【親子好去處】長洲露營體驗祭  野炊+歷奇工作坊

【親子好去處】長洲露營體驗祭 野炊+歷奇工作坊

露營在我心目中就是「污糟蹋塌」, 與蛇蟲鼠蟻共眠,不洗澡不洗臉,如同走難一樣吧!不過,這次去的「真‧露營體驗祭」卻給我一個不一樣的體驗,有野炊、工作坊等,其實露營都可以好好玩!

撰文:大仁生活 |編輯:Sunday Kiss

長洲露營體驗祭

Camperism負責人David:「依家露營不論硬件,環境,設施,已經唔同晒,我哋就係想改變大家對露營嘅睇法,所以就攪咗呢個活動」

露營
今次,我們就是跟 Camperism+宇宙火食去長洲西園參觀「BE A CAMPER! 春分露營體驗祭」的預覽活動,SY最高興:「梗係啦,我可以同子子玩…爸爸…快D去啦!!」
露營

西園就是在長洲的張保仔洞附近,我們可以在碼頭前一點的位置乘$10「街渡」,大約8分鐘便到逹。

露營

魚子媽:「行都得㗎,20分鐘左右…黃昏5點後就無街渡,我成日都係咁行㗎」

露營

如果乘街渡,落船後沿贊端路走,不用3分鐘,便已經到逹西園的大門口,距離十分近。

露營

露營

一走入西園,我已經目瞪口呆,我心目中的營地就如正長洲正灘的小小長長沙灘…

露營

原來西園的營地大得如同一個大山頭,SY:「嘩! 爸爸,我哋係咪可以揸車(平衡車)?」

露營

我:「係喎…好似仲有得放船仔,玩吹氣泡泡足球」; 魚子媽:「每樣活動都係另外收費㗎….」SY:「咁我去搵子子玩就得Lu」

露營

魚子媽是露營逹人,她自備了兩個示範單位,給我們觀看…我:「嘩! 乜依家D帳篷咁靚嘅? 係我心目中,露營係迫迫狹狹,仲要瞓睡袋喎」

露營

Erie與Raymond 走進的淺黃色帳篷很小清新感覺,原來兩邊就是睡房,中間就是客廳…

露營

小情侶自得其樂,而我心諗:「洗唔洗靚得咁緊要呀?」

露營

之後另一個大大三角白色帳篷傳來子子的聲音:「SY…快D入嚟玩啦」

露營

其實,這個似真的示範單位,多於一個帳篷喎,我房間面積可能同這個帳篷面積也是差不多….我:「係咪傻㗎? 有床,有梳化,有茶几」

露營

Erie:「唔知一個帳篷要幾多錢呢? 真係好靚呀」; 我:「車! 淘寶大把啦,好平嘅啫…我諗」Raymond不停找淘寶:「無喎…淘寶都無咁靚㗎喎,幾千蚊貨色都係老老套套款…」; 物主魚子媽:「咩淘寶呀? 我專登外國訂返嚟㗎….2萬蚊㗎」(吓? 2萬蚊? 嘩? 我有2萬蚊,我會買Bearbrick同超合金好過)

露營

今日,我們有幸得到宇宙火食Andy為我們來一個火焰阿拉斯加三文魚,野炊的製作,果然連食物味道也變得非常美味.

露營

Andy:「今次我哋用原始做法,將魚連皮固定係木板上,灑鹽用柴火慢慢燻熟,食嗰時再點一D乳酪沾醬,已經好好」魚又香,又夠滑,更加多汁…原來三文魚可以如此好味道.

露營

同時還有天然酵母做出來的酸麵包,Andy特別造出三款不同醬汁….我愛蕃茄粒粒的甜及清新.

露營

Erie:「點呢個手撕雞仲正呀! (係呀! ) 」

露營

Chocolate Brownie 在進食前,更加即場以火槍將表層的棉花糖燒一燒…一邊切,大小朋友一邊已經口水不其然忍不住想流出來.

露營

今日發現, 原來在郊外BBQ,和真野炊,感覺,味道簡直兩個層次,忽然愈食愈有幸福感覺.

露營

吃飽飽我們今日還有真非洲導師教授非洲鼓.

露營

還有環保工作坊,本來是製作掛飾,但不知為何兩位小朋友最終會造出兩把木槍出來….

露營

SY:「我覺得做把槍仲靚」

露營

每日西園有指定時間會放羊出來自由活動….原來,羊真的是「咩咩叫」喎 (SY: 梗係啦…唔係Pokemon點會叫佢咩利羊喎…)

露營

之後,我們還去參觀不同的營地,原來這裡有不同區域,就有不同的主題營區…

露營

魚子媽:「呢兩個觀星營就係全個西園最靚景觀嘅營啦,夜晚睇星一流,而且仲有USB,冷暖氣,獨立廁所…」

露營

有朋友還大叫:「仲有埋風筒提供添㗎」; 我:「咁要幾多錢一晚?」

露營

魚子媽:「平日可能平D,平均大約$1900 至$3000一晚」(嘩!! 原來露營真的不是普通人玩意)

露營

還有印第安風的營地…不過,因為有人入住,所以不能入內拍攝.

露營

當日,還有朋友在紮染帳篷,大家很努力的紮紮縛縛,我:「係米好難㗎?」

露營

正在努力的朋友答:「隨心,求其就得,因為我哋想得出一個自然嘅效果」
露營

(其實,無端端點解要紮染呢?) 朋友答:「因為之前白色帳號用舊咗,所以就想整返靚佢又可以繼續用囉」

露營

紮好的帳篷,要放在一大桶染料內,不停攪動一小時,之後就可以放乾…

露營

SY很樂意的幫忙攪動帳篷,而結果出來的黃色帳篷也非常之有民族風喎.

露營

我們臨走前發現,原來現在露營竟然是有更衣室的,阿太:「你䏲,有獨立沖涼,有熱水,最好係有個架,可以攞衫」

露營

我:「乜依家露營真係好似宿營咁方便,我仲以為幾日幾夜醃鹹魚添」

露營

露營

而在我背面的Erie 正在忙於照鏡,我說:「嘩! 沖完涼仲有咁大塊鏡,真係方便晒你哋D女士們啦」

露營

離開西園前,我同David說:「今日我睇到嘅露營,同我想像中真係好唔同,原來咁先進,難怪你哋咁鍾意露營啦…話時話,你覺得露營最重要係咩呢?」

露營

David一邊用自製火箭爐煲水一邊說: 「露營最重要就係同朋友,同屋企人一齊分享先係最重要」(啱! 分享真係最重要)

露營

露營

「BE A CAMPER! 春分露營體驗祭」

日期:2019 年 3 月 23 日至 24 日(星期六及日)

時間:上午 10 時至下午 6 時

地址:長洲西灣,西園 – 特色露營歷奇樂園

FB :https://www.facebook.com/camperism/

1) 日營門票(1-day Pass)

成人 HKD$150

小童^ HKD$75

2) 日營門票(2-day Pass)

成人 HKD$250

小童^ HKD$125

3) 露營門票(2D1N)

成人 HKD$350

小童^ HKD$175

帳篷自備, (3米X3米) , 或留意「Camperism專頁」稍後有詳細說明帳篷租借服務

更多精選內容