烏蛟騰紅葉路線|30分鐘親子行山睇芒草路程

烏蛟騰紅葉路線|30分鐘親子行山睇芒草路程

親子好去處

大埔烏蛟騰去荔枝窩 ,路面平坦易行,上落不多,中途有很多自然環境生態,包括芒草、紅葉、紅樹林、火成岩等,有流水小溪,是一條好適合小朋友行山的路線,路程雖長但易走,小朋友行山不會覺得辛苦,是個遠離城市郊遊的好去處!最適合秋天同小朋友去行山!

大埔烏蛟騰去荔枝窩路線

全長 1.2 公里
需時 2.5小時
交通 20R小巴(大埔墟站至烏蛟騰下車)假期或有加班車接載行山人士
難度 ★★☆☆
長度 ★☆☆☆
時間 ★☆☆☆
坡度 ★☆☆☆
路面狀況 ★☆☆☆

真心推介 適合小朋友的行山路線

總括而言, 烏蛟騰 去 荔枝窩是一條值得帶小朋友去的行山路線,Blogger媽媽表示真心推介。

備註:

    1. 每逢星期日下午3:30 在荔枝窩有船去馬料水,只得一班,過了時間就無,這點好重要。
    2. 由 烏蛟騰 去 荔枝窩 要用2小時30分路程,小朋友都有耐力才可行得到,不過平路但易走,放心。
    3. 在三亞村有士多補給

親子行山 大埔墟站轉車往烏蛟騰

Blogger媽媽搭東鐵去到大埔墟站,再坐小巴20R去 烏蛟騰 。因為那天是星期日,太多行山人士等這小巴,班次又不算多,等了超過45分鐘,所以建議如果小巴多人,去烏蛟騰直接乘搭的士好了,免得浪費時間。到達 烏蛟騰 ,要向右邊方向的九担租開始行,才會見到自然環境生態及靚景,如果行左邊直接去荔枝窩,只有好斜的山路樹境,境色天淵之別。記得對著路牌向右行向九担租方向行。

大埔烏蛟騰|沿途紅葉竹樹

沿途會見到唔少紅葉,大埔烏蛟騰的紅葉今年已經開始變紅,快啲同小朋友去影相啦!一開始行冇幾耐就可以見到紅葉。

烏蛟騰
(圖片來源:鯨魚‧蝦子媽咪親子)
烏蛟騰
(圖片來源:鯨魚‧蝦子媽咪親子)

大埔烏蛟騰|全平路舒服行山

Blogger媽媽表示沿途都是山路不是石屎路。因為平路為多,所以小朋友都可以行得好舒服好快。會見到一些木柱或石柱建築,好靚好得意好特別,一般行山徑好少見到。

烏蛟騰去荔枝窩-親子行山好去處
沿途平路多,小朋友都行到!(圖片來源:TC媽咪)

大埔烏蛟騰|小溪流水 景色優美

其實沿途見到好多景色都好美麗,有小溪流水,有火成岩。可以跟指示路牌向三椏村去。

烏蛟騰
(圖片來源:鯨魚‧蝦子媽咪親子)

大埔烏蛟騰|大片芒草園

除了紅葉和岩石以外,在去 烏蛟騰的過程中還會看到不少芒草,啱哂秋天同小朋友去打卡。

烏蛟騰
(圖片來源:鯨魚‧蝦子媽咪親子)

大埔烏蛟騰|層層火成岩

烏蛟騰路線會見到好多火成岩。火成岩指的是從地表溢出的熔岩冷卻形成岩石,但溢出年代不同,形成岩石的年代也就不同,不同層的岩石,就是在不同年代形成。又因為形成時間不同,受風化的時間及程度也都不同,所以有一層一層的外貌。

見到一些火成岩或小溪,都是行山人士影相的熱點。

烏蛟騰去荔枝窩-親子行山好去處
火成岩的路(圖片來源:TC媽咪)
烏蛟騰去荔枝窩-親子行山好去處
火成岩的路(圖片來源:TC媽咪)

用一嚿嚿大石搭出來的山路好得意。

大埔烏蛟騰|小橋配竹葉

烏蛟騰路線有好多彎起來的竹樹造成樹陰,好得意好靚。路上更有一條特色小橋配上竹葉,係度打卡超靚!一路上都有唔少呢類竹樹,大家可以一齊搵吓。

烏蛟騰去荔枝窩-親子行山好去處
在路上,一條特色小橋配上竹葉,都覺得都好靚。(圖片來源:TC媽咪)

也經過一些植物的根從地面出來的植物。

大埔烏蛟騰|粉紅色的石

烏蛟騰會見到很多粉紅色的石,粉紅色的石之所以變紅,是因為岩石內的鐵氧化。好特別好靚。

烏蛟騰去荔枝窩-親子行山好去處
粉紅色的石(圖片來源:TC媽咪)
烏蛟騰去荔枝窩-親子行山好去處
岩石內的鐵氧化(圖片來源:TC媽咪)

大埔烏蛟騰|紅樹林打卡

經過一條小溪,又有紅樹林,超級靚!這個打卡點超靚,可以俾小朋友認識吓唔同嘅生態環境。

烏蛟騰去荔枝窩-親子行山好去處
紅樹林(圖片來源:TC媽咪)
烏蛟騰去荔枝窩-親子行山好去處
經過一條小溪,又有紅樹林,超級靚!(圖片來源:TC媽咪)

又是粉紅色的大石。

烏蛟騰去荔枝窩-親子行山好去處
又是粉紅色的大石!(圖片來源:TC媽咪)

每次經過小溪都有這些石柱搭出來,和其他行山徑相比很特別。

烏蛟騰去荔枝窩-親子行山好去處
石柱搭出來的小橋(圖片來源:TC媽咪)
烏蛟騰去荔枝窩-親子行山好去處
再走進森林(圖片來源:TC媽咪)

大埔烏蛟騰|較高難度的短斜路

走出紅樹林後,這段路有點斜,小朋友要小心,不過只是很短的路程,而且又有紅色石頭。

烏蛟騰去荔枝窩-親子行山好去處
較高難度的短斜路(圖片來源:TC媽咪)
烏蛟騰去荔枝窩-親子行山好去處
烏蛟騰(圖片來源:TC媽咪)

大埔烏蛟騰|三亞村士多

去到三亞村,因為士多客人眾多,Blogger媽媽沒有停下來食東西。直去 荔枝窩 ,幸好有帶行山必備小食 — 燒賣。

大埔烏蛟騰|荔枝窩古色古香

終於到達 荔枝窩 。在 荔枝窩 景點影返張靚相,全程約用2小時30分。

大埔烏蛟騰|留意回程周日下午3:30有船

每逢星期日下午3:30有船,得一班 !可惜Blogger媽媽錯過了幾分鐘,如果帶着小朋友一定要趕到三點半前搭這班船返去馬料水,否則就要用另一方法返回烏蛟騰 。

當然可以行回頭路返回 烏蛟騰 ,但是聽村民說有另一邊山路會快一點,所以嘗試從另一邊返回,不過因為這邊山路好斜,上山行得好辛苦!幸好小朋友行山技巧不錯及有耐性,如果要返回 烏蛟騰 ,最好行回頭路好了。

沿途就是這些山路。這條路就是如果排起點開始向左行的路線。

常見問題

烏蛟騰去荔枝窩路線難行嗎?

由 烏蛟騰 去 荔枝窩 要用2小時30分路程,小朋友都有耐力才可行得到,不過平路但易走。

行山沿途可以欣賞到甚麼風景?

包括芒草、竹葉、紅樹林、火成岩等。

資料來源:TC媽咪、鯨魚‧蝦子媽咪親子log圖片來源:TC媽咪、鯨魚‧蝦子媽咪親子log

你會帶仔女去嗎?

更多精選內容