去 麥當勞 ，食來食去都係個幾款漢堡好悶？ 7 月 7 日起 ，客人可以自創新口味 ，全新的 Create Your Taste （簡稱 CYT ） ，將於九龍塘又一城及銅鑼灣禮頓中心分店推出 。
顧名思義 ，客人可於全新的「自助點餐機」自助點選配搭 ，即時落單 ，再以八達通卡或信用卡付款 ，過程毋須出一句聲 。 CYT 以碳燒澳洲 100% 安格斯牛肉做「膽」 ，再從 27 款配料中自選 ，包括麵包 、醬汁 、芝士和蔬菜 ，按所選配料逐款計價錢 ，每款約 $4 至 $8 ，最低消費 $45 一個漢堡，套餐 $59 （連薯條和汽水） 。配料當中以香烤法國巴黎菇和甜燒菠蘿最百搭 ，還有墨西哥小辣椒 、松露醬和牛油果茸等都是全新 。想輕盈點 ，還可選擇「走包」 ，以原塊生菜代替 。若然嫌配料太花多眼亂難以選擇 ，不如揀廚師精選漢堡食 ，三款口味包括夏威夷安格斯堡 、田園安格斯堡和蘑菇安格斯堡 ，都係 $45 一個 。

麥當勞Create Your Taste
供應點：銅鑼灣禮頓中心及九龍塘又一城分店
供應時間：7月7日起 ，每日11am-11pm
備註：不適用於24小時麥麥送 。

撰文：Fiona
攝影：Simpson及有關機構提供