【急口令大挑戰】9大最難廣東話急口令大全 讓孩子一同練口才

【急口令大挑戰】9大最難廣東話急口令大全 讓孩子一同練口才

「急口令」是我們由細到大都會玩的遊戲,只要讀錯少少,成句句子就會變了意思,總能讓身邊人發笑。爸爸、媽媽你們對小時候玩的「急口令」又記得幾多呢?以下有9句急口令,爸媽不妨教仔女,一家人一齊練咬字,一齊笑餐飽。而且這是一個加強親子關係的好活動,大家一齊挑戰啦!

撰文:Sunday Kiss|圖片來源:Shutterstock、irasutoya、郭可盈IG、TVB《創富坊》截圖|編輯:Ruby

9大「難到震」急口令:

第一級急口令:

1.入實驗室撳緊急掣,入食物實驗室撳緊十個緊急掣。

急口令
急口令一。

2.郵差叔叔送信純熟迅速送出。

急口令
急口令二。

3. 黐線蜘蛛啲蜘蛛絲黐住枝樹枝。

急口令
急口令三。

第二級急口令:

4. 麥當娜約左麥當雄去麥當勞道嗰間麥當勞食麥皮撈當歸。

急口令
急口令四。

5. 床腳撞牆角,牆角撞床腳, 你話床角撞牆角定牆角撞床腳。

6.圓圓遠遠叫圓月,叫來圓月來賞月。 圓圓說:月月圓,圓月說:圓圓月。 圓圓說:圓月的眼圓比月圓。 圓月說:圓圓的圓眼賽圓月。 究竟是圓圓,圓月的眼兒圓,還是圓圓的月兒圓。

第三級急口令:

7. 掘柑掘桔掘金桔,掘雞掘骨掘龜骨,掘完雞骨掘金桔,掘完龜骨掘雞骨。

急口令
急口令七。圖片來源:irasutoya

8. 一蚊一斤龜,七蚊一斤雞,佢話龜貴過雞,我話雞貴過龜,咁究竟龜貴過雞定係雞貴過龜?

9. 郭藹明見郭可盈,話郭可盈個袋型,郭可盈叫郭藹明過海改個袋型,改成郭可盈個袋型。

急口令
急口令九。圖片來源:郭可盈IG

急口令回顧

2015年4月,女主播林芷彤喺主持財經節目《創富坊》時,僅以約16秒讀出一段逾130字嘅免責聲明,技驚四座,而呢段聲明亦被稱為「奪命急口令」,大家不妨去挑戰吓啦!

以上嘉賓係金管局同證監會嘅持牌人,以上談及嘅結構性產品並無抵押品,如發行人無力償債或者違約投資者可能無法收回全部或部分應收款項,結構性產品嘅價格可以急升或者急跌,投資者有機會蒙受投資嘅全盤損失,而過往嘅表現並非未來表現嘅指標,所以投資前呢請參閱相關嘅上市文件作出風險評估,同埋尋求專家嘅意見。

急口令
林芷彤僅以約16秒讀出一段逾130字嘅免責聲明。圖片來源:TVB《創富坊》電視截圖

 

https://www.youtube.com/watch?v=4wJwyZOGT6Y

更多精選內容