【親子好去處】香港國際七人欖球賽2018 ! 4大rugby迷好去處|銅鑼灣睇直播+嘉年華

一年一度體壇盛事「香港國際七人欖球賽」,4月6日正式開始!香港各地都有多個欖球節目,今次記者就推介4個球迷好去處,當中包括好多大人同小朋友都適合玩的活動,還有街頭直播賽事,好好feel,齊齊投入欖球狂熱。

撰文:[email protected]新假期|圖片:香港欖球總會、有線電視、相關機構

4月6日開波 香港國際七人欖球賽

一年一度香港國際七人欖球賽,將會在4月6日至8日上演。今年參賽隊伍有40隊,在為期三日的比賽入面,上演達95場賽事!其中香港女子隊,在4月5日,會率先跟中國和哈薩克進行賽事。而到4月6日,大家就可以看到香港隊對德國的外圍賽啦!

香港國際七人欖球賽
一班欖球員已經準備好!
欖球賽
一連三日,上演精彩又刺激的賽事。

香港國際七人欖球賽賽事時間表 :

https://hksevens.com/

而在香港,有不少地方都舉辦一連串的欖球活動,給大眾齊齊投入賽事,感受球賽的熾熱氣氛!今次記者就介紹4個球迷好去處,一起為香港隊加油!

1.香港大球場

最直接撐場的做法一定是到現場睇波啦!今年香港國際七人欖球賽,會在大球場舉行,門票呢,一早已經公開抽籤,抽中的朋友仔準備好沒有?記得入到去,要齊齊叫「香港隊加油」!

欖球賽
一齊入大球場,感受欖球比賽的氣氛。
欖球賽
近距離睇住球員「廝殺」。

2. 欖球嘉年華 銅鑼灣睇直播!

不過入唔到場的朋友,都可以去到銅鑼灣睇直播!在銅鑼灣就有欖球嘉年華,除了提供現場直播外,還有多項精彩活動,例如有「忍者錦標賽賽」和「電競擂台」,一邊睇欖球賽,一邊又可以睇忍者大賽,忙死人咩!

直播睇賽事

今次會提供大熒幕給觀眾睇賽事,熒幕設於利園「忍者錦標賽」場地、 利園旁Chanel 和希慎廣場4樓Sky garden。

睇住大熒幕直播,另有一番風味。

忍者錦標賽

由兩位前美國著名忍者創立的「Wolfpack 忍者錦標賽」,參照同類型的大受歡迎美國電視節目,參賽者需要越過大量障礙物!在4 月 6 至 7 日會在銅鑼灣舉行計時預賽,決賽就會在 4 月 8 日上演。

「Wolfpack 忍者錦標賽」!
參賽者要挑戰多個關卡!

Wolfpack忍者錦標賽
日期:4月6至7日(計時預賽)/4月8日(決賽)
地點: 銅鑼灣利園希慎道33號(顯示地圖

「電競擂台」

希慎廣場 4 樓將化身為 NBA 2K18 和 FIFA18 的比武之地,DJI 也會舉行嶄新的航拍機飛行比賽。部份欖球員也會參戰,比賽於 4 月 3 至 6 日進行,4 月 7 至 8 日舉行淘汰賽,而 4月 8 日上演決賽。

電競擂台,大家可以發揮平日打機的水準啦。
連欖球員都愛打機,也會參戰!
小朋友都有份參與。

「電競擂台」
日期:4 月 7 至 8 日(淘汰賽)/ (決賽)
地點: 希慎廣場4樓(顯示地圖

香港國際七人欖球賽嘉年華 (4 月 6 日至 8 日)

一班表演者、街頭藝術家、音樂和賣藝者,將於「香港國際七人欖球賽」賽事周末在利園一帶的戶外和室外場地,為粉絲和顧客送上特色娛樂。

到時會有不同表演者、街頭藝術家、音樂和賣藝者為觀眾表演。

StreetMAZE Hunt遊戲

銅鑼灣一帶都出現不少大型的塗鴉和藝術作品,總共有7件。大家除了可以欣賞作品外,更可以舉起手機,參與StreetMAZE Hunt遊戲。遊戲非常簡單,首先下載「香港國際七人欖球賽」應用程式,遊戲程式內的地圖標示了各個關卡之所在,參加者只須利用定位功能即可輕易找出街頭藝術作品。再掃描關卡專屬的QR圖碼便可解開各個關卡。當全部12個關卡解開後,即可獲得豐富獎賞!

每件藝術品都加入了欖球元素。
記者現在給Tips大家找尋藝術品啦!
還有大型塗鴉。
連地下都有。
建築物上都會有,大家要抬頭望望!

StreetMAZEHunt
日期: 即日至4月8日
地點: 銅鑼灣利園區

3. 維港影相打卡 25米巨型欖球裝置

大家除了睇波之外,還可以去到維港打卡!為了令全港市民投入這項體育盛事,香港旅遊發展局就在維港設置約10層樓高的巨型欖球裝置,讓大大粒欖球放在維港中央,大家就可以跟欖球影餐飽!

欖球有25米高,相等10層樓高。
由即日起到4月8日,於尖沙咀香港文化中心海旁展出。
大家可以在岸邊打個卡!
方力申都已經率先打卡!
大家都可以學學陳奐仁的pose。

25米巨型欖球裝置
地點:尖沙咀香港文化中心海旁
日期:即日至4月8日

4.唔使同人迫 安坐家中睇直播

如果大家不想出街,想安坐家中睇賽事都得!今年有線電視和奇妙電視將會直播欖球賽事,而且只要上有線網頁,更可以睇盡多場精彩賽事,坐定定在家中,食住薯片睇波啦!

有線將會直播三日賽事。
奇妙電視亦會免費直播賽事。

奇妙電視中文台 (77頻道)
7 /4(Sat.) 11:35am to 5:00pm
8/4 (Sun) 2:55pm to 7:45pm
每日焦點 30 mins
7/4 -9/4 0:30am to 1:00am

有線寬頻網站直播
www.i-cable.com

收費電視:有線高清202 及 有線體育台
6/4 (Fri.) 10:15am to 9:15pm
7/4 (Sat.) 8:45am to 8:00pm
8/4 (Sun) 9:15am to 8:00pm

每日焦點 30 mins
6/4 to 8/4 11:59pm to 12:30am

更多精選內容