全港4大歐美風打卡點|Anson Lo 《Megahit》紅白油站+馬戲團風Cafe+復古紅磚漢堡包店

全港4大歐美風打卡點|Anson Lo 《Megahit》紅白油站+馬戲團風Cafe+復古紅磚漢堡包店

親子好去處

歐美風打卡點|早前Mirror成員Anson Lo推出了新歌《Megahit》,12天已突破270萬,MV充滿美式復古風格,吸引了不少神徒去MV取景場地。除咗去紅白色的杏花邨油打卡之外,香港仲有好多歐美風打卡點,包括Cafe、漢堡包店、壁畫街等,以下為大家介紹4個 歐美風打卡地點 ,可以同小朋友一齊周圍去打卡,致敬吓MV場景,順便體驗吓美式風情。

圖文授權:《Megahit》 MV 截圖、貓町媽媽親子玩樂、J神遊樂頻道、我是吃貨妹 Ann|編輯:Billie

1. 歐美風打卡點|杏花邨油站:紅白背景Anson Lo 《Megahit》MV拍攝地

最近Mirror成員Anson Lo推出新歌《Megahit》,MV場景充滿美式風格,令人驚豔嘅拍攝效果,原來係喺杏花邨嘅Esso油站拍出嚟。油站以紅白色為主調,MV取景充滿美國復古風情,Esso Facebook亦都特別分享今次Anson Lo嘅MV,杏花邨油站成為神徒打卡嘅新聖地。除咗杏花邨油站,Esso最近重新開幕嘅大埔道油站,亦有好多壁畫可以打卡,去開不妨睇吓。不過打卡還打卡,始終油站係車輛出入嘅地方,媽媽帶小朋友去嘅時候要小心!

歐美風打卡點
《Megahit》 MV 在Esso油站拍攝。(圖片來源:《Megahit》 MV 截圖)

 

 

杏花邨Esso油站

地址:柴灣常茂街8號

營業時間: 24小時營業

查詢: 2505 0033

2.歐美風打卡點|Dirty Skillet:夢幻馬戲團旋轉木馬

Dirty Skillet是位筲箕灣的一間西式餐廳,主打馬戲團嘉年華裝修風格,餐廳待應仲特別着上塗鴉工人服裝,小朋友可以坐喺旋轉木馬下面影相,好似去咗美國迪士尼咁!店內Pizza餅底由廚師手工製作,芝士洋蔥餡仲有拉絲效果!Blogger媽媽大推牛油果粟米片,小朋友都超鐘意。飲品用大量新鮮生果製作,顏色非常繽紛,吸引小朋友目光之餘亦啱哂打卡!

歐美風打卡點
餐廳以馬戲團嘉年華為主題。(圖片來源:貓町媽媽親子玩樂)

Dirty Skillet

即睇Dirty Skillet詳細地址及聯絡方法

3.歐美風打卡點|Morty’s Starstreet:歐美街頭風

講到歐美風一定唔少得漢堡包,港島的美式漢堡店Morty’s Starstreet,門外美式復古紅磚裝修,椅子更是金屬質地的高腳椅,感覺好似飛咗去美國一樣,是不少年青人的打卡地點。除了裝修特別之外,Morty’s Starstreet的三文治和漢堡包也十分正宗,餐點都有附贈薯條或是沙律。Blogger特別推薦燻牛肉三文治,Cafe主打慢煮自制醃肉和燻肉,牛肉帶著甜香保留一些脂肪。媽媽可以同小朋友一齊歎個超正嘅下午茶,順便喺復古紅磚前面打卡!

歐美風打卡點
美式復古紅磚外牆很適合打卡。(圖片來源:我是吃貨妹 Ann)

Morty’s Starstreet

地址:灣仔永丰街8至10號、中環康樂廣場1號怡和大廈12至14號舖

營業時間:星期一至日11:30至22:30

查詢: 3665 0890

4.歐美風打卡點|中環壁畫街:同荷里活巨星合照

中環的壁畫街一向十分有名,不少商店都會在自己的外牆畫上各種風格的壁畫,希望可以吸引遊客駐足觀看。其中位於荷李活道的Madera Hollywood Hotel的外牆,更畫上了多位荷里活明星的畫像,街頭風的畫作,令酒店成為了中環的地標。爸爸媽媽小朋友不妨過去打卡,和荷里活明星一起合照,體驗去美國旅行的感覺。有時間還可以去看看其他風格的壁畫,來一場環球旅行。

歐美風打卡點
壁畫上有很多荷里活的十明星。(圖片來源:J神遊樂頻道)

Madera Hollywood Hotel

地址:中環荷李活道53號

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你會帶仔女去嗎?

更多精選內容