銅鑼灣小巴主題餐廳 | 懷舊食物/免費兒童特色單車 紅Van主題80年代冰室打卡

銅鑼灣小巴主題餐廳 | 懷舊食物/免費兒童特色單車 紅Van主題80年代冰室打卡

銅鑼灣小巴主題餐廳 | 好多小朋友都對交通工具情有獨鐘,見到巴士、小巴就會超級興奮。銅鑼灣有一間用紅Van小巴做主題嘅懷舊冰室,唔只裝修似小巴,個落車鐘仲可以叫到侍應叔叔!除咗食嘢,室外仲有免費嘅四人單車玩,仲唔快啲同小朋友去!

圖文授權:肉丸朗之快樂日常、部分圖片來源:喜喜冰室|編輯:Billie

 

銅鑼灣小巴主題餐廳 | 喜喜冰室 仿舊日香港

香港有唔少主題餐廳,今次Blogger媽媽平平哋帶我哋去一間充滿懷舊物件的冰室。喜喜冰室的裝修充斥著70、80年代氣息,以懷舊冰室作為主題,店內的裝修請來《72間房客》的美術指導幫忙設計。可以見到餐廳裏面有不少陳舊報章、卡式錄音帶,以及復古收音機等。唔只咁,餐廳入面仲有超受小朋友歡迎嘅紅Van小巴同埋免費四人單車!

銅鑼灣小巴主題餐廳
喜喜冰室的裝修充斥著70、80年代氣息。(圖片來源:喜喜冰室)

銅鑼灣小巴主題餐廳 | 紅Van裝修風格

餐廳入面有紅Van坐位,可以俾小朋友食住茶記常餐打卡。張凳好似紅Van入面啲皮凳,枱與枱之間會有同紅Van一樣嘅小巴車窗,望向窗口仲會見到標誌性嘅手寫小巴水牌。牆上面貼咗香港唔同地區嘅風景,令小朋友好似真係坐咗係小巴上面咁!個落車鐘真係可以叫到侍應叔叔架!小巴迷千祈唔好錯過!

銅鑼灣小巴主題餐廳
座位和牆壁都和小巴一樣。(圖片來源: 肉丸朗之快樂日常)

 

銅鑼灣小巴主題餐廳 | 懷舊氣氛 品嚐港式味道

除咗上面提及嘅紅Van主題之外,喜喜冰室入面仲有好多懷舊物品,餐廳入面每個角落都可以搵到香港人嘅集體回憶,包括小學黑板、紅字綠框嘅白燈燈箱、寫住囍囍兩隻字嘅信箱等。喜喜冰室主打懷舊食物,熱門菜式有雞批浮台、黑白多士、港式雞脾沙律等,去開同小朋友打卡,不如試埋特色小食,等小朋友感受吓獨特嘅港式風味!

銅鑼灣小巴主題餐廳
紅字綠框嘅白燈燈箱充滿懷舊氣息。(圖片來源:喜喜冰室)
銅鑼灣小巴主題餐廳
黑白多士(圖片來源:喜喜冰室)

銅鑼灣小巴主題餐廳 | 免費特色餐廳

Blogger媽媽話門口免費特色單車先係仔仔嘅最愛,門口有罕見嘅四人單車,四個小朋友一齊坐上去先踩得郁。仲可以一齊踩雙人單車遊車河,現埸小朋友好友善,不斷邀請仔仔一齊玩,好快大家就打成一片,不消一會就嘻嘻哈哈,小朋友就係咁簡單!仔仔最鍾意有哥哥司機車佢周圍行,一齊遊車河玩到唔捨得走啊!

銅鑼灣小巴主題餐廳
有免費我四人單車可以玩。(圖片來源: 肉丸朗之快樂日常)

 

銅鑼灣小巴主題餐廳 | 喜喜冰室Cafe Match Box

 

地址:銅鑼灣百德新街57號Fashion Walk地下C&D號舖

電話:2868 0363

營業時間:08:00-22:00

交通:銅鑼灣站E出口,步行約4分鐘

 

常見問題:

問:喜喜冰室營業時間是?
答:08:00-22:00

問:喜喜冰室點去?
答:銅鑼灣站E出口,步行約4分鐘

你會帶仔女去嗎?

更多精選內容