長洲好去處

長洲好去處:8大長洲美食+景點打卡推介 小長城行山賞東灣|附長洲船期

親子好去處

廣告

長洲好去處|在疫情期間想散散心吸新鮮空氣?不如到長洲一日遊吧!長洲美食一直深受香港人喜愛,除了吃海鮮、大魚旦、芒果糯米糍和踩單車之外,長洲也不乏小店及行山打卡景點!

離島好去處


長洲好去處親子一日遊

長洲美食推介
長洲文青小店推介
長洲景點打卡推介
長洲船期及收費(2022年4月更新)

長洲好去處:8大長洲美食推介

長洲美食1. 馳名彈牙魚蛋

長洲最出名係拳頭咁大嘅魚蛋,魚蛋檔周街可見,但若要數最多款式及有名氣的,必揀甘永泰!碼頭一出行兩步就到,除咗必食嘅大魚蛋外,特別推介魚肉釀豆卜,雙重口感好過癮!

甘永泰魚蛋
地址 長洲新興街106號地下
電話 2981 3050
營業時間 7am – 5pm

長洲美食2. 巨薯棒串、冰果葫蘆

位於碼頭前往沙灘的必經之路,專賣波浪型切片的巨薯棒串,新鮮炸起後俾大家自行調味,到旁邊專櫃灑上所愛的味粉,包括惹味至咖喱及香蒜,而另有甜到漏的朱古力味粉都有得揀!同一家店還有冰果葫蘆,同樣地,冰果葫蘆以長取勝,整條冰果葫蘆足足長過30厘米,有提子、桃、菠蘿、西瓜等水果。

長洲好去處 長洲美食
(圖片來源:新傳媒資料室)
洲啤工房
地址 長洲東灣道16號
電話 9281 7755
營業時間 11:30am-6pm

長洲美食3. 平安大包

長洲島上兩間大會指定平安包供應商之一,位於小島中央位置的北社街, 其平安包為必買手信,有豆沙、蓮蓉及麻蓉三味,八蚊雞一個,買嚟做手信最啱!另外,店內亦有賣各式傳統包餅如芝麻餅、豬仔餅及冬瓜蓉餅等。

郭錦記餅店
地址 長洲北社街46號舖
電話 2986 9717/9841 5683
營業時間 8am-7pm 星期二休息

長洲美食4. 雙色芒果腸粉、香芒糯米糍

甜品的種類相當的繁多,在島民之間略有名氣,如果假日來到預咗要排隊等位!店中有多款中西冷熱甜品,一般市區糖水店食開的這裏一樣有供應,而鎮店的有香芒糯米糍及榴槤糯米糍,特別推介雙色芒果腸粉。

允升甜品
地址 長洲新興街5號
電話 2981 5032
營業時間 11am -6pm

長洲美食5. 紅豆餅

紅豆餅即台灣車輪餅,紅豆很多,而且煮得很綿,也不會太甜,一個人吃一個也不會太膩。不愛吃紅豆餅,還有壽司可供選擇。

故鄉茶寮 (故鄉俱樂部)
地址 長洲教堂路17號地下
電話 2981 5038
營業時間 1pm-6pm

長洲美食6. 超大份芒果糯米糍

入到長洲一定要食芒果糯米糍!大家可能會問:「芒果糯米糍長洲一街都係啦,有咩咁特別呀?」但長洲呢度係用半隻芒果分量去製成的加料版,平時食開的只用四分一隻芒果。皮薄餡多,半隻手掌咁大,識食嘅長洲人個個都食緊,愛芒之人更必定為之瘋狂!

長洲平記
地址 長洲北社海傍路19A號地舖
電話 3480 2771
營業時間 10am-6pm

長洲美食7. 悠閒cafe歎下午茶

掃街掃到攰,想搵地坐下抖抖?可以到Rainbow Cafe歇歇,店內環境舒適,提供的食物、飲品有質素,最適合邊hea邊食。

Rainbow Cafe
地址 長洲新興海旁街63號地下
電話 6938 4433
營業時間 10:30am-6pm

長洲美食8. CAFE一嚐火焰牛油果班戟

Corner Garden Crepe & Drinks最吸引人的賣點一定是火焰的班戟!

Corner Garden Crepes & Drinks
地址 長洲大新街61AB號
電話 2981 1686
營業時間 11:30pm-6pm(星期二休息)

回到目錄

長洲好去處:文青小店

長洲文青小店1.nitti-gritti

充滿歐陸風店面,售賣不同手製精品,尤以動物造型最吸引。

nitti-gritti
地址 長洲新興後街105號
電話 3689 1242
營業時間 12:00an-7pm (星期五、六、日)星期一至四休息

網址:nitti-gritti

長洲文青小店2.賣藝 myarts

為私人營運的藝術地攤,由2011經營至今,共有18個檔攤,有不同手作人、藝術或文化創作人、攝影師、音樂人、寫作人擺賣個人作品,間中也會有表演。

長洲好去處 親子好去處 5大離島一日遊 尋找隱世店舖
藝術地攤共有18個檔攤,有不同手作人、藝術或文化創作人、攝影師、音樂人、寫作人擺賣個人作品,間中也會有表演。(圖片來源:新傳媒資料室)
賣藝 myarts
地址 長洲東灣道1號地下
電話 2332 9985
營業時間 11am-6pm(星期一至五)
10am-6pm(星期日)

網址: 賣藝 myarts
回到目錄

長洲好去處:長洲打卡4大景點推介

長洲打卡景1. 東灣海灘

未算十分水清沙幼,但它是長洲最大的沙灘,天氣漸熱,相信未來的假日會開始日漸多人,有救生員、防鯊網、廁所、更衣室、淋浴設備、浮台等基本設備,同時有商店出租巨型沙灘傘及水上活動用具等。

長洲好去處 親子好去處 5大離島一日遊 尋找隱世店舖
(圖片來源:新傳媒資料室)

長洲打卡景2. 單車漫遊小島

租架三輪單車,一家大細一同穿巷探弄,有時租及日租,日租最化算,唔使行到腳仔軟,抵玩!

長洲好去處 親子好去處 5大離島一日遊 尋找隱世店舖
(圖片來源:新傳媒資料室)
恩記單車
地址 長洲北社三里40C地下
電話 2332 9985
營業時間 8:00am–19:00pm

長洲打卡景3. 張保仔洞加日落

冇去過張保仔洞唔算去過長洲吧!話雖如此,但洞內空間細小窄,入洞有一定危險性,自己衡量入唔入啦,唔入喺洞口位影張到此一游交差吧!

長洲好去處 親子好去處 5大離島一日遊 尋找隱世店舖
張保仔洞(圖片來源:新傳媒資料室)

來往張保仔洞的必經之處有個西灣碼頭,雖然日落時長洲整個西面都睇到,但論欣賞環境必選這裏!鹹蛋黃高掛照射金光,海裏浪花浮波掠影,小渡頭漁火閃閃,如詩美景何處尋?長洲靚景是也!

長洲好去處 親子好去處 5大離島一日遊 尋找隱世店舖
(圖片來源:新傳媒資料室)

長洲打卡景點4. 小長城行山

長洲遊其實除了吃海鮮、大魚旦、芒果糯米糍和踩單車之外,長洲是行山的一個很好的親子選擇!長洲都有一條行山路線,位於長洲東面,十分適合一家大細去鬆一鬆!這條行山路線就是-小長城。 這條路線行上來十分舒適,而且亦可看到大自然美的風景,以及它的一大特色-奇形怪狀的石頭,石頭被合稱為「十六肖石頭」!

閱讀更多:長洲親子行山 小長城輕鬆2小時 睇奇石 路線交通一覽

回到目錄

長洲船期及收費

新渡輪設有普通渡輪及高速船航班。普通渡輪分為普通客艙及設有冷氣設備的豪華位客艙。高速船全船均有冷氣設備。航班座位以先到先得形式分配,滿座後未能登船之乘客請等候下一班航班。

2022年4月1日起最新時間表

新渡輪收費

回到目錄

常見問題

長洲好去處有甚麼推介?

長洲好去處其實除了吃海鮮、大魚旦、芒果糯米糍和踩單車之外,長洲是行山的一個很好的親子選擇!即睇:8大長洲美食+景點打卡推介

除了長洲好去處外,還有親子好去處推介嗎?

除了長洲好去處外,野餐及自駕遊都深受家長小朋友喜愛。即睇:靚景野餐地點推薦香港自駕遊好去處

圖片來源:新傳媒資料室、大仁生活、Natmama親子育兒生活誌、新渡輪官網

你會帶仔女去嗎?

更多精選內容