青衣城 「新春園遊會」4大影相位+2大懷舊攤位

青衣城 「新春園遊會」4大影相位+2大懷舊攤位

新年商場佈置唔係淨係得影相打卡嘅! 青衣城 呢個以「新春園遊會」為主題的傳統佈置仲有得玩!6米高的摩天輪呃like一流啦!場內仲有2個充滿回憶的攤位遊戲,即場登記做青衣城MSmart會員仲有得免費玩,有機會贏走Bib Bib Family可愛熊啤啤毛公仔呀!

 

撰文:Fiona Fong
相片:Simpson Chiu

4大影相位 教埋你點影先靚!

開運摩天輪

6 米開運摩天輪 雞年轉出好運

嚟到呢度,第一個映入眼簾的一定係6 米摩天輪!摩天輪聳立於商場中庭,上面有8個仿似中式六角亭造型的車廂,企喺前面影相,夠晒震撼!

1018

中式六角亭

雖然個摩天輪就唔上得去,但係想坐喺中式六角亭造型車廂,都唔係無辦法嘅!個車廂就喺摩天輪隔離咋!如果好似小編咁影,仲可以影相摩天輪啦!

0984

巨型咖啡杯

同場還有3個氹氹轉咖啡杯,環繞著中央一個造型高雅的英式咖啡壺,壺身畫滿淺粉色桃花,仲有手繪朱紅色雄糾糾公雞,坐喺杯中影返張全家福就啱晒啦!3個咖啡杯都可以影到唔同的背景,小編就覺得其中呢2個背景最靚啦!

青衣城新春園遊會

1050
呢個咖啡杯可以影埋後面個摩天輪啊!
1002
呢個就影到桃花!

桃花樹下

成個場有3棵桃花樹,上面掛滿福袋,雖然唔係真嘅,但勝在夠靚嘛!一場嚟到,梗係要摸摸福袋,沾沾福氣啦!

1036

3大必玩位

cats

AR體感互動照相館

場內設有免費「AR體感互動照相館」,進入攤位後,只要對準巨型屏幕擺「Pose」,互動感應器便會依照各人姿態,在屏幕影像上為大家套上賀年裝,之後就可以開始玩互動遊戲啦!

玩家要喺限時內大搶虛擬金元寶及福字揮春,玩完之後仲可以影返張相留念,嘟返QR code仲可以下載相片或即時分享,上載至Facebook呃like!

 

0908
一邊接吉一邊接福字揮春,好忙啊!
IMG_0917
著住賀年衫都幾搞笑!
0923
影相時間到!記住望鏡頭啊!
IMG_0928
嘟QR code仲可以拎返張相同share俾Friends啦!

日期:即日至2月14日
開放時間:中午12時至晚上10 時

懷舊傳統中式攤位遊戲

1129

「一圈即中行大運」

參加者可獲5個膠圈,擲中透明膠樽可獲細獎、扔中綠色膠樽就可以抱走Bib Bib Family熊啤啤啦!一個都唔中?唔緊要!都有安慰獎啊!
難玩程度:呢個好講彩數,但勝在唔洗排好耐隊,密密玩增加中獎機會。
中獎機會:一般
1104

 

「財源滾滾球」

遊戲區有唔同的顏色洞,只要將滾滾球擲入綠色洞可獲細獎,銀色洞則可獲大獎,又可以抱走熊啤啤啦!擲入紅色洞都可以獲得安慰獎!
難玩程度:千萬唔好太大力,可嘗試靠陰力撞牆入銀色洞拎大獎,由於呢個極度易中,所以銀色洞不多。
中獎機會:極高
總結心得:但自覺兩個攤位都十分回本,因為除咗Bib Bib Family公仔、仲有毛毯、暖水袋同咕𠱸,平均都2百幾蚊件架!就算唔中都有安慰獎!即場做青衣城MSmart會員仲可以免費玩3次。

 

1066

開放日期:1月14至15日、1月21至31日、2月4、5、11、12日
開放時間:中午12時至晚上10 時
參加辦法:凡MSmart會員憑100積分或憑即日單一電子貨幣(信用卡、易辦事或八達通)消費滿HK$200或以上,即可參與遊戲。

手機程式「金雞報喜」

大家由即日起至2月14日期間,下載《MTR Malls》App,進入「金雞賀歲」,便可依照提示於商場內找出隱藏的道具,集齊道具便可換領港鐵商場$50現金禮券等豐富禮物。
「金雞賀歲」手機遊戲

日期︰即日至2月14日
下載《MTR Malls》App︰iOS / Android
cats

 

青衣城 「新春園遊會」詳情

日期:即日起至2月14日
時間:中午12時至晚上10時
地點:青衣城一樓夢幻島大堂
查詢:2186 7284

更多精選內容