銅鑼灣貓Cafe Cat Here貓貓地|包一杯飲品與貓咪互動 先認識後領養 小朋友首半小時免費

銅鑼灣貓Cafe Cat Here貓貓地|包一杯飲品與貓咪互動 先認識後領養 小朋友首半小時免費

親子好去處

銅鑼灣貓Cafe|好多爸爸媽媽都想養一隻寵物陪小朋友玩,不過小朋友又係咪真係鍾意貓咪?位於銅鑼灣嘅「Cat Here貓貓地」貓Cafe最近推出咗個專屬小朋友嘅優惠,3歲以上的小朋友頭半個鐘免費,可以俾小朋友領養前先認識下貓咪!

圖文授權:Cat Here貓貓地|編輯:Billie

銅鑼灣貓Cafe|Cat Here貓貓地 貓咪中途之家

「Cat Here貓貓地」是一間流浪貓咪的中途之家,在Cat Here生活的貓咪都曾經有過不好的經歷。為了可以培養小朋友的愛心,減少未來棄養的情況,Cat Here特別推出了全新優惠,上去貓Cafe玩嘅小朋友頭半個鐘免費!爸爸媽媽可以帶埋小朋友上去認識下貓咪,歎吓唔同嘅飲品,仲可以同貓咪打卡!

銅鑼灣貓Cafe
小朋友可以同貓咪互動。(圖片來源:Cat Here貓貓地)

銅鑼灣貓Cafe|與貓咪互動 先認識後領養

店入面大部分的貓都可以領養,除咗3隻店貓之外,Cafe Here提供15個暫託位,現時有12隻貓貓係店入面適應緊。貓Cafe入面有好多貓咪玩具,俾小朋友同貓咪互動嘅機會。小朋友和媽媽可以先在貓Cafe接觸認識牠們,深思熟慮之後再決定係咪領養佢哋。貓Cafe希望幫助到更多流浪貓,尤其是成貓,希望可以讓小朋友從小就明白以「領養代替購買」的概念,在相處之中明白成貓也是寶。

銅鑼灣貓Cafe
可以用玩具同貓咪玩!(圖片來源:Cat Here貓貓地)
銅鑼灣貓Cafe
Cafe內有很多貓玩具。(圖片來源:Cat Here貓貓地)

銅鑼灣貓Cafe|花茶飲品 貓咪紙牌遊戲

入場費以每小時計算,可以入內同貓咪互動之餘,亦包括一杯飲品。店內的飲品包括輕便飲品、兒童飲品、花茶等,大人小朋友都啱飲。除了可以同貓互動之外,店入面仲有不少益智紙牌俾大人小朋友玩樂,大部分都係同貓咪有關嘅,例如貓咪拼圖,玩嘅時候話唔定貓咪會嚟搗亂!小朋友同媽媽可以喺貓咪同遊戲嘅陪伴下,享受舒適寧靜的時光。

銅鑼灣貓Cafe
店內有許多紙牌遊戲。(圖片來源:Cat Here貓貓地)

銅鑼灣貓Cafe|貓奴打卡位 影相留念

同貓咪玩咗咁耐唔捨得走?唔洗怕,貓Cafe入面仲有一個貓奴打卡位,小朋友可以係店員嘅協助下,同自己中意嘅貓咪拍照留念。打卡牆上面有各式各樣嘅貓奴標語,包括「鏟屎官」、「喵星人」等,記住要影相留念!唔只打卡牆,店內嘅裝修都以貓咪做主題,周圍都見到貓咪嘅影子啱哂打卡。如果覺得打卡唔夠,好想知道貓咪嘅最近動態,就要留意Cafe Here嘅Facebook專頁,佢哋會定期更新貓咪嘅近況,推出唔同嘅優惠,唔好錯過減啦!

銅鑼灣貓Cafe
店內有貓奴打卡牆,可以同貓咪打卡。(圖片來源:Cat Here貓貓地)

 

銅鑼灣貓Cafe|Cat Here貓貓地

收費:

平日每人首小時$98(包一杯飲品),其後每小時$50

假日每人首小時$108(包一杯飲品),其後每小時$65

優惠詳情:3至11歲小童半價,每位小朋友需要有一位家長陪同,敬請預約

營業時間:12:00至20:00(星期二至日)

Facebook:Cat Here專頁

即睇Cat Here貓貓地詳細地址及聯絡方法

 

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你會帶仔女去嗎?

更多精選內容