Minions 突襲 麥當勞 今次換得意餐具!

親子好去處

Minions 突襲 麥當勞 今次換得意餐具!

《 Minions 》上畫喇 ,大家睇咗未呀 ?未睇唔緊要 ,㩒得入呢篇文 ,相信你都好快會去睇 。提提你 ,下星期 7 月 16 日起 ,全港 麥當勞 將會被 Minions 一班迷你兵搞到天翻地覆 ,第一時間搞嘅就梗係餐單啦 。首先有「傻蛋孖牛漢堡」 ,以金黃扭紋芝麻包夾住雙層牛肉芝士加雞蛋 ,加上爽口洋葱條, 醬汁配以牛排風味醬及芥末薯仔風味醬 ,聽到都知係濃重口味之作 !怕天氣熱辣辣唔想咁 heavy ?咁就要試下迷你兵特調「眼柑柑新地樂」 ,柑橘加雲呢拿新地都認真夠晒搗亂 !咩話 ?太新穎又唔敢試 ?唔緊要 ,同 Minions 一樣黃甘甘嘅「菠蘿新地」系列亦同步推出 , 又終於有蕉味嘅「香蕉批」及「新地香蕉脆」 ,今次無藉口喇 !

Minions 亦會喺 McCafé 搞夏日「 Bello 」派對 ,派對食品有充滿「蕉」氣 ,包括有「香蕉朱古力」同「香蕉朱古力忌廉卷」等等 包你食到唔捨得走 。而除咗嘢食之外 ,最爆嘅相信係期間限定迷你兵團主題 麥當勞 餐廳 ,銅鑼灣廣場2期的 麥當勞 將化身為迷你兵團香港總部 ,打卡 selfie 必到 !

最後就係介紹每次聯乘最觸目嘅特典產品換領 ,今次換限量版 Minions 舐舐脷餐具套裝三款 ,惠顧任何食品加 $30 即可換購其中一款 !同時提供限量版 Minions 舐舐脷餐具套裝 ,惠顧任何食品加 $188 即可換購 ,包餐具套裝三款 、兩用餐墊袋一個 ,及 $10 面值麥當勞美食券五張。另外麥麥送滿惠顧任何食品滿 $70 可加 $30 換購麥麥送特別版餐具 , McCafé 亦同步推出 $100 套裝 ,包括McCafé 特別版餐具及 $10 面值麥當勞美食券四張。

麥當勞
供應期:7月16日起
註:部分分店不提供上述期間限定項目
查詢:www.mcdonalds.com.hk

撰文:Ken

如您欣賞本文章 , 懇請讚好我們的FB專頁 , 鼓勵我們做得更好 。
網址 : www.facebook.com/SundayKiss

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你又點睇?

更多精選內容