!依加就教大家點樣攞到手帶啦!

三款運動手帶之換領方法

A款:只需20港元作按金,即可免費換領,即日參與「 Oh!林匹克運動會」指定挑戰乙次。(手帶需即日歸還,按金將於歸還手帶時退回)

B款:於場內消費滿200港元*,即可免費換領,即日參與「 Oh!林匹克運動會」各項挑戰乙次。成功挑戰更可獲得禮品乙份。

C款:於場內消費滿1,000港元*,即可免費換領,即日無限次參與「 Oh!林匹克運動會」各項挑戰。成功挑戰更可獲得商場小禮物乙份。

*顧客於商場電子消費,並出示該商場之不同商戶三天內發出之機印發票正本最多 4 張,每次最多可換領4條手帶。

活動期間有唔同嘅獎品換領,而大獎就係小朋友最鐘意嘅大毛公仔!

4大新興運動體驗

活動期間更有4個本地新興運動,包括地壺球、旱地冰球、旋風球及合球,現場更有專人親身落場示範,以及即場教授運動技巧!

1. 合球

活動期間設有合球基本技巧訓練遊戲及展覽,亦提供技術訓練,由專業導師現場指導。

活動日期:2019年4月18日至4月22日

2. 地壺球

活動期間將有「桌壺球」及「地壺球」體驗,並會展出「地壺球」所需的裝備。另外亦提供試玩及技術訓練,由專業導師現場指導。

活動日期:2019年3月23日至26日

3. 旱地冰球

活動期間設有歷史及用具講解工作坊,介紹服裝、球員用具及守門員用具。同時更會提供鑽、金、銀、銅章教學體驗及考核體驗,而旱地冰球學堂學生亦會作現場示範。

活動日期:2019年3月28日至4月2日

4. 旋風球

活動期間設有「旋風球」九宮格、射龍門及接球活動供現場朋友體驗。另外亦提供技巧訓練及簡單的比賽活動!

活動日期:2019年4月4日至4月16日

Oh!林匹克運動會 活動詳情

6大挑戰區

活動日期:2019年3月24日至4月22日

活動時間:下午2時至8時 (星期一至五)

中午12時至下午8時 (星期六、日、19/4及22/4)

地點:領展樂富廣場A區美食坊

4大新興運動體驗

活動日期:2019年3月23日至4月22日(逢星期三休息)

活動時間:下午2時至6時 (星期一至五)

上午10時至下午6時 (星期六及日)

地點:領展樂富廣場B區中庭及露天廣場

三款運動手帶之換領方法

A款:只需20港元作按金,即可免費換領,即日參與「 Oh!林匹克運動會」指定挑戰乙次。(手帶需即日歸還,按金將於歸還手帶時退回)

B款:於場內消費滿200港元*,即可免費換領,即日參與「 Oh!林匹克運動會」各項挑戰乙次。成功挑戰更可獲得禮品乙份。

C款:於場內消費滿1,000港元*,即可免費換領,即日無限次參與「 Oh!林匹克運動會」各項挑戰。成功挑戰更可獲得商場小禮物乙份。

*顧客於商場電子消費,並出示該商場之不同商戶三天內發出之機印發票正本最多 4 張,每次最多可換領4條手帶。

更多精選內容