8大卡通主題餐廳 足本介紹

8大卡通主題餐廳 足本介紹

卡通主題餐廳以往都只有出現喺日本、台灣等地,不過近幾年卡通主題餐廳喺香港就愈開愈多,繼熊本熊Café、姆明Café之後,最近有薯蛋頭先生Café、Hello Kitty Le Petit Café,間中仲會有啲pop up Café或者crossover餐廳,好似尋日喺銅鑼灣廣場2期嘅麥當勞就變身成Minions主題餐廳!既然講得係卡通主題餐廳,無論食物定裝潢都好有睇頭,真係未食先興奮,就等我哋為大家做個足本介紹啦!一於睇完去食去影,跟手緊係順便打埋卡晒命啦!

薯蛋頭先生Café

po04
因為今個月先新開張,所以呢個7月嘅逢星期六、日都會有薯蛋頭先生抱抱會。

《Toy Story》入面嘅玩具角色各有人追捧,當第一眼看見薯蛋頭先生(Mr. Potato Head)時,你未必會鍾意佢,但睇睇下會覺得佢傻得好可愛,最搞笑係成日跌晒啲眼耳鼻,而且佢仲係一個好老公,好愛薯蛋頭太太(Mrs. Potato Head),所以好受粉絲愛戴。7月頭Izumi Curry就將屯門V City同尖沙咀Mira Mall分店改裝成Mr. Potato Head Café,薯仔加咖喱,簡直係絕妙的組合。

po03
每張枱都有薯蛋頭夫婦公仔。
po01
每個卡位都用薯蛋頭簾隔開。

cafe內隨處可見薯蛋頭先生嘅蹤影,當然仲有佢啲眼、耳、鼻,好搞笑!除咗布置同墊枱紙有薯蛋頭先生嘅嘜頭,每枱都會擺放由日本直送嘅薯蛋頭夫婦公仔,大家可以一邊食一邊同佢哋selfie,唔駛等隔離枱影完先到你。cafe限食90分鐘,由於仲係新開張嘅關係,日日都好多人去食,所以大家想唔駛等咁耐就記得早啲去喇!

po02
等緊位都唔驚冇嘢做,因為cafe外有賣薯蛋頭先生嘅精品,可以去睇下有咩啱買。小編個人覺得個 iphone 6 case好靚。
po12
張餐枱紙超靚,好想keep番張?夠膽就試下問店員肯唔肯俾多張你。

睇睇Café個餐牌,都有唔少選擇,仲要好多都有薯蛋頭先生嘅樣,啲眼耳鼻係用蔬菜、火腿等造成,如果你好想自己郁手整薯蛋頭先生個樣,就唔好錯過期間限定嘅「朱古力醬熱香餅配橙汁」,佢會附送枝裝朱古力醬,可以俾你自己DIY唧薯蛋頭個樣,邊玩邊食,大人細路都啱!

po09
朱古力醬熱香餅配橙汁 $69
po08
朱古力醬味道淡口,即使小朋友狂唧都冇問題。
po05
奄列牛肉咖哩飯 $109
po07
薯蛋頭造型原味蛋糕,另有朱古力味。 $69
po06
唔想齋食咖喱,呢個「巨型漢堡薯角套餐」就啱晒! $99
po10
(左)自家製芝士牛肉薯餅飯;(右) 吉列豬扒飯,兩款均可選咖喱汁或燒汁。各$129
po11
呢個「薯蛋頭先生限定版掛飾」只要喺埋單時,Like Izumi Curry個fan page,就可以拎到一個,每枱只限拎一個,而且數量有限,送完即止!

Mr. Potato Head Café by Izumi Curry
地址:尖沙咀彌敦道118號Mira Mall 1樓110號鋪 (即美麗華商場對面)
電話:3104 1904
營業時間:11:30am-10:00pm (最後落單時間9:30pm)

地址:屯門屯門鄉事會路83號V City商場1樓9號舖
電話:3104 1904
營業時間:11:30am-10:00pm (最後落單時間9:30pm)

Hello Kitty Le Petit Café

k02
店面以白和灰色做主調,感覺好Elegant!

Hello Kitty做主題的餐廳、Café一啲都唔陌生,之前佐敦開咗全球首間Hello Kitty中菜廳,我哋都有報導,最近又有Hello Kitty Café開張,就係喺尖沙咀嘅Hello Kitty Le Petit Café,其實即係之前喺銅鑼灣SOGO地庫間舖仔,依家搬去尖沙咀地舖,重新裝修,而呢間店同大坑嘅Hello Kitty Secret Garden、澳門嘅Hello Kitty Obrigado係同一老闆,怪唔之得個店舖風格都有啲相似啦!

k03
白色店面一眼望落去好pure!

同之前銅鑼灣店一樣,不設堂食,不過店面就闊好多,至少唔會好似之前喺SOGO咁同其他人一齊迫,啲食物可以拎喺手擺靚pose慢慢影都得。

k06
店入面有個「偽」梳化位,可以俾你「挨」住同個hello kitty大嘜頭影相。

食物方面,同銅鑼灣店都有少少唔一樣。macaron加入新口味,包括櫻花、沖繩黑糖、芝士、紫薯、栗子,味道多達21款,仲有其他十幾款甜品蛋糕,部分係新調製。

k04
21款味道嘅macaron,一次過點都試唔晒,唯有勤力啲嚟多幾次啦!$28-$30/粒
k09
大頭Kitty雲尼拿蛋糕,另有朱古力味可供選擇。 $68/個
k01
巧克力杯子蛋糕 $38/個
k08
有好多蛋糕選擇,望到樣樣都想試…
k10
大曲奇 $56/6塊、小曲奇 $108/12塊

有新食物之餘,同時保留咗之前好受歡迎嘅乳酪,連價錢都冇變。唔想食甜品嘅話,都有飲品可以選擇,如咖啡、士多啤梨梳打等。

k11
乳酪杯有4款,呢款Tokyo Lover就有紅豆同綠茶麻糬。$48 /杯
k05
(左) 玫瑰鮮奶咖啡 $40/杯 (右) 士多啤梨梳打 $42 /杯
k07
依家消費滿$300,就有Hello Kitty特別版公仔1個,數量有限,換完即止。

Hello Kitty Le Petit Café
地址:尖沙咀赫德道2號地下
電話:2831 8959
營業時間:12nn-9pm

忌廉哥主題餐廳

3brother01
一入門口就見到呢隻拎住條辣椒嘅忌廉哥,好搞笑!

鍾意貓嘅人對忌廉哥呢個名絕不陌生,話佢係香港最出名嘅貓,相信都冇乜人會反對,除咗拍廣告、搞慈善基金外,忌廉哥最近又有新搞作,就係同譚仔三哥crossover,開咗間忌廉哥主題餐廳。講得話係用忌廉哥做主題,店入面隨處可見忌廉哥嘅相,無論係真樣定卡通樣都一樣係cute爆!

3brother09
座位與座位之間好寬敞。
3brother04
擺滿忌廉哥精品、相片嘅展覽櫃

呢間譚仔三哥.忌廉哥主題餐廳有別於其他店舖的格局,用藍白作主色,而且空間感十足,枱與枱之間距離相當闊,感覺一啲都唔侷促,而一入門口嘅左手邊,內有一個擺滿忌廉哥精品、相片嘅展覽櫃,旁邊仲有一塊粉絲留言版,再望另一邊的牆身有一幅忌廉哥威水史嘅看板,記錄咗忌廉哥由出世到依家嘅大事,當然一定有令佢聲名大噪的失蹤事件啦!

3brother03
可以寫低想同忌廉哥講嘅嘢
3brother05
忌廉哥BB仔嗰陣嘅樣好得意!

食物方面,同一般的三哥譚仔一樣,冇特別唔同,不過餐枱紙同meun都有忌廉哥卡通,肥貓、火爆貓、為食貓、心心眼貓……小心睇到都唔記得落單。雖然食物款式冇變,但就推出咗5款一人小食,包括意川醋香番茄、手拍青瓜、大豆芽、雲耳和蓮藕,新主題店價每款$15,不過新開張有優惠,每碟$11,鍾意食小食嘅朋友就啱晒!仲有,最特別嘅係啲碗碟全部都有忌廉哥嘅樣,其他地方都冇架!

3brother10
餐枱紙係四格漫畫嚟架!
3brother11
餐牌好多忌廉哥呀!
3brother12
揀辣度個位有噴火忌廉好搞笑!
3brother06
啲碗碟都有忌廉哥個樣架!粉絲應該好想要返隻啦!
3brother08
埋單走人時發現咗呢幅卡通畫,有好大隻妹妹 (忌廉嫂) 呀!

譚仔三哥.忌廉哥主題餐廳
地址:觀塘康寧道1-9號晨光大廈3樓
電話:2389 0090
營業時間:11:30am-10:30pm

Minions 麥當勞餐廳

mini01
一睇個門口已經好吸引,大大對眼望住你!

上星期成班迷你兵團喺開心樂園餐現身,當然即被搶購一空,今個星期銅鑼灣廣場2期麥當勞仲變身做Minions主題餐廳!大大隻Bob、Stuart、Kevin喺度,粉絲緊係第一時間去影相啦!

mini05
牆身當然會有minios布置啦!

全線麥當勞同McCafé都推出咗一系列Minions黃色美食,包括香蕉批、香蕉朱古力忌廉卷、新地樂等,啲凍飲全部用印有minions樣嘅透明膠杯裝住,加埋啲飲品本身啲顏色,好吸引呀!

mini02
香蕉朱古力 冷/熱 及 冰雪呂宋芒果
mini13
香蕉朱古力忌廉卷
mini04
香蕉批
mini07
眼柑柑新地樂
mini15
芒果新地筒、芒果扭紋新地筒
mini03
新地香蕉脆
mini06
脆怪分享盒

除咗Minions嘢食,仲有令人一見鍾情嘅餐具,每套有叉同羹,粉絲緊係買限量版Minions舐舐脷餐具套裝﹐,因為除咗有3套餐具,仲有個靚靚Minions兩用餐墊袋,呢個袋只得限量版套裝有。另外,24小時麥麥送同McCafé亦可換購指定餐具,所以要儲齊晒5套就要食多幾次麥當勞。

mini17
兩用餐墊袋
mini11
兩用餐墊袋 (打開)
McCafe Coupon Group
Minions舐舐脷餐具套裝內有5張價值$10美食券
mini08
Minions 舐舐脷餐具set A 惠顧任何食品加$30即可換購1套
mini09
Minions 舐舐脷餐具set B 惠顧任何食品加$30即可換購1套
mini10
Minions 舐舐脷餐具set C 惠顧任何食品加$30即可換購1套
mini16
於24小時麥麥送惠顧任何食品滿$70,加$30元即可換購麥麥送限定Minions 舐舐脷餐具1套。
mini14
McCafé版,只需以$100,即可換購1套及4張McCafé中杯裝熱飲換領劵。

Minions 麥當勞餐廳
地址:銅鑼灣駱克道463-483號銅鑼灣廣場2期地下G04號
電話:2891 3503

MOOMIN CAFÉ

moo01
餐廳外圍造型係姆明屋企。

上年年尾喺海港城LCX開嘅MOOMIN CAFÉ係首間海外店,餐廳以姆明谷為主題,同日本嘅好相似,設計以深藍色同啡色嘅田園風為主,入面除咗有好多姆明一族公仔外,仲有手繪嘅壁畫同芬蘭嘅擺設。Café嘅旁邊係姆明精品店,唔少係café限定同香港限定款式,如馬克杯同姆明公仔等。

moo02
勁多姆明公仔同你一齊用餐
moo03
餐廳入面嘅布置好北歐feel
moo04
精品店勁多小肥肥一族的角色精品,由咖啡豆、廚房用具到意大利粉都一應俱全。

既然係主題café,又點少得卡通icon嘅食物啦!café提供嘅食物大部分係北歐菜,但部分食材係由日本進口,如雞蛋、米和北海道牛奶等,聽講話日本姆明café嘅廚師會監督水準,應該睇得又食得啦!其中得香港限定姆明之家熱香餅,有3層高嘅姆明屋,入面分別有唔同嘅甜品,而且仲會贈送7層迷你熱香餅上嘅陶瓷公仔,既然得香港獨有,去到一定要試啦!

moo10
姆明之家熱香餅 $138(全日供應)餅上陶瓷公仔可以帶走 (5選1),但價值$400嘅姆明屋就要另外買。
moo08
樹精拼盤 $130(午餐附沙律及餐湯)
moo14
芬蘭晚餐糖漬醬燉鹿肉 $160(晚餐)
moo13
自家製芝士蛋糕,有樹精同姆明兩款造型。 $88(全日供應)
moo07
三文魚芝士燒 $130(晚餐)
laquaMENU1404dinnerB_OL
三文魚牛奶湯 $40
moo05
Jansson的誘惑,以姆明作者Tove Jansson命名,係以薯仔、鳳尾魚烤焗成嘅熱辣辣芬蘭經典美食。 $60(全日供應)
moo15
姆明latte $50杯(全日供應)
moo09
姆明的格拉格,係北歐傳統飲品,用野莓汁加入玉桂、杏仁、丁香等。 $48(全日供應)

MOOMIN CAFÉ
地址:尖沙咀海港城海運大廈3樓LCX 32號舖
電話:2730 0963
營業時間:11am-11pm
精品店營業時間:10am-10pm

Fullhouse Signature

full01
門口已感受到陣陣溫馨幸福味道
full10
由於餐廳在地庫,入去前要行一條白色樓梯。

Fullhouse來自馬來西亞,以「家」為概念的卡通主題餐廳,有家庭成員爸爸Thomas、媽媽Tracy、姐姐Tiffani及弟弟Tony,餐廳裝潢及餐桌椅仿維多利亞式風格,並用水晶吊燈、古典鋼琴等作裝飾,感覺華麗,猶如童話世界。除咗係餐廳,Fullhouse同時提供婚宴服務,可以俾新手舉行婚禮等儀式。

full04
餐廳裝潢仿維多利亞式風格
full03
既然係以家作主題,當然唔少得俾小朋友發揮創意填色角。
full05
店內陳列卡通精品

食物方面以星馬菜式及西菜為主,有前菜、主菜到甜品應有盡有,而且更會隨季節推出食物及飲品。

full12
大蝦西蘭花忌廉汁闊條麵 $138
full02
甜品拼盤 $238
full14
加拿大T骨扒配粟米及時蔬 $278
full08
燴原隻鮮飽魚伴炒飯及露筍 $145
full06
蘋果金寶伴雲呢拿汁 $63
full15
甜品拼盤 $185
full11
夏日限定飲品 $42

Fullhouse Signature
地址:尖沙咀加拿芬道25-31號國際商業信貸銀行大廈地下1A舖(河內道K11對面)
電話:2369 2813
營業時間:12nn-11pm

熊本熊Café

{"IPTC-DATA":"NMG","data":{"photoID":2184637}}
大大隻熊本熊喺舖頭出面,著上廚師衫都一樣係呆呆呆…

日本熊本縣人氣吉祥物熊本熊Kumamon,推廣熊本縣,國內外大受歡迎,上年年尾喺香港香港開設首間熊本熊「Kumamoto Café 」,由店面裝潢、菜式、員工制服到餐墊,到處可見Kumamon 蹤影。與薯蛋頭Café一樣同Izumi Curry Crossover,如果到依家都未食過,真係要快啲去喇!因為只會開半年至九個月,計計下都差唔多時間同香港say bye bye喇!

{"IPTC-DATA":"NMG","data":{"photoID":2184636}}
全店得40個座位,不過依家熱潮過咗,唔駛點排隊就食到。
ku04
一樣都有熊本熊公仔俾你影俾你抱住selfie,不過就唔係枱枱有,想要特定款就要同隔離枱交換。

食物方面,除咗招牌咖喱吉列豬扒飯之外,亦有漢堡扒、炸蝦、炸雞等,加上沙律和炒飯等洋風料理,大部分採用熊本縣食材製作,又砌成Kumamon頭樣,就連甜品都有Kumamon個樣,粉絲影相都影都手軟。

ku07
熊本產奄列吉列豬扒咖喱飯$148(套餐)
ku06
芝士漢堡扒煎蛋 $148 (套餐)
ku10
太陽蛋炸雞肉飯$138(套餐)
ku08
草莓熱香餅配迷你軟滑雪糕 $79
ku09
草莓朱古力蛋糕配迷你軟滑雪糕 $69
ku05
杏仁蛋糕配迷你軟滑雪糕 $59
ku03
cafe隔離有售賣熊本熊精品

Kumamoto Café
地址:觀塘道418號apm LG一田超市外
電話:2803 9188
營業時間:10am-11pm

Chocolate Rain

choco07
未入店舖,牆外已有大大幅璧畫。
choco05
蘑菇係Chocolate Rain故事裡面嘅重要元素,所以餐廳中央有個大大蘑菇造型的出餐枱。

Chocolate Rain係全港第一家由本地創作公仔為主題的餐廳,店內以拼布裝飾及Chocolate Rain公仔布置,充滿童真感覺,主打前衛的分子料理,由曾任米芝蓮餐廳的大廚主理,來頭一啲都唔惹小,但唔好以為價錢好貴喎!其實菜式價錢同一般餐廳差唔多,但可以食到貴死人嘅份子料理,所以真係好值得去食一次!

choco08
店內同時售賣Chocolate精品
choco09
間中會舉辦手作班
choco10
印有Chocolate Rain嘅杯碟

店內另一側售賣Chocolate Rain嘅精品,間中亦會舉行手作班,由Chocolate Rain創辦人Prudence親自教授,可以邊食邊玩邊做手作。食物方面以一個套餐價錢包前菜、主菜及甜品,價錢由$228-$298不等,亦有甜品package,價錢由$99-$268不等。

choco03
其中一道前菜,名為清新的開始。
choco02
澳洲帶子
choco01
番茄湯
choco11
法式分子焦糖燉蛋雪糕
choco06
大蝦共和國

Chocolate Rain
地址:中環鴨巴甸街35號PMQ A座1樓109-113室
電話:5544 0810
營業時間:4pm-9pm (逢星期一休息)

卡通主題陸續有嚟,7月尾先有比卡超 crossover 沙爹王,到8月就有超人氣梳乎蛋 crossover 點心代表,想知詳情,大家就要密切留意住我哋sundaykiss啦!

10982936_1272833152735206_46648935339343148_o

GUT-logo

撰文:Heidi Lau

更多精選內容