【聖誕節2018】迪士尼白色聖誕 欣賞聖誕飄雪及聖誕樹亮燈
每年聖誕節,迪士尼都會佈滿浪漫嘅聖誕氣氛!而由即日起,香港迪士尼樂園度假區亦添上聖誕色彩,各個角色都換上聖誕新裝,同大家歡度聖誕!其中今年最矚目嘅一定係全新18米高聖誕樹,每一晚都會舉行亮燈儀式,配上浪漫嘅聖誕飄雪,超級靚呀!除此之外,今年迪士尼亦首次舉辦「夢想花園冬日市集」,大家唔好錯過!
撰文:Kamen | 攝影:Jacy
迪士尼白色聖誕全新18米高聖誕樹
一踏入園區,高達18米的聖誕樹立刻吸引群眾目光,聖誕樹掛滿閃鑠嘅裝飾,絕對是打卡熱點!

而每晚入黑後,聖誕樹下會舉行亮燈儀式,聖誕樹上的LED燈會配上音樂、煙花亮燈,大家記得預早霸定嘅靚位,同家人朋友留下倩影!


米奇與好友聖誕舞會
除了聖誕樹亮燈儀式外,迪士尼亦帶來「米奇與好友聖誕舞會」。聖誕舞會由米奇和他的迪士尼好友,以及專業舞者和歌手進行20分鐘的表演,這場 20 分鐘的慶祝舞會呈獻精彩的現場四重唱、舞蹈和音樂,圍繞著米奇和朋友的聖誕願望,是一個非常有趣的歌舞表演!
