觀塘康寧道公園|螺旋型長滑梯+親子鞦韆架+巨蛋型攀爬架 觀塘全新日本沖繩公園

觀塘康寧道公園|螺旋型長滑梯+親子鞦韆架+巨蛋型攀爬架 觀塘全新日本沖繩公園

親子好去處

觀塘康寧道公園|日本嘅公園一向都好有特色,最近香港都有好似日本沖繩咁嘅公園啦!觀塘康寧道全新嘅公園,有巨蛋型攀爬架,十足十日本沖繩公園。假日同小朋友出去玩,不妨帶佢哋去盡情放電啦!

圖文授權:Alfred 成長日記|編輯:Billie

觀塘康寧道公園|巨蛋型攀爬架 日本沖繩公園

又有新公園啦!最近Blogger媽媽去咗觀塘康寧道公園一期的新公園,如果要嚟到呢個公園,首先要先搭升降機,或者行樓梯去到頂層平台位置,然後會見到一條長長的天橋。公園面積唔算好大,但罕有巨蛋型攀爬架就非常吸眼球!好似去咗日本沖繩公園feel咁!佢係由一個球體為主軸,周邊環繞著攀爬網、溜滑梯同障礙道等設施,比較屬於手腳並用、上下跑跳類型嘅遊具設施,Blogger媽媽認為比較適合年齡較大嘅小朋友嚟玩。

觀塘康寧道公園
(圖片來源:Alfred 成長日記)
觀塘康寧道公園
(圖片來源:Alfred 成長日記)

觀塘康寧道公園|金屬螺旋型長滑梯

唔只咁公園亦設有唔同嘅滑梯,例如螺旋型、長滑梯、一般滑梯等。當然最刺激一定係位於頂層嘅金屬螺旋型長滑梯啦!小朋友玩到唔捨得走!另外,公園仲有一個氹氹轉、小型彈床同小量健身設施等。同埋,出入口亦增設洗手裝置。呢度雖然唔係好大,但勝在各遊樂設施都有啲。

觀塘康寧道公園
(圖片來源:Alfred 成長日記)
觀塘康寧道公園
(圖片來源:Alfred 成長日記)

觀塘康寧道公園|親子鞦韆架 面對面一齊玩

除咗有巨蛋型攀爬架外,呢度都有個鞦韆架,鞦韆架亦有3款唔同嘅鞦韆比大家玩!而Blogger媽媽最鍾意嘅就係「親子款」,可以親子對望住一齊玩,媽媽同小朋友都玩得好開心!公園仲有一個人造草地還在建設中,相信將來會有個小草地,可以比小朋友跑跑跳跳。由於工程尚未完成,所以請小心看顧小朋友呀。夜晚的樓梯仲有會變色的燈,非常漂亮。

觀塘康寧道公園
(圖片來源:Alfred 成長日記)

觀塘康寧道公園|不算太大設施較新

Blogger媽媽表示雖然康寧道公園不是很大,但勝在設施特別同比較新。不過公園位於觀塘半山區的康寧道,附近配套未算好完善,所以Blogger媽媽第一次去這個公園都用咗了不少時間。而且康寧道公園只係屬於小區公園,媽媽建議如果在附近行緊街的話,可以順便去玩下。另外記住要保護環境,自己垃圾自己帶走,同埋做好防曬或防蚊措施呀!

觀塘康寧道公園
樓梯夜晚會發光。(圖片來源:Alfred 成長日記)

觀塘康寧道公園

地址:茶寮坳康寧道151號頂層平台

其他交通:

  1. 港鐵觀塘站 A1 出口沿協和街步行15-20分鐘便到達康寧道公園第二期入口。
  2. 巴士路線 : 1C, 11X,13D, 13X,15P, 23,23M,26M,28B,95M路線於基督教聯合醫院下車
  3. 由官塘裕民坊小巴站(90B/22A ),於康濤閣有落,再過馬路搭lift 上去頂層平台公園。

常見問題:

問:觀塘康寧道公園地址係邊?
答:茶寮坳康寧道151號頂層平台

問:點樣去觀塘康寧道公園?
答:港鐵觀塘站 A1 出口沿協和街步行15-20分鐘便到達康寧道公園第二期入口。

你會帶仔女去嗎?

更多精選內容