愉景灣歷奇王國EpicLand 萬四呎室內遊戲場  超高滑梯/飛索/彈床/五層高玩樂區

愉景灣歷奇王國EpicLand 萬四呎室內遊戲場 超高滑梯/飛索/彈床/五層高玩樂區

EpicLand歷奇王國|叫得歷奇王國,咁入面嘅活動當然都會刺激架啦!今次嶠媽一家同埋兩姐弟契爺契媽,一行六人去左位於愉景灣北商場地下嘅 EpicLand 歷奇王國玩場內設有「彩虹滑梯」及Air Trek空中漫步五層高的玩樂區、攀爬區、飛索Zipline、Leap of Faith以及彈床區,務求要大人細路都放爆電!大家去愉景灣可以係中環搭船,係碼頭再轉巴士 T4 / T9,總站落就係北商場,其實夾埋搭船唔洗一個鐘就到達!

撰文、圖片來源:芊嶠與細佬·雞蛋仔|編輯:TLY

歷奇王國 EpicLand 14,000呎室內遊戲場

大家去到要先填 Waiver Form,但進入智能手機時代,大家亦可以係 App Store download「EpicLand」,直接禁 Waiver Form,再填寫所需資料,之後就會收到確認電郵,再展示比職員睇。之後必做,除鞋放鞋櫃!因為全個歷奇王國範圍都只可以著住襪來行走。

彩虹滑梯

首先嶠媽一家玩彩虹滑梯,但小朋友要注意,安全理由,未夠一米高係禁止參與!唔好睇佢好高,如果你條褲質地唔夠滑,其實滑落黎都會好慢!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

黑洞滑梯

挑戰完彩虹滑梯,夠膽量就可挑戰黑洞滑梯,嶠媽我真係唔敢玩!但嶠爸同契爺玩左一次,玩到手都擦損左!我真係聽到聲都驚!都係要注意,黑洞滑梯要1.2米高先可以參與架!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

小型攀石場

小朋友體驗小型攀石場前,都會穿好保護裝置。

嘩!芊嶠著哂裝備做咩呢?原來係要挑戰哩個小型攀石場,芊嶠真係好大膽,媽媽都覺得好驕傲!叻女!(圖片來源:芊嶠與細佬·雞蛋仔)
嘩!芊嶠著哂裝備做咩呢?原來係要挑戰哩個小型攀石場,芊嶠真係好大膽,媽媽都覺得好驕傲!叻女!(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

小型高球場

場中間,仲有個小型高球場,好多格,有難度高,都有難度低,契爺契媽好用心咁教芊嶠玩,芊嶠玩到唔捨得放手添!(圖片來源:芊嶠與細佬·雞蛋仔)
場中間,仲有個小型高球場,好多格,有難度高,都有難度低,契爺契媽好用心咁教芊嶠玩,芊嶠玩到唔捨得放手添!(圖片來源:芊嶠與細佬·雞蛋仔)

兒童玩樂區

另外,唔少得嘅兒童玩樂區,啱哂劻霖哩啲未夠一歲嘅小朋友玩!有兩款滑梯,有機械狗車車,仲有迷你搖搖板,芊嶠同細佬真係好鐘意玩搖搖板,睇佢地玩得好開心!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

大型迷宮

Air Trek 空中漫步

Air Trek 空中漫步,真心佩服芊嶠契爺契媽嘅勇氣,敢上去玩已經好叻!你又有冇咁嘅勇氣呢?注意,小朋友要夠1.3米高先可以參與,沒有例外!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

大人版攀石場

嶠爸同契爺都出盡力去攀,佢地都話好辛苦好累,我心諗:應該係年紀問題!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

其也設施

餐廳

玩得累可以去餐廳醫下肚先,有各款包類食品、漢堡、熱狗、三文治。仲要有 baby highchair 提供,好貼心!另外,唔少得咖啡類飲品,同埋其他飲品和水供購買。

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

另一貼心設備,就係有大人小朋友拖鞋提供,等你去廁所都唔怕會整濕對襪仔!小朋友個款仲要係阿Brown,芊嶠真係勁鐘意著,想著埋走添!

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

最後,我地玩左差唔多四個鐘,就決定走啦!比啲貼士大家,出返北商場,惠康附近有部八達通機,拎八達通卡去拍一拍,回程坐 T4 / T9 巴士出返愉景灣碼頭,個程巴士就會免費,所以玩完記住要去拍一拍先上巴士。

(圖片來源:芊嶠與細佬·雞蛋仔)
(圖片來源:芊嶠與細佬·雞蛋仔)

另外,去到愉景灣碼頭附近,係 D’Deck 嘅指定餐廳食野,一人食滿 $120,最多5個人,可以去免費郵輪服務台,拎埋你嘅八達通,咁就可以免左回程嘅船錢!即是我地5位,食左$614,每人夠$120,去申請,咁就可以免費搭一程,計埋剛剛巴士拍左卡免費,我地回程車錢都慳左$44.4啦!5個人慳左$272,好抵!想玩得開心啲,跟住我地咁做啦!

=======================

歷奇王國 EpicLand

地址:愉景灣北商場地下
開放時間:09:30 – 19:30 (星期一至日)
電話:2441 0098
入場費::$188 (1-8歲,已包一成人);$188 (19-12歲以下,不包成人);13歲或以上:$188

Facebook:https://www.facebook.com/epiclandhk/

Website:http://www.Epiclandhk.com/

(照片攝於疫情前)

你會帶仔女去嗎?

更多精選內容