鯉魚門馬環壁畫村

鯉魚門一日遊|馬環壁畫村+海鮮街+石礦場遺址+芒草BB級路線

親子好去處

廣告

鯉魚門馬環壁畫村|最近Blogger樂。悠。媽咪帶小朋友去鯉魚門一日遊,原來鯉魚門有超靚嘅馬環壁畫村!沿途可以睇到石礦場遺址、海鮮街、百年古樹同鯉魚門燈塔,小朋友可以親身感受本土文化特色。每個景點都超靚,可以瘋狂打卡!

鯉魚門馬環壁畫村|童年回憶 地道客家茶粿

第一次深入鯉魚門,小朋友對每樣事物都很好奇,見到老婆婆賣茶粿小食,二話不說走上前用零用錢買嚟試。婆婆好親切,笑笑口俾小朋友試下地道小食,童年回憶返哂嚟。攤擋有一個簡單招牌「媽子靚茶粿」,去郊遊的朋友可以留意吓。

鯉魚門馬環壁畫村
(圖片來源:樂。悠。媽咪)
鯉魚門馬環壁畫村
(圖片來源:樂。悠。媽咪)

鯉魚門馬環壁畫村|海鮮街歎生猛海鮮 鯉魚門燈塔吹海風

見到鯉魚門牌坊記住要打卡。行入海鮮街,每檔都有大大隻生猛海鮮比小朋友睇到夠,如果行到肚仔餓,歡迎即場入內用膳。

鯉魚門馬環壁畫村
(圖片來源:樂。悠。媽咪)

繼續沿著路線圖找尋不同景點,可以坐在百年古樹樹蔭下歇息,再走出海旁鯉魚門燈塔 吹吹海風,欣賞海景。鯉魚門真係超啱一家大細去玩!

鯉魚門馬環壁畫村
(圖片來源:樂。悠。媽咪)

鯉魚門馬環壁畫村|馬環壁畫村 鯉魚門特色壁畫

下一站慢步去天后宮和馬環壁畫村,馬環壁畫村每幅壁畫都畫得好靚好細緻,百分百將鯉魚門特色用圖畫一一呈現。壁畫色彩繽紛,鯉魚壁畫同鯉魚門牌坊壁畫必影!

鯉魚門馬環壁畫村
(圖片來源:樂。悠。媽咪)

鯉魚門馬環壁畫村|石礦場遺址 遍地芒草

最後走進石礦場遺址,簡直眼前一亮,秋高氣爽遍地芒草~兩位小朋友被瘋狂拍照,身處市區,都有滿滿的郊遊感!望住大海呼吸新鮮空氣,一星期的工作壓力頓時消除!

鯉魚門馬環壁畫村
(圖片來源:樂。悠。媽咪)

鯉魚門馬環壁畫村|Panda Run 2021 鯉魚門打卡有禮物

依家仲有Panda Run 2021活動,完成打卡活動就可以攞到紀念品:

日期:2021年12月17日(星期五)至 2022年1月13日(星期日)

時間:參加者可於活動日期內自由選擇任何時間完成任務

玩法:於指定起點鯉魚門牌坊及终點鯉魚門石壙場與號碼布打卡拍照,中途再自選其中一個建議打卡點與號碼布打卡拍照,於活動完成後,上傳3張打卡拍照相片至Race Timing Solutions就完成啦

禮物:完成後可於指定日期在Action Panda運動用品專門店領取完賽禮物,包括紀念成功夜燈座,4R紀念相框+活動相片(自選建議打卡點) 及電子證書

參考:官方專頁&官方網站

活動報名日期:2021年12月3日(星期五)至 2022年1月13日(星期日)

鯉魚門馬環壁畫村|交通方法

路線

鯉魚門牌坊 → 海鮮街 → 百年古樹→ 鯉魚門燈塔 → 天后宮 → 馬環壁畫村 → 石礦場遺址(參考地圖

交通

於港鐵牛頭角站搭乘14號至鯉魚門邨巴士總站,再步行6分鐘;於港鐵油塘站A出口開始, 步行12分鐘

時長 2小時(連拍照時間)
難度 ☆☆☆☆☆
郊遊推介指數 ★★★★★

常見問題

鯉魚門海鮮街點去?

於港鐵牛頭角站搭乘14號至鯉魚門邨巴士總站,再步行6分鐘

路線難度高嗎?

是零難度BB級郊遊路線!

撰文:樂。悠。媽咪圖片來源:樂。悠。媽咪

你會帶仔女去嗎?

更多精選內容