黃泥涌水塘花園|得意卡通腳踏船仔重開 $160一家四口任踩45分鐘

黃泥涌水塘花園|得意卡通腳踏船仔重開 $160一家四口任踩45分鐘

親子好去處

黃泥涌水塘花園|黃泥涌水塘公園的腳踏船仔最近終於重開啦!可愛嘅卡通船仔,只要$160就可以任踩45分鐘!除咗踩船仔,仲可以喺上面餵魚。踩到攰坐喺水塘邊望住風景食個下午茶都係一個唔錯嘅選擇!

圖文授權:速龍哥與薯仔|編輯:Billie

黃泥涌水塘花園|腳踏船仔重開

黃泥涌水塘公園的腳踏船仔是不少港島人的童年回憶,最近終於開返,媽媽們可以帶小朋友去玩一日。黃泥涌水塘公園對住港島的家庭來說十分方便,揸車好快就到。腳踏船仔有可愛的卡通頭,見到兔仔頭,小朋友超級興奮!除了玩腳踏船仔之外,沿途見到好多大朋友小朋友係附近行山,如果有時間也可以附近的水壩睇吓,風景超靚!

黃泥涌水塘花園
卡通頭船仔最受小朋友歡迎。(圖片來源:速龍哥與薯仔)

黃泥涌水塘花園|$20魚糧體驗餵魚樂

 

由於剛剛重開,船隻尚未有太多,暫時得四架4人船,6架2人船,排隊的時間會比較長,4人船$160/45分鐘,2人船$120/45分鐘。到達黃泥涌水塘公園後,建議先到售票處買飛,在附近閒逛一會再返去報到上船。腳踏船仔睇落好似好易操作,但其實都唔易踩,因為海面上風大,所以踩嚟踩去都係原位,係一個好好嘅親子運動。係船上面仲可以餵魚仔,魚糧20元一包,俾小朋友體驗吓俾魚仔包圍的感覺。

黃泥涌水塘花園
(圖片來源:速龍哥與薯仔)

黃泥涌水塘花園|小食亭 望靚景歎下午茶

公園入面有小食亭,可以坐低休息食下魚蛋燒賣,小食亭賣的主要都是腿蛋麵、三文治等小食,另外還有雞脾、雞翼,同埋有多款小食的台式拼盤。沿住扶手樓梯行落一層可以望到整個水塘靚景,望住風景歎下午茶超正。公園入口已經有洗手間,上船前可以同小朋友去埋。湖邊的另一邊也設有小食亭,唔洗擔心餓親小朋友。

黃泥涌水塘花園
小食亭有多款小食。(圖片來源:速龍哥與薯仔)

 

黃泥涌水塘花園腳踏船仔

開放時間:

逢星期六、日及公眾假期10:00至17:00

(有救生員當值,有救生衣著)

收費:

45/120分鐘4人船($160 /$200)

45分鐘/2小時2人船($120/180)

20元一包魚糧可餵魚

交通:

在中環交易廣場搭6號巴士;在銅記搭5號專線小巴

 

常見問題:

問:腳踏船仔甚麼時候開放?

答:逢星期六、日及公眾假期10:00至17:00

問:點樣去黃泥涌水塘花園?

答:在中環交易廣場搭6號巴士;在銅記搭5號專線小巴

 

你會帶仔女去嗎?

更多精選內容